09/08/2020 04:03
728 x 90

AŞPA-nın Ermənistanda siyasi məhbuslar üzrə məruzəçi təyinatına mane olanlar - Azərbaycan Prezidentinin sübutları...

Elşən Həsənov: “Bu cür qərəzlə uzağa getmək olmaz”

img

Prezident İlham Əliyev iyulun 6-da yerli telekanallara verdiyi müsahibədə Avropa qurumlarının Ermənistanla bağlı etdiyi saxtakarlıqlardan danışıb:“...Son iki il ərzində Ermənistanda diktatura rejimi formalaşıb. Xunta getdi, diktatura gəldi. Ermənistanda insan haqları kobudcasına pozulur, jurnalistlər həbs olunur. Bir jurnalist həbsxanada aclıq elan etmiş və aclıqdan vəfat etmişdir. Ermənistanda konstitusiya kobudcasına pozulur və konstitusiyaya qanunsuz dəyişikliklər edilir. Halbuki, bu dəyişikliklər ancaq referendumla edilə bilərdi. Siyasi opponentlər təqib edilir, siyasi partiya rəhbərlərinin deputat toxunulmazlığı götürülür, onlar hədələnir, onların qohumlarına qarşı cinayət işləri açılır, hakimiyyət zəbt edilib, hakimiyyət bölgüsü tamamilə mövcud deyil. Baş nazir həm hakimdir, həm prokurordur, həm icra orqanının rəhbəridir, həm də, sanki parlamentin sədridir. Qanunvericilik, məhkəmə-hüquq və idarəetmə mexanizmi bir adamın əlində cəmlənib və Ermənistanda diktatura artıq formalaşıbdır.

Ancaq baxın, beynəlxalq təşkilatlar, - indi bunu bir çox adamlar deyir, - buna nə reaksiya verir? Heç bir reaksiya vermir. Haradadır ATƏT-in media üzrə nümayəndəsi? Hansı ki, gecə-gündüz Azərbaycan haqqında iftiralar uydurur və indi dəridən-qabıqdan çıxır ki, öz vəzifəsində qala bilsin. Niyə səsini çıxarmır? Niyə həbsxanada jurnalist öləndə səsini çıxarmayıb? Niyə pozuntular olanda səsini çıxarmayıb? Haradadır Avropa Şurası? Niyə Ermənistan tənqid olunmur? Niyə Ermənistan üzrə, siyasi məhbus üzrə məruzəçi təyin edilmir? Mən bütün bu sualları verirəm və bu suallar cavabsız qalır, bu suallara cavab verilmir. Çünki sərf etmir. Nə cavab verəcəklər? Cavab verəcəklər ki, biz saxtakarıq? Deməyəcəklər. Sadəcə olaraq, susmağa üstünlük verirlər.

Avropa qurumlarının saxtakarlığını biz Ermənistanda keçirilmiş bütün seçkilərdə görmüşük. Bütün seçkilər saxtalaşdırılıb, amma bütün seçkilərə müsbət rəy verilib. Heç uzağa getməyək. Guya ki, onlarda baş verən inqilabdan əvvəl Sarkisyan hakimiyyəti qanunsuz zəbt etmək istədi, parlament seçkilərini saxtalaşdırdı, özünə 50 faizdən çox səs yazdırdı. Avropa Şurası Parlament Assambleyası, ATƏT-in müşahidəçi missiyası buna müsbət rəy verdilər. Yaxşı, görmürdünüz ki, bu adam saxtakardır, bu adam səsləri oğurlayıb, Ermənistanda seçicilərin kütləvi qaydada satın alınması prosesi gedir?! Beynəlxalq müşahidəçilər Sarkisyan hakimiyyətinə, onun saxtalaşdırılmış seçkilərinə müsbət rəy verir, ondan sonra xalq ayağa qalxır. Çünki erməni xalqı Sarkisyana və onun xuntasına nifrət edirdi, bunu gizlətmirdi və nifrətəlayiq bir ünsürdür. O vaxt xalq ayağa qalxanda onun hansı aciz vəziyyətdə olmasını bütün dünya görüb, qorxa-qorxa çəkildi kənara, dedi ki, mən səhv etmişəm, məni bağışlayın, qaçdı getdi. Qorxaq. Bunun başqa adı yoxdur. Amma özünü qəhrəman kimi göstərirdi. O hansı qəhrəmandır, bütün dünya gördü. Azərbaycanın dinc əhalisinə qarşı cinayət törədən o cəllad qorxaqcasına qaçıb gizləndi. İndi də əsas məqsədi odur ki, həbs olunmasın. Yəni bu Sarkisyan xunta rejimi devriləndən sonra parlament seçkiləri elan olunur və onun faşist simvolikası ilə eyni simvolikası olan Respublikaçılar Partiyası heç 1 faiz də səs toplamır. Necə ola bilər, bir neçə ay bundan əvvəl o 50 faiz, indi isə 1-2 faiz səs toplayır? Təbii ki, saxtakarlıq. Amma mənim sözüm onda deyil. O aydın məsələdir ki, Ermənistan saxta dövlətdir və əlbəttə ki, saxtakarlıq orada əsas amildir. Mənim sözüm bax, buna göz yuman, demokratiyadan dəm vuran, Azərbaycanı qaralamaq istəyən Avropanın saxtakar müşahidəçilərinədir. Cavab verin. Siz buna necə müsbət rəy vermisiniz ki, bu adama bütün erməni xalqı nifrət edir və seçkilər də onu göstərdi".

