Banklarla sığorta şirkətlərinin antimüştəri sövdələşməsinə son qoyulması ekspertləri də həvəsləndirib

Tarix: 21.10.2014 / 03:13
Bölmə: İqtisadiyyat

Samir Əliyev: "Ən başlıcası, bu, azad seçim imkanı yaradır və sığorta sahəsində rəqabət mühiti formalaşdırır"

"Son yeniliklər müştərilərin bu problemini həll edəcək"

Banklar həmişə öz müştərisinin ödəmə qabiliyyətinə şübhə ilə yanaşır. Ona görə də kredit borcunun qaytarılmamasının (kredit risqinin) sığortalanması tələb olunur. O da məlumdur ki, Azərbaycan praktikasında bu sığortanın təşkili ilə adətən bank özü məşğul olur.
Nəticədə bir sıra hallarda kredit götürən sənədlərə imza ataraq xəbəri olmadan sığorta haqqını ödəyir. Bu halda sığortalanan tərəf bank olur, kreditin sığortalanması xərcini isə borcalan ödəyir, bu isə kreditin dəyərini nəzərəçarpacaq dərəcədə yüksəldir.
Son məlumatlara görə, Mərkəzi Bank tərəfindən bank və sığorta şirkəti arasında sövdələşməni qadağan edən sənəd hazırlanır. Bu sənəd qüvvəyə mindikdən sonra kredit götürən müştərilər sığortanı yalnız bankın sığorta şirkətindən almaq məcburiyyətində olmayacaq. Yəni müştərilər müstəqil şəkildə inandıqları, daha sərfəli şərtlər təklif edən şirkəti seçə biləcək.
Sözügedən məsələ ilə bağlı Azərbaycan Sığortaçılar Assosiasiyasının sədri Orxan Bayramov mətbuata açıqlamasında bildirib ki, bank və sığorta şirkəti arasında sövdələşmənin qadağan edilməsi sığortaçılar arasında rəqabəti artıracaq və qiymətlərin aşağı düşməsinə səbəb olacaq: "Biri var "A" bankı ilə yalnız "B" sığorta şirkəti işləyir. Adətən, "A" bankı və "B" şirkəti bir holdinqə məxsus olur. Bu cür iş prinsipi "B" şirkətinin arxayınçılığına gətirib çıxarır. İndi "A" Bankı "B" ilə bərabər "C", "D" və s. sığorta şirkətləri ilə işləməlidir. Digər tərəfdən, banklar da sıxıntıdadır və buna görə məhsullarını satmaq üçün daha sərfəli şərtlər təklif edən sığorta şirkəti ilə işləməyə üstünlük verəcək. Bu gün bəzi banklar sığortasız kreditlər verir. Bu, rəqabətin artmasından qaynaqlanır, banklar da qiymətləri aşağı salmaq istəyir. Banklar yeni qaydalar qüvvəyə mindikdən sonra "B" şirkətinə üstünlük verə bilər, lakin istənilən halda, bankın tərəfdaşları arasında "C" və "D" şirkətləri də olduğundan və onlar daha sərfəli şərtlər ilə sığortanı təklif etdiyindən, bankın "qanadı" altında olan "B" şirkəti də qiymətləri aşağı salmaq məcburiyyətində qalacaq. Bu da əhalinin xeyrinədir. Keyfiyyət artımı olacaq və qiymətlər aşağı düşəcək.
İnsanların azad seçimi olduğundan, onlar uzun müddət işlədikləri və etibarlı hesab etdikləri şirkətləri seçə biləcək".
Maraqlıdır, müstəqil ekspertlərin gözlənilən dəyişikliyə münasibəti necədir?
Sözügedən məsələ ilə bağlı "Bakı-Xəbər"ə açıqlama verən iqtisadçı-ekspert Samir Əliyev də son yeniliyi ümumən müsbət dəyərləndirdi: "Ən başlıcası, bu, azad seçim imkanı yaradır və sığorta sahəsində rəqabət mühiti formalaşdırır. Araşdırma aparsaq görərik ki, bu gün Azərbaycanda bankların böyük əksəriyyəti hansısa holdinqə daxildir. Həmin holdinqin daxilində də sığorta şirkəti var və avtomatik olaraq müştərilər ora yönəldilir. Ona görə də MB-nin təşəbbüsünü müsbət dəyərləndirirəm. O mənada ki, bununla inhisarçılıq aradan qaldırılır. Çünki əvvəl müştəri sığorta şirkətindən imtina edirdisə, bu zaman sığorta ödənişlərindən yararlana bilmirdi. Son yeniliklər müştərilərin bu problemini həll edəcək. Bütün bunlara rəğmən, Azərbaycanda sığorta sistemi təkmilləşməlidir".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...