Fermer subsidiyalarının qaldırılması aqrar sektora optimist baxışları gücləndirir

Tarix: 17.10.2014 / 03:18
Bölmə: İqtisadiyyat

Məlum olduğu kimi, 2015-ci ildə Azərbaycanda kənd təsərrüfatı məhsullarının istehsalı üçün istifadə olunan mineral gübrələrə görə fermerlərə verilən subsidiyanın məbləği 50 manatdan 80 manata qaldırılacaq.
Bu barədə Maliyyə Nairliyinin açıqladığı 2015-ci ilin dövlət və icmal büdcələrinin təqdimatında bildirilir. Sənəddə qeyd edilir ki, kənd təsərrüfatı məhsulları istehsalçılarının stimullaşdırılması və onlara dövlət tərəfindən maliyyə dəstəyinin daha da artırılması və genişləndirilməsi, kənd təsərrüfatı məhsullarının istehsalçılarına əkin sahəsinin becərilməsində istifadə etdiyi yanacaq və mühərrik yağlarına görə yardımın ödənilməsi və kənd təsərrüfatı məhsulları istehsalçılarının istifadə etdiyi mineral gübrələrin dəyərinin 50 manatdan 80 manata çatdırılması məqsədilə "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı"nın həyata keçirilməsi üçün 2015-ci il dövlət büdcəsində 186,2 mln. manat vəsait nəzərdə tutulub.
Bu, 2014-cü illə müqayisədə 55,2 mln. manat və yaxud 42,1% çoxdur. Məlumat üçün qeyd edək ki, Nazirlər Kabinetinin 15 fevral 2007-ci il tarixli Qərarına əsasən, "Aqrolizinq" ASC və digər hüquqi və fiziki şəxslər tərəfindən kənd təsərrüfatı məhsullarının istehsalçılarına orta hesabla 50% güzəştlə satılacaq mineral gübrələrin miqdarı hər hektar əkin sahəsinə görə 300 kiloqram və ya onun dəyərinin yuxarı həddi 50 manata qədər müəyyən edilib.
O da məlumdur ki, subsidiyaların artırılması məsələsi dəfələrlə gündəmə gətirilmişdi və bir növ bu zərurətə çevrilmişdi. Çünki 2007-ci ildən indiyəcən istehsal xərcləri artıb. Xüsusən də ötən ilin dekabrında bütün yanacaq növlərinin qiymətinin qalxması subsidiyaların məbləğinin artırılmasını zərurətə çevirdi. Digər tərəfdən, nəzərə alsaq ki, kənd təsərrüfatı bütün dünyada rentabelli sahə deyil, o zaman subsidiyaların ayrılması vacibdir. Bütün hallarda, fermerlərə verilən subsidiyanın məbləğinin 50 manatdan 80 manata qaldırılmasını ekspertlər necə dəyərləndirir?
Sözügedən məsələni dəyərləndirən iqtisadçı-ekspert Vüqar Bayramov ümumən subsidiyaların artırılmasını müsbət dəyərləndirir. Bununla yanaşı, onun fikrincə, problemin daha uzunmüddətli həlli üçün fermerlərə verilən subsidiyanın mexanizmi təkmilləşdirilməlidir: "Bu onları istehsalı stimullaşdırmağa həvəsləndirəcək. Çünki bundan əvvəl fermerlərin öz məhsullarını xarici bazara çıxarmağa can atması bir növ hökumətə mesaj idi. Bu ondan ibarət idi ki, hökumət kənd təsərrüfatı məhsullarının istehsalının artırılması ilə bağlı kompleks işlər görməlidir. Bu işlər sırasında fermerlərə verilən subsidiyaların mexanizminin dəyişdirilməsi çox vacibdir. Bu gün Azərbaycanda kənd təsərrüfatına subsidiyalar hər hektara görə verilir. Bu isə fermerlərdə daha çox məhsul istehsal etmək üçün stimul yaratmır. ABŞ da daxil olmaqla inkişaf etmiş ölkələrdə fermerlər istehsal etdiyi məhsulun həcminə görə subsidiya alırlar. Ancaq Azərbaycanda strateji məhsullara görə hər hektara 80 manat, strateji olmayan məhsula görə hər hektara 40 manat subsidiya ayrılırdı. Bu mexanizm fermeri daha çox istehsala sövq etmir. Çünki bir hektardan 1 ton məhsul götürən fermerlə bir neçə kiloqram məhsul yığan fermer arasında fərq qoyulmur. Bu mexanizmin dəyişdirilməsinə və beynəlxalq təcrübədə olduğu kimi tənzimlənməsinə ehtiyac var".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...