Teatr rejissoru, Azərbaycanın Xalq artisti, Teatr Xadimləri İttifaqının İdarə Heyətinin sədri, Azərbaycan Dövlət Akademik Milli Dram Teatrının bədii rəhbəri - baş rejissoru Azərpaşa Nemətov aprelin 9-da, ömrünün 76-cı ilində vəfat edib.
Yazıçı, ssenarist, Əli Əmirli Bakı-Xəbər qəzetinə öz xatirələrini bölüşərkən qeyd edib ki, Azər Paşa Nemətovun ölüm xəbəri çox qəfil oldu:
“Biz böyük bir sənətkarı itirdik. O,elə bir sənətkar idi ki, elə sənətkarlar nadir tapılır. Çox təəssüf ki, ölüm onu bizdən ayırdı.Bizim xeyli iş birliyimiz olub. Şah Qacar pyesini onunla bir hazırlamışıq. Bu günlərdə də onun imzası olan tamaşalar teatrlarda daim göstərilir. Qacar pyesinde deyilən kimi ölüm özü də Allahın bir mərhəmətidir və bu mərhəmətdən hamı dadır. Amma sənət adamlarının gedəndən sonra izi qalır .Mən inanıram ki, Azər Paşa Nemətovun buraxdığı dərin iz teatrımızın tarixində həmişə qalacaq. Uzun illər keçəcək biz onu tez-tez xatırlayacayıq”.
Qeyd edək ki,Azərpaşa Zəfər oğlu Nemətov 1947-ci ildə Bakı şəhərində anadan olmuşdur. A.Nemətov Azərbaycan Dövlət Konservatoriyasında, dünya şöhrətli bəstəkar Qara Qarayevin sinfində təhsil alıb. Tələbəlik illərində mahnılar da bəstələyib, amma gözlənilmədən qənaətini dəyişib.
Zəngin təcrübə və bilik Azər Paşa Nemətin Azərbaycan Dövlət Milli Dram Teatrında işlədiyi dövrdə özünü daha parlaq şəkildə büruzə verdi. Əgər Gənc Tamaşaçılar Teatrına bağlılığı atası Zəfər müəllimlə əlaqəli idisə, onun Azərbaycan Dövlət Dram Teatrına mehri, yaradıcılıq ünsiyyəti müəllimi Mehdi Məmmədovun sayəsində baş tutmuşdu.
1991-ci ildən Azərbaycan Teatr Xadimləri İttifaqına da rəhbərlik edən Azər Paşa Nemətovun fəaliyyəti dövlət tərəfindən yüksək qiymətləndirilib. Teatr sənəti sahəsində xidmətlərinə görə 1987-ci ildə Əməkdar incəsənət xadimi, 2002-ci ildə Xalq artisti fəxri adlarına, 2007-ci ildə “Şöhrət”, 2022-ci ildə “Şərəf” ordenlərinə layiq görülüb.
Reyhan HACIYEVA BDU-nun Jurnalistika fakültəsinin IV kurs tələbəsi, praktikant
