10/08/2020 19:05
728 x 90

“Qaçqınlar üçün erməni platforması” – Ermənistan 30 ildən sonra yeni saxta oyuna başlayır...

Qasım Hacıyev: “Ermənilər bununla Azərbaycana qarşı törətdikləri təcavüzdən, Qarabağın işğalından diqqəti yayındırmaq istəyirlər”

img

Rəsmi İrəvan “Qaçqınlar üçün Erməni Platforması” yaradır. Bu barədə erməni mediası məlumat yayıb. Məlumata görə, belə bir platformanın yardılmasında məqsəd “erməni qaçqınları” ilə bağlı “həqiqətlərin” yayılmasına nail olmaq, habelə “qaçqınlar probleminin həllinə” nail olmaqdır.

Artıq “Qaçqınlar üçün Erməni Platforması”nın yaradılması üçün təşəbbüs qrupunun iclası keçirilib, qarşıda duran vəzifələr müəyyənləşib.

Bundan başqa, məlum olub ki, İrəvan “Bakı qaçqınları”nın problemləri ilə məşğul olmaq üçün bir neçə QHT də yaradıb ki, bunlardan biri də "Qaçqınlar və Beynəlxalq Hüquq" İctimai Birliyidir. Bu QHT-lər əlaqədar dövlət orqanları ilə birlikdə “erməni qaçqınları” ilə bağlı yalanların beynəlxalq aləmdə yayılmasını təşkil edir. Hələlik “Qaçqınlar üçün Erməni Platforması”nın beynəlxalq müstəvidə özünü nə dərəcədə doğruldacağı bəlli olmasa da, bu prosesdə xaricdəki erməni diaspor təşkilatlarının da yaxından iştirak edəcəyi məlumdur. Bu isə o deməkdir ki, ölkəmiz yaxın gələcəkdə yeni təxribatlara hazır olmalıdır.

Məlumat üçün qeyd edək ki, son bir ildə bu yöndə ermənilərin təxribatları artıb. Belə ki, İrəvan 90-cı illərdə Azərbaycanın minlərlə ermənini didərgin salması ilə bağlı qondarma iddia ilə çıxış etməkdə, dünyanı “erməni qaçqını” yalanına inandırmağa çalışmaqdadır.

  • “Buna son dərəcə ciddi yanaşıb onları ifşa etməliyik və siyasətimizi gücləndirməliyik”

Sözügedən məsələ ilə bağlı fikirlərini “Bakı-Xəbər”lə bölüşən Azərbaycan Milli Elmlər Akademiyasının (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyevin sözlərinə görə, biz bu təxribatlara hazır olmalıyıq və adekvat cavab verilməlidir:“Bu tamamilə gülünc yanaşmadır. Ermənilər nəyə desən əl atırlar. Yaşamadıqları ərazilərdə özlərini yerli xalq kimi təqdim edirlər. Əvvəllər 2-3 Ermənistan qeyd edirdilər, sonra bunların sayı 36 oldu. Daha sonra “Böyük Ermənistan” xülyasını ortaya atdılar. Yəni bunlar belə saxtakar millətdirlər. İndi də “Qaçqınlar üçün Erməni Platforması” yalanını ortaya atıblar. Hansı ki, bunun heç bir əsası yoxdur. Ermənilər bununla Azərbaycana qarşı törətdikləri təcavüzdən, Qarabağın işğalından diqqəti yayındırmaq istəyirlər. Budur onların çirkin niyyəti. Böyük dövlətlər onların tərəfini saxladığına görə belə uydurmalarla çıxış edirlər. Ermənilər hansı Bakı qaçqınlarından danışırlar ki, Ermənistandan 250 min azərbaycanlı öz dədə-baba torpaqlarından didərgin salınıb? Bəzən onlar belə uydurmalar ortaya atırlar ki, guya Orta Asiyadan ermənilər deportasiya edilib. Hansı ki, belə bir hal tarixdə olmayıb. Bütün hallarda biz onların təxribatlarına hazır olmalıyıq. Ona görə də hər gün onların yalanı ifşa edilməlidir. Tarixçilər, siyasətçilər, ədəbiyyatçılar, mətbuat işçiləri bütün vasitələrdən kompleks şəkildə istifadə etməlidir. Buna son dərəcə ciddi yanaşıb onları ifşa etməliyik və siyasətimizi gücləndirməliyik”.

Hər zaman ermənilərin təxribatlarına hazır olmalıyıq ki, onların çirkin niyyətləri reallaşmasın.

Vidadi ORDAHALLI

Son xəbərlər