Prezidentin dediyi rəqəmin azı 6 milyon nəfərə birbaşa aidiyyəti var

Tarix: 13.10.2014 / 11:40
Bölmə: İqtisadiyyat

Oktyabrın 8-də Prezident İlham Əliyevin sədrliyi ilə Nazirlər Kabinetinin 2014-cü ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclası zamanı dövlət başçısı bu ilin 9 ayının sosial-iqtisadi inkişafının uğurlu olduğunu bildirib: "Ölkəmizin inkişafı ilə bağlı inamlı addımlar atılıb.
Dünyada maliyyə böhranının davam etdiyi bir vaxtda 9 ayda ümumi daxili məhsul 2,5 faiz, qeyri-neft sektoru isə 6 faiz artıb. İnflyasiya 1,5 faiz təşkil edib, əhalinin pul gəlirləri 5,4 faiz çoxalıb".
Bu il də büdcə xərclərinin kifayət qədər böyük olduğunu deyən Prezident İlham Əliyev vurğulayıb ki, ilin əvvəlindən Azərbaycana 19 milyard dollar sərmayə qoyulub ki, onun da 11 milyard dolları daxili investisiyalardır: "İlin əvvəlindən maliyyə resursları 3 milyard 600 milyon dollar artıb və Azərbaycanın valyuta ehtiyatı 53 milyard dollara çatıb".
Dövlət başçısı bildirib ki, Dünya İqtisadi Forumunun reytinq cədvəlində Azərbaycan iqtisadiyyatı rəqabət qabiliyyətliliyinə görə artıq 38-ci yerdə qərarlaşıb. İlham Əliyevin sözlərinə görə, bu dövrdə regionların sosial-iqtisadi inkişafı Dövlət Proqramı uğurla icra olunub, doqquz ayda 100 mindən çox yeni iş yeri yaradılıb, bununla da son 10 ildə açılan iş yerlərinin sayı 1 milyon 300 minə çatıb".
Dövlət başçısı qeyd edib ki, ötən doqquz ayda sosial layihələrin icrası davam etdirilib və investisiya portfelində bu layihələrə xərclənən vəsait kifayət qədər böyük olub: "Bakı və ətraf qəsəbələrin inkişafına dair Dövlət Proqramı da uğurla icra olunur. Ölkədə infrastruktur layihələrinin icrasına xüsusi diqqət yetirilir".
Prezidentin səsləndirdiyi fikirlər arasında əhalinin pul gəlirlərinin 5,4 faiz çoxalması ilə bağlı deyilənlər də yer alır. Bu göstərici əsasən hansı istiqamətlər üzrə daha çox nəzərə çarpır?
İqtisadçı ekspert Oqtay Haqverdiyev qəzetimizə açıqlamasında bildirdi ki, son statistik rəqəmlərə fikir verdikdə məlum olur ki, son il ərzində əhalinin pul gəlirlərində ciddi artım müşahidə olunur: "Bu, əsasən büdcədən maliyyələşən təşkilatların əmək haqqında, muzdla işləyənlərin aldıqları pulda özünü göstərir. Statistika Komitəsi bunu xüsusi metodika ilə hesablayır. Bu məlumat Prezident tərəfindən səsləndirilirsə, doğruluğuna şübhə ola bilməz. Çünki Prezident əlaqədar qurumlardan aldığı rəsmi məlumatları səsləndirir. Bir faktı da deyim ki, bu rəqəm yalnız dövlət qurumlarından əmək haqqı alan kontigentə şamil edilmir. Prezidentin səsləndirdiyi rəqəm əhalinin bütün təbəqələrini əhatə edir. Dövlətin rəsmi qurumlarından əmək haqqı almayan vətəndaşların da qazancı bura aiddir. Yəni ola bilər ki, həmin adamlar əmək haqqı almır, ancaq hansısa fəaliyyət növündən qazanc götürürsə, demək vergiyə cəlb edilib. Onların da hesablanması bu üsulla həyata keçirilir. Məsələn, bazarda oturub alver edən şəxsin qazanc əldə etməsi də əhalinin gəlirləri kateqoriyasına aiddir. Ölkədə iqtisadi durum pis olarsa, təbiidir ki, bazardan mal alan da olmayacaq. İqtisadiyyatda bunların hamısı bir-birinə bağlı olan məsələlərdi. Rəqəmlərə görə, 1 milyon 700 min nəfər muzdla işləyən var. Yəni qol çəkib maaş alanlar. 4 milyon 200 min adam isə iqtisadiyyatla məşğul olur. Demək, bütün sahələr üzrə irəliləyiş var.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...