Egey və Aralıq dənizinin birləşdiyi Muğlanın - Bodrum, Fethiye , Marmaris, Datça , Göcek , Ölüdəniz və Köyceğiz kimi Türkiyənin ən məşhur turistik yerlərinə ev sahibliyi etdiyini bilirdinizmi? Bodrum-Milas və Dalamanda iki beynəlxalq hava limanına sahib bölgə mavi və yaşıl mənzərələri, antik şəhərləri, füsunkar əsərləri, təmiz havası, firuzəyi suları və təmiz körfəzləri ilə ziyarətçiləri valeh edir. Gəlin, Türkiyənin ən uzun sahil zolağına malik və səyahət edənlərin yay tətili üçün sevimli məkanı olan Muğlanın turizm kurortlarına qısa ekskursiyaya başlayaq ...
Bodrum: Türkegenin Sevimlisi
Şübhəsiz ki, Bodrum, Türkiyə sahil zolağının ən məşhur istirahət yerləri arasındadır. Şəffaf suaları ilə sevimli sahil zolağında yerləşən Bodrumun qızıl qumu və Mavi Bayraqlı çimərlikləri, günəş və dəniz həvəskarları üçün zərif tətil təcrübələri təqdim edərək, eyni zamanda da çoxsaylı su fəaliyyətləri, xüsusən də skuba dayvinq üçün ideal yerdir. Tarix həvəskarları üçün 15-ciəsrdə Rodos Cəngavərləri tərəfindən tikilmiş Bodrum qalası və Qalanın içindəki Bodrum Sualtı Muzeyi mütləq olaraq görülməli yerlərdir. Qədim Dünyanın Yeddi Möcüzəsindən biri olan Halikarnas Mavzoleyinin xarabalıqları isə şəhərə zərif qədimlik hissi bəxş edir. Qonaqlar xurma və evkalipt ağacları ilə bəzədilmiş limanlardan və gəmilərin yanaşdığı Bodrum limanında “guletlərin” (Bodruma xas tipik bir qayıq) lövbər saldığı marinaların möhtəşəm mənzərələrindən həzz ala bilərlər. Liman həm də bir günlük qayıq turlarından tutmuş bir neçə günlük Mavi Kruizlərə qədər qayıqla gəzinti təcrübələri üçün başlanğıc nöqtəsidir. Kulinariya məkanı olan Bodrumda şam yeməyi, türk və dünya mətbəxindən ən fərqli seçimləri təqdim edən restoranların yerləşdiyi limanlar, marinalar və dənizkənarı ərazilərin möhtəşəm gün batımı mənzərələri ilə zənginləşir.
Fethiye: Təbii Attraksionlar Məkanı
Təbii gözəllikləri, mükafatlı çimərlikləri, sakit koyları və möhtəşəm mənzərələri ilə başqa bir turizm kurortu olan Fethiye yay tətili üçün məşhur bir yerdir. Ölüdəniz mənzərəli sahili və 80-dən çox kəpənək növünə ev sahibliyi edən və 1995-ci ildən bəri qorunan Kəpənəklər Vadisi (Kelebekler Vadisi), Fethiyənin ən məşhur turistik yerlərindən ikisidir. Fethiyedən təxminən bir saatlıq məsafədə yerləşən mənzərəli Kabak körfəzi düşərgəçilərin sevimli məkanıdır. Bundan əlavə, şəhər öz dalğıc məntəqələri ilə məşhurdur, çünki onun sahil suları müxtəlif növ balıq və dəniz bitkilərinə ev sahibliyi edir. Fethiyədə Türkiyənin və dünyanın ən mühüm yamac paraşutu mərkəzlərindən biri olan Babadağda yerləşir.
Marmaris: Turistlərin Sevimli Destinasiyası
Təbii gözəllikləri, qədim tarixi, mavi dənizi və qızılı qumu ilə Marmaris səyahət edənlərə rahat yay tətili üçün ideal istirahət təqdim edir. Turunç və İçmeler kimi gözəl çimərlikləri ilə tanınan kurortu hər il çox sayda turist ziyarət edir. Tarix həvəskarları qədim Physkos şəhərini, bölgənin mühim Kariya liman şəhərləri; İndi Marmaris Arxeologiya Muzeyinə ev sahibliyi edən Marmaris Qalası; və keçmişdən bu günə qədər həyatını qoruyub saxlayan Bedesteni (Örtülü Bazar) görməkdən həzz alacaqlar. Sedir adası kimi də tanınan Kleopatra adası sərinləşdirici sakit sularda üzmək və tarixi tikililəri seyr etmək istəyən ziyarətçiləri cəlb edir. Qızıl qumu ilə tanınan və tarixi əhəmiyyətinə görə qorunan Kleopatra adasında Apollon məbədi, teatr və nekropol kimi qədim yerlər var. Səlimiyə və Bozburun, Marmarisin iki sahil qəsəbəsi, eyni zamanda bir kruiz terminalına sahib, sakit və nisbətən özəl bir tətilə zəmanət verir.
Köyceğiz: Dinc Şəhər
Köyceğiz , Marmaris-Fethiye marşrutu üzərində, Türkiyənin CittaSlow Şəhərlərindən biridir. Köyceğiz gölündə qayıq turlarına qatılan qonaqlar portağal çiçəklərinin və saqqız ağaclarının qoxusundan ləzzət ala bilərlər və həmçinin Köyceğiz-Dalyan Xüsusi Ətraf Mühitin Mühafizəsi Bölgəsində yaşayan “Caretta caretta” adlı dəniz tısbağalarını görmək şansı əldə edə bilərlər. Bölgənin ən qədim yaşayış məskənlərindən və Kariya sivilizasiyasının ən möhtəşəm şəhərlərindən biri olan qədim Kaunos şəhəri, xüsusən eramızdan əvvəl IV əsrə aid qaya məzarları ilə ziyarətçiləri valeh edir.
Köyceğizin fərqli mənzərəsindəki Tavr dağlarının uzantısı olan Sandras dağı trekking, düşərgə və macəra dolu fəaliyyətlər təklif edir. Sandras dağında möhtəşəm dağ velosipedi yolu var. Sakit atmosferi və təmiz havası ilə ənənəvi həyat tərzini qoruyub saxlayan Köyceğiz qonaqlara sakit bir tətil təcrübəsi təqdim edir.
Datça: Sakit Destinasiya
Datça Muğlanın sakit və sevimli yarımadasıdır. Şəhərin əsas yaşayış məntəqəsi olan Təzə Datça (Yeni Datça) çoxlu sayda restoran, kafe, pub, eləcə də balıq və ördəklərlə dolu Ilıca gölünə ev sahibliyi edir. Kəskin daş yolları, mağazaları və mehriban sakinləri ilə Köhnə Datça (Eski Datça) mənzərəli və mütləq görülməli yerdir. Datça yarımadasının qərb ucunun yaxınlığında yerləşən Knidos Antik Şəhəri isə turistləri keçmişə aparan fərqli bir cənnətdir. Datça otları və bitkiləri, dəniz məhsulları, kəklikotu balı və badamla hazırlanan yerli mətbəxdə mütləq sınanmalı olan yeməklər var.
Baki-xeber.com
