Banklara maraqlı "sığorta qadağası"...

Tarix: 21.10.2014 / 02:49
Bölmə: İqtisadiyyat

Bank və sığorta sahəsində son dəyişikliklər qeyd olunan sektorlarda tamamilə fərqli bir mənzərənin yaranmasına gətirib çıxarmaqdadır. Yaranmış durum göstərir ki, bundan sonra həm banklar, həm də sığortaçıların müştəri uğrunda böyük mübarizəsi başlayacaq. Eyni zamanda, bankların sığorta ilə bağlı indiyə qədər müştərilərə qarşı tətbiq etdiyi, belə demək mümkünsə, fırıldaqlar da keçərli olmayacaq.
Qeyd edək ki, Azərbaycanda bankdan kredit götürənlərə sığorta lazım olarsa, onlar bankın təklif etdiyi sığorta şirkətini deyil, istədikləri sığortaçını seçə biləcəklər. Mərkəzi Bankın nümayəndəsi Nəbi Əliyevin sözlərinə görə, bu məqsədlə Mərkəzi Bank əlaqəli satışı məhdudlaşdırmaq niyyətindədir. Bunun üçün həm qanunvericiliyə dəyişiklik olunacaq, həm də ayrıca metodoloji sənədlər hazırlanaraq ilin sonuna qədər banklara göndəriləcək. Azərbaycan təcrübəsində banklar adətən öz müştərilərini əməkdaşlıq etdikləri və yaxud eyni holdinqdə təmsil olunduqları sığorta şirkətlərinə yönəldir. Mərkəzi Bankın məlum qərarından sonra isə banklar yalnız müştərilərə sığortaçı ilə bağlı tövsiyə verə biləcək. Bu addımın əsas məqsədi istehlakçı hüquqlarının qorunmasıdır.
Məsələ ilə bağlı "Marja" portalında yer alan məlumatda qeyd olunur ki, banklar həmişə öz müştərisinin ödəmə qabiliyyətinə şübhə ilə yanaşır. Bu səbəbdən kredit borcunun qaytarılmamasının sığortalanması tələb olunur. Azərbaycan praktikasında bu sığortanın təşkili ilə bank özü məşğul olur, çox halda kredit götürən sənədlərə imza ataraq xəbəri olmadan sığorta haqqını ödəyir. Bu halda sığortalanan tərəf bank olur, kreditin sığortalanması xərcini isə borcalan ödəyir, bu da kreditin dəyərini nəzərəçarpacaq dərəcədə yüksəldir. Lakin yuxarıda qeyd olunduğu kimi, Mərkəzi Bank tərəfindən bank və sığorta şirkəti arasında sövdələşməni qadağan edən sənəd hazırlanır. Bu sənəd qüvvəyə mindikdən sonra kredit götürən müştərilər sığortanı yalnız bankın sığorta şirkətindən almaq məcburiyyətində olmayacaq, onlar müstəqil şəkildə inandıqları, daha sərfəli şərtlər təklif edən şirkəti seçə biləcək.
Azərbaycan Sığortaçılar Assosiasiyasının sədri Orxan Bayramov bildirib ki, bank və sığorta şirkəti arasında sövdələşmənin qadağan edilməsi sığortaçılar arasında rəqabəti artıracaq və qiymətlərin aşağı düşməsinə səbəb olacaq: "Biri var "A" bankı ilə yalnız "B" sığorta şirkəti işləyir. Adətən, "A" bankı və "B" şirkəti bir holdinqə məxsus olur. Bu cür iş prinsipi "B" şirkətinin arxayınlığına gətirib çıxarır. İndi "A" Bankı "B" ilə bərabər "C", "D" və s. sığort şirkətləri ilə işləməlidir. Digər tərəfdən, banklar da sıxıntıdadır və buna görə məhsullarını satmaq üçün daha sərfəli şərtlər təklif edən sığorta şirkəti ilə işləməyə üstünlük verəcəklər. Bu gün bəzi banklar sığortasız kreditlər verir. Bu, rəqabətin artmasından qaynaqlanır, banklar da qiymətləri aşağı salmaq istəyir. Banklar yeni qaydalar qüvvəyə mindikdən sonra "B" şirkətinə üstünlük verə bilər, lakin istənilən halda, bankın tərəfdaşları arasında "C" və "D" şirkətləri də olduğundan və onlar daha sərfəli şərtlərlə sığorta təklif etdiyindən, bankın "qanadı" altında olan "B" şirkəti də qiymətləri aşağı salmaq məcburiyyətində qalacaq. Bu da əhalinin xeyrinədir. Keyfiyyət artımı olacaq və qiymətlər aşağı düşəcək". Orxan Bayramov əlavə edib ki, eyni zamanda insanların azad seçimi olduğundan, onlar uzun müddət işlədikləri və etibarlı hesab etdikləri şirkətləri seçə biləcək.
Bütün bunlar isə banklar və sığorta şirkətləri arasında rəqabətin artmasına təkan verəcək. Bu vəziyyətdə ilk olaraq zəif sığorta şirkətlərinin bazardan çıxması gözlənir. Hazırda sığorta bazarında keyfiyyət dəyişikliyi gedir - avtomobil sığortası üzrə yığımlar azalır, ödənişlər isə kəskin artır. Belə vəziyyət sığorta şirkətlərini yeni məhsullar istehsal etməyə məcbur edir. Belə məhsullardan biri də məhz kredit götürən şəxslərin sığorta bazarına üz tutması ilə bağlıdır. Lakin həmin müştəriləri cəlb etmək üçün sığorta şirkətləri daha sərfləi və ucuz şərtlər təklif etməlidir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...