Rusiyaya ərzaq məhsulları ixracının daha bir fəsadı üzə çıxdı

Tarix: 22.10.2014 / 02:31
Bölmə: İqtisadiyyat

Şimal qonşumuzun Azərbaycandan hələ də böyük miqdarda kənd təsərrüfatı məhsulları idxal etməsinin, qiymət bahalaşması ilə yanaşı, daha bir fəsadı üzə çıxıb. Söhbət regionlarda inşa olunan soyuducu anbarların boş qalmasından gedir. İndi fermerlər məhsullarını, anbarlarda saxlamaqdansa, Rusiyaya daha yüksək qiymətə satmağa daha çox üstünlük verir.
Aydındır ki, Azərbaycandan Rusiyaya nə qədər çox məhsul gedərsə, bu bir o qədər də bahalaşmaya və soyuducu anbarların boş qalmasına gətirib çıxaracaq. Rusiyaya daha çox məhsul ixracı isə qaçılmaz sayılır. Kremlin Avropaya yeni embarqo tətbiq etməsi də bu prosesi sürətləndirir.
Artıq Rusiya Qərbin tətbiq etdiyi sanksiyalara cavab olaraq Avropa və Birləşmiş Ştatlardan gətirilən müxtəlif növ ət məhsullarına yeni qadağa qoyub. Rusiyanın kənd təsərrüfatı məhsullarına nəzarət edən "Rosselxoznadzor" agentliyindən bildirilib ki, Avropa ölkələrindən dana və donuzun iç orqanları, həmçinin dana, donuz və toyuq piyinin idxalına məhdudiyyətlər oktyabrın 21-dən qüvvəyə minib. Agentlik məhdudiyyətlər haqda qərarın Avropadan gələn bu məhsullarda qadağan olunmuş və zərərli maddələrin aşkar edilməsindən sonra verildiyini bildirib. Lakin aydındır ki, burada sırf siyasi səbəblər dayanır və Kreml Avropa ərzaq məhsullarına sanksiyaların miqyasının genişlənə biləcəyini bəyan edir. Rusiya Xarici İşlər Nazirliyi bildirir ki, Avropa Birliyi və ABŞ-ın yeni antirus sanksiyaları reaksiyasız qalmayacaq. Xatırladaq ki, bundan əvvəl 6 avqust 2014-cü ildə prezident Vladimir Putinin imzaladığı qərarla Avropadan ərzaq idxalına sanksiya tətbiq olunub. Bundan sonra Rusiya, Azərbaycan da daxil olmaqla, digər ölkələrdən daha çox ərzaq malları almağa başlayıb. Bu vəziyyət isə Azərbaycan bazarlarında böyük bahalaşmaya yol açıb. Üstəlik, yuxarıda qeyd olunduğu kimi, soyuducu anbarlar da proseslərdən təsirlənib. Belə olduğu təqdirdə meyvəçilik rayonlarındakı soyuducu anbarların bu mövsüm rentabelli işləyəcəyi şübhə doğurur. Məsələn, Quba-Xaçmaz iqtisadi rayonunda 29 soyuducu anbar fəaliyyət göstərir. Həmin soyuducu anbarlar ümumilikdə 81 min 550 ton meyvə qəbul etmək gücünə malikdir. Bu da bölgədə tədarük olunan meyvənin 35 fazini təşkil edir. Hər il mövsümün bu dövründə həmin soyuducu anbarlar, demək olar ki, meyvə ilə, əsasən də alma ilə dolu olurdu. Amma indi anbarlar təxminən 60-70 faiz dolub. Qalan hissənin boş qalması Rusiya amili ilə bağlıdır. Çünki bağbanların çoxu tədarük etdikləri almanı elə bağdaca Rusiyaya məhsul aparan alverçilərə satıb. Rusiyada meyvəmizə olan tələbat təsərrüfat sahiblərinə sərfəli qiymət təklif edən alıcı tapmaq fürsəti verib. Hazırda almanın birinci növünün bağda satış qiyməti 40-50 qəpikdir.
Digər regionlarda da eyni hal müşahidə olunur. Xatırladaq ki, indiyə qədər Sahibkarlığa Kömək Milli Fondu regionlarda fermerlərin yığdığı məhsulun qorunması üçün soyuducu kameraların, anbarların tikintisinə güzəştli şərtlərlə vəsait ayırıb. Artıq bir çox regionlarda bu cür anbarların tikintisi reallaşdırılıb. Bu vaxta qədər təsərrüfatçılar belə anbarlarda məhsulun saxlanma qiymətinin yüksək olmasından narazılıq edirdi. Lakin indi anbarların xidmətindən istfiadə edənlərin sayı azalıb. Sahibkarlar elə indi də saxlama xərcləri yüksək olduğu üçün bundan aşağı qiymətin onlara sərf etmədiyini deyir. Mütəxəssilər isə hesab edir ki, bu səbəbdən soyuducu anbarlarda meyvənin saxlanması bağbanlara sərf etmədiyindən, onlar məhsulları sərfəli qiymətlərlə Rusiya bazarlarına göndərir. Hesab olunur ki, anbar sahibləri qiymətləri aşağı salmalıdır. Burada daha bir problem odur ki, soyuducu anbara verilən məhsulların icarə haqqı fərdi təsərrüfat sahibləri ilə sahibkarlar arasında fərqlidir. Fərdi təsərrüfat sahibləri üçün məhsulun saxlanma qiymətləri bir qədər bahadır. Soyuducu anbar sahibləri iddia edir ki, belə müştərilər üçün icarə haqqının sahibkarlara nisbətən daha yüksək olması əsassız deyil. Bildirilir ki, qiymət məsələsində böyük tutumu olan məhsullara güzəşt olunur. Az çəkili məhsulların isə kameralarda saxlanması anbar sahibi üçün o qədər də sərfəli deyil. Çünki kiçik həcmli məhsullar az pul gətirir. Belə vəziyyət də anbarlardan istifadə edənlərin sayını azaldır. Mütəxəssislər deyir ki, icarə haqqının yüksək olması, məhsullar xarab olduğu halda kompensasiya verilməməsi də soyuducuların, demək olar ki, boş qalmasına gətirib çıxarır. Halbuki, regionlarda soyuducu anbar komplekslərinin yaradılması kənd təsərrüfatının inkişafına təkan olacaq vacib layihələrdən biri sayılır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...