Kredit sənədlərinə sığorta məsələsi də əlavə olunur

Tarix: 17.10.2014 / 03:17
Bölmə: İqtisadiyyat

Məlumata görə, Azərbaycanda bankdan kredit götürən şəxslərin həyatı sığortalanacaq. Maliyyə Nazirliyi "Fiziki şəxslərə təqdim edilən kredit müqavilələri üzrə borcalanın həyatının ölüm halından və əmək qabiliyyətinin itirilməsi hallarından sığortası qaydaları"nı təsdiqləyib.
Bu qaydalara əsasən, kredit götürənlər həyatın ölüm halından və əmək qabiliyyətinin itirilməsi hallarından sığortalanacaq.
Amma bu xidmət hamıya aid deyil. Belə ki, yaşı 18-dən aşağı, 65-dən yuxarı olanlar, I və II qrup əlillər, narkoloji, psixonevroloji, vərəm, dəri-zöhrəvi dispanserlərdə qeydiyyatda olan şəxslər, hepatit S, onkoloji, xroniki ürək-damar xəstəliklərindən əziyyət çəkən xəstələr, QİÇS xəstələri ilə bağlı sığorta müqaviləsi bağlanmır.
Qaydalara əsasən, bu sığorta müqaviləsi ən azı müəyyən risqlərdən sığorta təminatı verməlidir. Bunlar sığorta olunanın ölməsi, xəstəlik və ya bədbəxt hadisə nəticəsində əmək qabiliyyətini tam və ya qismən itirməsilə əlaqədar olaraq əlillik dərəcəsi almasıdır. Bu hallar baş verərsə, sığorta ödənişi edilir.
Amma bəzi istisnalar var. Məsələn, sığorta olunan şəxs müqavilədən sonrakı iki il ərzində intihar edərsə, ona görə ödəniş edilməyəcək, bir şərtlə ki, o üçüncü şəxslərin hüquqazidd hərəkətləri nəticəsində intihar etməyə məcbur edilmiş olmasın.
Bundan başqa, sığorta olunanın hərbi əməliyyatlarda, vətəndaş qarşıdurmalarında, hərbi çevrilişlərdə və xalq iğtişaşlarında fəal iştirakı, sığorta olunanın sığorta hadisəsi hesab edilə bilən hadisə ilə birbaşa əlaqəsi olan qanunazidd hərəkətləri nəticəsində baş verən hadisələrə görə də ödəniş edilməyəcək. Digər tərəfdən, sığorta olunanın alkoqollu, narkotik və ya toksik sərxoşluğu, o cümlədən belə sərxoş vəziyyətdə nəqliyyat vasitəsini idarə etməsi halında da ödəniş olmayacaq.
Müştəri risqli idman növləri (qış, sualtı, atçılıq, avia və döyüş idman növləri, avto-moto idman, paraşütlə tullanma, qayalara dırmanma, alpinizm, deltaplanerizm, dağ və su turizmi) ilə məşğul olduqda və ya bu kimi digər hallarda da ödənişdən imtina olunacaq.
Qaydalara görə, sığorta müqaviləsi bağlanarkən sığorta şirkəti müştəriyə hamı tərəfindən asanlıqla başa düşülən üslubda tərtib edilmiş və müqavilənin əsas xüsusiyyətləri göstərilən yaddaş vərəqi verməlidir. Qaydalara görə, hadisə baş verdikdə müştərinin özü və ya faydalanan tərəf sığorta şirkətinə 1 ay müddətində məlumat verməlidir. Öz növbəsində, sığorta şirkəti ödənişin verilib-verilməyəcəyi barədə qərarını 7 gün ərzində bildirməlidir.
İqtisadçılar kredit götürən şəxslərin risq faktoruna görə sığorta olunmasını müsbət qarşılamırlar.
İqtisadçı-ekspert Oqtay Haqverdiyev "Bakı-Xəbər"ə açıqlamasında qeyd etdi ki, hər bir yaşda olan şəxs kredit götürə bilər: "Səbəb kimi göstərirlər ki, 60 yaşı ötən şəxs kredit götürərsə, onun götürdüyü kredit sığortalanmayacaq. Bu doğru qərar deyil. Başqa vaxt deyirlər ki, biz yaşlı nəslin nümayəndələrinə hörmət edirik. Sizin hörmətiniz budur? Kim hardan bilir ki, hansısa şəxs neçə il yaşayacaq? Bəlkə yaşlı cavandan daha çox yaşayacaq. Bunun üçün, düşünürəm ki, kredit sığortalanırsa, fərq qoyulmamalıdır. Hər kəs üçün qayda eyni olmalıdır".
İqtisadçı onu da əlavə etdi ki, qaydaya əsasən, müştəri risqli idman növü ilə məşğul olarsa, intihar edərsə, döyüşdə iştirak edərsə, avtoqəzada həlak olarsa, onun sığorta məbləği ödənilməyəcək: "Belə çıxır ki, bankdan kim kredit götürsə, onun həyatı sığortalanacaq, amma ölərsə, pul ödənilməyəcək".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...