Qatı ermənipərəst teleaparıcı Solovyov da Azərbaycanın zəfəri qarşısında əyildi... Paşinyan bacarmadı, Əliyev bacardı...

Afsəddin Nəbiyev: “Solovyov məğlubiyyətin yetim olduğunu dərk edərək, indi də Ali Baş Komandanımıza jest edir”

img

Rusiyalı məşhur ermənipərəst teleaparıcı Vladimir Solovyov müəllifi olduğu verilişdə Ermənistan rəhbərliyini tənqid edib. O qeyd edib ki, Paşinyandan fərqli olaraq, İlham Əliyev öz vəzifəsini yerinə yetirdi.

Solovyov baş nazir Nikol Paşinyana söz ataraq deyib ki, məğlub olan özündən başqa hamını günahlandırır: “Paşinyan Ermənistan xalqının ona verdiyi əsas vəzifələri yerinə yetirmədi. Qarabağı müdafiə etmədi. Azərbaycan Prezidenti isə vəzifəsini yerinə yetirdi. Paşinyan tamamilə uğursuz oldu. Bacarıqsızlığı ilə Qarabağa xəyanət etdi. Bu, mənim şəxsi fikrimdir”.

İkinci Qarabağ müharibəsi zamanı aşkar şəkildə Ermənistanın mövqeyindən çıxış edən Solovyovun indi İrəvan hakimiyyətini tənqid etməsi erməni cəmiyyətində müzakirələrə və narahatlığa səbəb olub.

Belə görünür ki, qatı ermənipərəst teleaparıcı Solovyov da Azərbaycanın zəfəri qarşısında əyildi və mövcud reallıqları qəbul etmək zorunda qaldı. O baxımdan bunu ekspertlər necə dəyərləndirirlər?

  • ...həqiqətin, haqqın kimin tərəfində olduğunu yaxşı bilir”

Sözügedən məsələ ilə bağlı fikirlərini “Bakı-Xəbər”lə bölüşən AMİP-in sədr müavini Afsəddin Nəbiyev buna bir neçə aspektdən yanaşdı: “ Rusiyalı teleaparıcı Vladimir Solovyov müharibədən əvvəl və müharibə dövründə Azərbaycan dövlətinə, xalqımıza qarşı əks mövqe nümayiş etdirərək, açıq şəkildə erməniləri müdafiə edib. Məlumdur ki, erməni diasporunun təsiri altında olan  Solovyov kimi aparıcılar az deyil. Ancaq, necə deyərlər, hər bir həqiqətin ortaya çıxması üçün zamana ehtiyac var. Zaman hər bir məsələni öz yoluna qoyur. Rusiya kimi böyük dövlətin efirlərindən Azərbaycan dövlətinə və xalqına aşağılayıcı münasibət hər bir vətəndaşımızda kəskin etiraza səbəb oldu. Həmin dövrlərdə rus telekanallarının  Azərbaycanda yayımının dayandırılması üçün cəmiyyətimiz tərəfindən haqlı çağırışlar  səsləndirilirdi. Solovyov erməni icmasının əlində o zamana qədər alət ola bildi ki, artıq ermənilərin bu tip aparıcılara ehtiyacı qalmadı. Çünki yalan, təhqir, böhtan, populizm bumeranq kimi Solovyovun öz üzünə çırpıldı. Həqiqəti, haqqı gizlətmək mümkün deyil. Şəxsən mənim düşüncəmə görə, tanınmış teleaparıcılar həm də yüksək mənəvi keyfiyyətlərə malik olmalıdırlar.  Xocalı soyqırımını törətmiş bir xalqın nümayədəsinin tərəfində olmaq Solovyovun hansı insani keyfiyyətlərə malik olduğunu açıq şəkildə üzə çıxardı. Köçəryan, Sarkisyan kimi Xocalı qatillərinin tərəfini tutmaq, sadəcə, həmin apacının bütün “keyfiyyətlərini” ortaya çıxardı. Eyni zamanda, işğalçının tərəfini saxlayaraq, açıq şəkildə mövqeyini ortaya qoyması səbəbindən Solovyovun, ümumiyyətlə, Xocalı qatillərindən heç bir fərqinin olmadığı qənaətindəyəm. Aparıcı bitərəfliyini qoruya bilmirsə, artıq o, aparıcı deyil. Deməli, sifariş yerinə yetirən bir alətdir . Bunu biz 44 günlük Vətən müharibəsinin gedişində gördük. İndiki mövqeyinə gəlincə, gözəl atalar sözümüz var: “Daldan atılan daş topuğa dəyər”. Solovyov məğlubiyyətim yetim olduğunu dərk edərək, indi də Ali Baş Komandanımıza jest edir. O çox məlumatlı bir şəxsdir və həqiqətin, haqqın kimin tərəfində olduğunu yaxşı bilir. Ancaq erməni icmasının əlində oyuncaq olması onu əsl həqiqətdən uzaqlaşdırıb”.

Bütün bunlarla yanaşı, sədr müavini hesab edir ki, Solovyovun bundan sonra hər zaman həqiqəti sonacan dilə gətirəcəyinə inanmır.

Vidadi ORDAHALLI

Son xəbərlər