Erməni mediası yazır ki, hökumət öz qalmaqallı korrupsiya hekayələrini və qanunsuz əməllərini “ört-basdır edə” bilər. Ancaq bu hərəkətləri ilə problemləri unutdura bilməyəcəklər.
Sözügedən məsələ ilə bağlı bir sıra məqamlara toxunulub: “Konstitusiyanın zorakılığı, hakimiyyət orqanlarının korrupsiya ilə əlaqəsi adi haldır. Biz başa düşməliyik ki, Baş nazir varmı, yoxsa onun yerində “usta” bir populist, parlamentin deputatı və ya siqaret satanlar oturub. Noyabr ayında Ermənistanda bir araşdırma aparılarkən əhalinin 60% -i ölkədə korrupsiyanı ciddi problem hesab edirdi. Hakimiyyət tərəfindən aparılan sorğulara görə, vətəndaşların 80% -i Ermənistanda korrupsiyanın olduğuna inanır. Qanunsuz siqaret qaçaqmalçılığı ilə bağlı Rusiyada cinayət işi açıldı, ancaq Ermənistandakı heç bir səlahiyyətlimiz bu barədə danışmadı. Necə oldu ki, bir neçə təyyarə siqareti ölkədən çıxarır və demək istəyirsən ki, hökumət bu barədə xəbərdar deyildi?! Təyyarələrin siqareti ölkədən necə çıxardığını guya Paşinyan bilmir? Halbuki, komandanlığa ölkədən uçan hər təyyarə barədə məlumat verilir”.
Erməni mətbuatı o qənaətə gəlir ki, başda Paşinyan olmaqla, hökumət korrupsiyanın başında durur. Bütün bunlar isə onu göstərir ki, ölkədə korrupsiyaya qarşı mübarizə aparıldığı barədə Paşinyanın uydurduğu nağıla heç kəs inanmır.
“Artıq erməni xalqı mövcud hakimiyyətin sələfindən fərqlənmədiyini görür”
Sözügedən məsələni “Bakı-Xəbər”ə şərh edən politoloq Məhəmməd Əsədullazadənin sözlərinə görə, Ermənistanda siyasi hakimiyyətin qaçamalçılıq və korrupsiya ilə məşğul olması üzə çıxır:“İki il əvvəl küçə etirazları ilə hakimiyyəti qəsb edən Paşinyanın bundan artıq ölkəsi üçün edəcəyi heç bir şey yoxdur. Onun vəd etdiyi “demokratik islahatlar” məhz bundan ibarətdir. Artıq erməni xalqı mövcud hakimiyyətin sələfindən fərqlənmədiyini görür. Yəni bu hakimiyyətin ondan da artıq korrupsiya ilə məşğul olduğu ortadadır. Hesab edirəm ki, Paşinyan hakimiyyəti bu gün dövləti cinayətlə məşğul olursa, ona qaşı mütləq xalqın qəzəbi qalxacaq. Rusiya və digər ölkələrlə qaçaqmalçılıq yolu ilə siqaret, silah alveri bu gün Paşinyan şəxsi maliyyə imkanlarına hesablnıb. Məhz daxili müxalifət - “Vətən” partiyasının sədri Artur Vanetsyan Paşinyan hakimiyyətinin Ermənistan üçün fəlakət ili olduğunu vurğulayır. Bu xüsusda erməni mətbuatının yazdıqları bir müddətdən sonra ictaimayyətdə qəzəbə səbəb olacaq. Nəticədə daxili etirazlar geniş vüsət alacaq. Qarşıdan payız və qış ayları gəlir. Qazın qıymətinin baha olması, ölkəyə investisyanın cəlb edilə bilməməsi, iqtisadi və sosial problemlər Paşinyana siyasi problemlər yaradacaq”.
Bütün bunlar isə Paşinyanın ölkəni uçuruma apardığının real təsdiqi sayıla bilər.
Vidadi ORDAHALLI
