Azərbaycan Respublikası Kinematoqrafçılar İttifaqından istefalarla bağlı eadaily.com məlumat yayıb.
Məlumata görə, Respublikanın xalq yazıçısı Natiq Rəsulzadə uzun müddətdir ki, üzvlükdən çıxmaq məsələsinin gündəmə gətirildiyini deyib. "Bu üzvlükdən çoxdan imtina etdim. Çünki mən xalq yazıçısı kimi nə katibliyə, nə də rəhbərliyə (ittifaqın) daxil olmuşam. Məncə bu ədalətsizdir. Bilirsiniz, mən hansısa bunadan çıxanda qapını çırpmıram. Mən ajiotajı sevmirəm. Əgər bu qədər insan üzvlükdən imtina edibsə, deməli burada nəsə səhvdir. Ümumiyyətlə, mən artıq 5-6 ildir ki, birlik ilə əlaqələri kəsmişəm”-deyə N. Rəsulzadə vurğulayıb.
Xalq artisti Ənvər Həsənov isə öz növbəsində qeyd edib ki, Kinematoqrafçılar İttifaqının heç bir funksionallığı yoxdur.
"Niyə bu birlik mövcuddur? Bu nə üçündür? Azərbaycan kinosu üçün nələr edib, bilmirəm. Neçə vaxtdır ki, xəstəyəm, dedilər ki, ittifaq mənə kömək üçün pul ayırıb, amma belə bir şey olmayıb. Bir manat belə ayrılmayıb. Hamısı yalandır” - deyə Ə. Həsənov bildirib. Bu ittifaqa üzv olmaqdan imtina edənlər arasında xalq artisti Tariel Qasımov da var.
“Mən Özbəkistanda on yeddi filmdə rol almışam. Bu günlərdə Bakıda Şöhrət Abbasovun yubileyinə dəvət olunmağım üçün Birliyə teleqram göndərildi. Amma bu barədə mənə heç nə demədilər. Təsəvvür edirsiniz? Şəfiqə Məmmədova bunu məndən gizlədib. Bundan sonra mən artıq üzvlükdən imtina etdim. Şəfiqə Məmmədova yenidən sədr (birliyin) seçilib. Bilmirəm, mən onu seçməmişəm, seçməyə də hazırlaşmamışam”, deyə T. Qasımov bildirib.
Bildirilir ki, ümumilikdə ölkənin iyirmiyə yaxın mədəniyyət və incəsənət xadimi Azərbaycan Kinematoqrafçılar İttifaqına (Kİ) üzvlükdən imtina edib. Onların arasında xalq artisti Əbdül Mahmudov, xalq artisti Ramiz Məlikov, əməkdar incəsənət xadimi Yavər Rzayev, əməkdar artist Gülşad Baxşıyeva, əməkdar artist Münəvvər Əliyeva da var.
Bir müddət əvvəl isə ittifaqın mətbuat katibi Əli Vəliyev də vəzifəsindən getdiyini açıqlamışdı.
Hazırladı Namiq Quliyev
