Azərbaycana böyük valyutalar gətirə biləcək daha bir istehsal növünə start verilir

Tarix: 20.10.2014 / 03:12
Bölmə: İqtisadiyyat

Prezident İlham Əliyevin iştirakı ilə oktyabrın 18-də Gəncə şəhərində "Stadler" vaqon istehsalı zavodunun təməli qoyulub. Qeyd edək ki, İsveçrənin "Stadler Rail Group" şirkəti ilə Azərbaycanın "Railway İnternational Distribution" Məhdud Məsuliyyətli Cəmiyyəti arasında Gəncədə vaqon istehsalı üzrə birgə müəssisənin yaradılması haqqında müqavilə imzalanıb.
Müqavilənin şərtlərinə əsasən, Azərbaycanın Gəncə şəhərində ilkin olaraq ildə 60 vaqon istehsal etmək gücünə malik zavod inşa ediləcək. Bu zavod İsveçrə istehsalı olan ən son texnoloji avadanlıqlarla təchiz olunacaq.
Məlumat üçün qeyd edək ki, "Stadler Rail Group" şirkəti sərnişin və ixtisaslaşdırılmış vaqonların, tramvay və parovozların istehsalı ilə məşğuldur. Şirkət 1942-ci ildən fəaliyyət göstərir və əsas inkişaf dövrü 1989-cu ildən başlayır. İsveçrə, Almaniya, Polşa, Avstriya, İtaliya, ABŞ və digər ölkələrdə zavodları fəaliyyət göstərən şirkətin istehsal etdiyi məhsullardan dünyanın 13 ölkəsində istifadə olunur.
"Stadler Rail Group" şirkəti ilə Azərbaycanın "Railway İnternational Distribution" MMC arasında bağlanan bu müqavilə son illər ölkəmizdə nəqliyyat infrastrukturunun davamlı inkişafı üzrə dövlət siyasətinin tərkib hissəsidir. Gəncə şəhərinin Kəpəz rayonu ərazisində inşa olunacaq zavodun 2016-cı ildə fəaliyyətə başlaması planlaşdırılır. İyirmi hektar ərazisi olan zavodun tikintisində və fəaliyyətində ekoloji standartlara cavab verən ən müasir texnologiya tətbiq ediləcək. Bu zavodda istehsal olunacaq vaqonların Türkiyə, Gürcüstan, Qazaxıstan, Özbəkistan, Türkmənistan və İrana satılması da nəzərdə tutulub.
Ümumilikdə vaqon istehsalı zavodunun yaradılması Azərbaycana nə verəcək?
Məsələyə münasibət bildirən iqtisadçı alim Əli Əlirzayev belə bir zavodun Azərbaycanda tikilməsini müsbət dəyərləndirdi: "Azərbaycanda vaqon istehsalı zavodunun tikilməsi vacibdir və bununla bağlı verilən qərar müsbətdir. Ona görə ki, ölkənin dəmir yolları, nəqliyyat sistemi genişlənir. Beynəlxalq yükdaşımalarda dəmir yollarının çəkisi artır. O üzdən, vaqon istehsalı ölkənin imkanları hesabına olmalıdır. Nə vaxta qədər biz digər ölkələrdən vaqon və qatarlar almalıyıq? Vaqonlara hər zaman tələbat olur. Əhalinin, sənaye məhsullarının daşınması üçün vaqon istehsalı mühüm əhəmiyyət kəsb edir. İkinci bir tərəfdən, ölkədə belə bir zavodun inşası yeni iş yerlərinin yaranması deməkdir. Xüsusən də Gəncə kimi bir şəhərdə belə bir zavodun inşası mühüm əhəmiyyət kəsb edir. Xarici investisiyanın və yaxud da daxili resursların hesabına belə bir müəssisənin yaradılması çox yaxşı haldır. Bu, ölkə iqtisadiyyatının imkanlarını daha da artıracaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...