Göründüyü kimi, ölkə başçısı konkret dəlil və sübutlarla Avropa qurumlarının Azərbaycan və Ermənistanla bağlı yanaşmalarının qərəzli olduğunu bəyan edib. Bura Ermənistanda baş verən qanunsuzluqlara susqun reaksiya və ən əsası, hələ də Ermənistan üzrə siyasi mərüzəçinin təyin edilməməsini aid edə bilərik. Ölkə başçısının bu konkret iradı ilə bağlı ekspertlər nə düşünür: Ermənistana siyasi məhbuslar üzrə mərüzəçi niyə təyin edilmir?

Azərbaycan Sosialist Partiyasının sədri Elşən Həsənov “Bakı-Xəbər”ə açıqlamasında bildirdi ki, AŞPA-nın Azərbaycana qarşı qərəzli olması konkret faktlarla sübut olunur:“Həmin qurum öz daxili prosedurlarını da pozub saxtakarlıq edir. Siyasi məhbuslar üzrə mərüzəçi məsələsində bu aydın özünü göstərir. Necə olur ki, Azərbaycanla bağlı bunu edirlər, amma Ermənistanda yox? Mən Azərbaycanda vəziyyətin tam ideal olduğunu demirəm. Çatışmazlıqlar, nöqsanlar hər ölkədə ola bilər. Bizdə olan neqativlikləri ölkə başçısının özü də tənqid edir. Obyektiv tənqidə hamı normal yanaşar. Ancaq AŞPA kimi qurum bunu etmir. Açıq-açığına ortaya qərəz qoyur. Sanki Ermənistanın daxilindəki siyasi mühit “idealdır” təəssüratını yaratmaq istəyirlər. Siyasi məhbuslar üzrə mərüzəçi təyinatının prosedurları var. Ölkənin daxilində olan QHT-lər vəziyyətlə bağlı ora mərüzəçilər göndərir və bunun əsasında qərar qəbul edilir ki, bir nəfər təyin edilib vəziyyəti araşdırsın. Bizdən “donos” göndərənlər var. Bəyəm Ermənistandan yoxdur? Açın onların sosial şəbəkə seqmentini, mətbuatlarına baxın. Açıq mətnlə Ermənistanda diktaturanın bərqərar olduğunu yazırlar. Deməli, belə müraciətlər olur, sadəcə AŞPA-nın özü təyin etməkdə maraqlı deyil. İkinci prosedura görə, üzv ölkələrdən biri hansısa ölkədəki siyasi mühitin gərgin olduğuna dair hesabat təqdim edir və bunun əsasında mərüzəçi təyin olunur. Mən inanmıram ki, indiyə kimi Azərbaycan nümayəndə heyətindən kimsə AŞPA-da belə bir tələb irəli sürməsin. Deməli, qurumun özü bizimlə münasibətdə Ermənistanla seleksiya üsulu ilə davranır. Bunlar konkret faktlardı. Ölkə başçısı tam haqlıdır. Bu cür qərəzlə uzağa getmək olmaz”.

Azərbaycanın Ermənistanla müqayisə aparması normaldır. Cünki biz müharibə şəraitində yaşayan ölkələrik. Kiçik müqayisə belə bərbad qanun pozuntularını üzə çıxarırsa, görün AŞPA-nın digər istiqamətlərdəki fəaliyyətində hansı qüsurlar var…

Məhəmmədəli QƏRİBLİ

Son xəbərlər