Aqrar sektorda sığorta ilə bağlı tamam yeni mərhələ başlanır

Tarix: 17.10.2014 / 03:17
Bölmə: İqtisadiyyat

Kənd təsərrüfatı sahəsində indiyə qədər tətbiqi geniş xarakter almayan sığorta ilə bağlı tamamilə yeni proseslərə start verilmək üzrədir. Proseslər göstərir ki, bundan sonra sözügedən sferada sığora ilə bağlı tamamilə yeni situasiya yaranacaq. Söhbət ondan gedir ki, Azərbaycanda güzəştli kredit və ya subsidiya almaq istəyən fermerlər təsərrüfatlarını sığortalamalı olacaq.
Bu, kənd təsərrüfatının sığortası barədə hazırlanmış yeni qanun layihəsində nəzərdə tutulur. Azərbaycan Sığortaçılar Assosiasiyasının sədri Orxan Bayramov bildirib ki, artıq kənd təsərrüfatının sığortası ilə bağlı qanun layihəsi hazırdır və baxılmaq üçün Nazirlər Kabinetinə təqdim edilib. Bu proses başa çatdıqdan sonra qanun layihəsi öz fikirlərini bildirmək üçün sığorta şirkətlərinə də təqdim olunacaq. O.Bayramov bildirib ki, qanunda kənd təsərrüfatının sığortalanması ilə bağlı Türkiyə təcrübəsi - TARSİM modeli əsas götürülüb. Yəni aqrar sahənin sığortalanmasında "sığorta daxılı" mexanizmi yaradılacaq. Bu modelə görə, sığorta şirkətləri topladıqları sığorta haqlarını "Sığorta daxılı"na təhvil verəcək. Şirkətlər topladıqları sığorta haqları müqabilində komissiya alacaq. Yəni sığorta şirkətləri "Sığorta daxılı"nı idarə edən büronun agentinə çevriləcək.
Orxan Bayramov isə bildirib ki, kənd təsərrüfatı sığortası icbari olmayacaq, amma bununla bağlı fermerlərin qarşısında bəzi tələblər qoyulacaq: "Məsələn, subsidiya almaq üçün və ya güzəştli kredit almaq üçün şərtlər olacaq ki, fermerlər öz təsərrüfatlarını sığortalasın. Bu qayda "Aqrolizinq"in xətti ilə xidmətlərdən güzəştli istifadə etməyə də aiddir".
Qeyd edək ki, bir müddət əvvəl maliyyə naziri Samir Şərifov kənd təsərrüfatı məhsullarının istehsalçılarının əmlak mənafelərinin daha etibarlı qorunmasına şərait yaradılması məqsədilə "Kənd təsərrüfatında sığortanın dövlət dəstəyi vasitəsilə stimullaşdırılması haqqında" qanunun layihəsinin hazırlandığını bildirmişdi. İndi bu qanunun qəbulu fonunda kənd təsərrüfatında sığorta ilə bağlı tamam yeni vəziyyət yaranacaq. Ekspertlər hesab edir ki, fermerlər artıq sığortadan istifadəyə meylli olacaq. İlk növbədə subsidiya ala bilmək üçün onlar bunu edəcək. Özü də xatırladaq ki, fermerlərə subsidiyalar artırılır. Məsələn, 2015-ci ildən Azərbaycanda kənd təsərrüfatı məhsullarının istehsalı üçün istifadə olunan mineral gübrələrə görə fermerlərə verilən subsidiyanın məbləği 50 manatdan 80 manata qaldırılacaq. Maliyyə Nairliyinin açıqladığı 2015-ci ilin dövlət və icmal büdcələrinin təqdimatında bildirilir ki, kənd təsərrüfatı məhsulları istehsalçılarının stimullaşdırılması və onlara dövlət tərəfindən maliyyə dəstəyinin daha da artırılması və genişləndirilməsi, kənd təsərrüfatı məhsullarının istehsalçılarına əkin sahəsinin becərilməsində istifadə etdiyi yanacaq və mühərrik yağlarına görə yardımın ödənilməsi və kənd təsərrüfatı məhsulları istehsalçılarının istifadə etdiyi mineral gübrələrin dəyərinin 50 manatdan 80 manata çatdırılması məqsədilə "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı"nın həyata keçirilməsi üçün 2015-ci il dövlət büdcəsində 186,2 milyon manat vəsait nəzərdə tutulub.
Bu, 2014-cü illə müqayisədə 55,2 milyon manat və yaxud 42,1% çoxdur. Xatırladaq ki, Nazirlər Kabinetinin 15 fevral 2007-ci il tarixli Qərarına əsasən, "Aqrolizinq" ASC və digər hüquqi və fiziki şəxslər tərəfindən kənd təsərrüfatı məhsullarının istehsalçılarına orta hesabla 50% güzəştlə satılacaq mineral gübrələrin miqdarı hər hektar əkin sahəsinə görə 300 kiloqram və ya onun dəyərinin yuxarı həddi 50 manata qədər müəyyən edilib. Xatırladaq ki, Azərbaycanda aqrar sektora verilən subsidiyalar hazırda strateji və adi məhsullar üzrə qruplaşdırılır. Strateji məhsullar üzrə subsidiyaların həcmi adi məhsullar üzrə verilən subsidiyaların həcmindən 2 dəfə çoxdur. Strateji olmayan məhsullar istehsal edən fermer təsərrüfatlarının hər hektarına 40, strateji məhsul istehsal edən fermer təsərrüfatının hər hektarına isə 80 manat ödənilir. Bu məbləğlərin də artımı istisna olunmur. Aparılan hesablamalar göstərir ki, subsidiya məbləğinin adi məhsullar üzrə 40 manatdan 80 manata, strateji məhsullar üzrə isə 80 manatdan 140 manata artırılması dövlət büdcəsi üçün hər hansı ağırlıq yaratmamaqla yanaşı, fermerlərin xərclərinin qarşılanmasına imkan verər. Xatırladaq ki, subsidiyaların məbləği son 4 ildə dəyişdirilməyib. Amma bu müddətdə fermerlərin xərclərində artımlar olub. Elə bu da subsidiyaların məbləğinə yenidən baxılması, xüsusən strateji məhsulların istehsalına yönələn subsidiyaların məbləğinin artırılmasını zəruri edir. Ekspertlər isə bildirir ki, aqrar sektora yönəldilən subsidiyaların verilməsi meyarlarının dəyişdirilməsinə ehtiyac var. Hökumətin bu istiqamətdə müəyyən addımlar atması gözlənir. Bu isə son nəticədə kənd təsərrüfatında daha yüksək nəticələr əldə olunmasına gətirib çıxaracaq.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...