Naxçıvan Muxtar Respublikasının həbsdə olan sabiq milli təhlükəsizlik naziri, general-leytenant Vəli Ələsgərovun barəsində başlanmış cinayət işinin istintaqı yekunlaşaraq məhkəməyə göndərilib. Bu barədə Trend-ə V.Ələsgərovun vəkili Tofiq Allahverdiyev məlumat verib.
Vəkil bildirib ki, artıq iş Naxçıvan Hərbi Məhkəməsinə göndərilib və iş üzrə məhkəmənin vaxtı müəyyənləşib: "Məhkəmə iyunun 8-nə təyin edilib. Hələlik Vəli Ələsgərovla görüşə bilməmişik. Yəqin ki, məhkəmədə görüşəcəyik".
Vəkil bildirib ki, V. Ələsgərov hazırda Penitensiar Xidmətin Naxçıvan İstintaq Təcridxanasında saxlanılır.
