Neftin kiçik qiymət tərəddüdlərinin iqtisadiyyatımıza təsirsiz olacağı barədə Prezidentin fikri təhlil olunur

Tarix: 10.10.2014 / 03:23
Bölmə: İqtisadiyyat

Nazirlər Kabinetinin oktyabrın 8-də keçirilən iclasına yekun vurarkən dövlət investisiya layihələrindən söz açan Prezident İlham Əliyev büdcənin müəyyən hissəsinin Neft Fondunun transfertləri hesabına təmin edildiyini xatırladıb: "Neftin qiyməti aşağı düşüb və ona görə yəqin ki, hökumət büdcədə neftin qiymətini düzgün müəyyən etməlidir.
Biz artıq bu barədə danışmışıq. Bir daha danışacağıq ki, büdcənin icrası ilə bağlı heç bir problem olmasın. Ümumiyyətlə, Azərbaycanda o qədər böyük iqtisadi və maliyyə potensialı yaranıb ki, inanmıram neftin qiymətinin düşməsi bizə ciddi təsir göstərsin. Ancaq hər halda biz buna hazır olmalıyıq və planlarımızı buna uyğun şəkildə aparmalıyıq. Çünki dünya iqtisadiyyatı hələ ki, böhrandan çıxmayıb. Digər amillər var ki, neftin ucuzlaşmasına təkan verir. Biz bütün bunları nəzərə almalıyıq və investisiya proqramlarımızı buna uyğun şəkildə tutmalıyıq".
Bütövlükdə, neft gəlirləri ölkə büdcəsində mühüm çəkiyə malik olsa da, son illər neftdən asılılığın azaldılması istiqamətində hökumət səviyyəsində bir sıra işlər görülür. Ən azından, 2014-cü ilin dövlət büdcəsi hazırlanarkən Dövlət Neft Fondundan büdcəyə olan transfertlər azaldıldı. Heç şübhəsiz ki, bundan sonra da həmin siyasət davam etdiriləcək.
Neftin ucuzlaşmasını şərh edən iqtisadçı-ekspert Rövşən Ağayev hesab edir ki, dünya xammal bazarında baş verən proseslər və bu bazarın yaxın gələcəyilə bağlı aparılan analitik təhlillər Azərbaycan üçün də siqnallar ötürür: "Neft bu ölkələrə nəhəng pullar gətirib. Son illər büdcəmizin azı 75-80 faizinin birbaşa neftdən formalaşması bunun sübutudur. Xammal bazarında baş verənlər yalnız neftin qiymətilə məhdudlaşmır. Birjalarda misin hər tonunun qiyməti 2011-ci ilə nisbətən 35%-dək azalaraq 10.2 min dollardan 6.7 min dollara enib. Mis sənayenin müxtəlif sektorlarında keniş miqyasda istifadə edilən xammal olduğundan, onun qiymətindəki qalxıb-enmələr iqtisadiyyatda baş verənləri qiymətləndirmək üçün əsas indiqatorlardan biri kimi istifadə edilir. Qızıl bazarındakı kəskin qiymət enmələrini də nəzərə aldıqda, mənzərə daha da aydınlaşır. İndiyədək dünya neft bazarında təklifin tələbi üstələdiyi və bu səbəbdən qiymətlərin aşağı düşdüyü şəraitdə tək OPEK-in hasilat kvotasını azaltmaqla bağlı qərarı vəziyyəti dəyişmək üçün yetərli idi. Ancaq bu günəcən özü Latın Amerikası ölkələrindən, Ərəbistan yarımadasından neft və sıxılmış qaz idxal edən ABŞ artıq bu ildən nəinki idxal asılılığına son qoyub, hətta ixraca başlayıb. ABŞ dünyanın 1 nömrəli enerji istehsalçısına çevrilib".
R.Ağayevin fikrincə, İran, Rusiya və Venesuela kimi neft ölkələrinin balanslaşdırılmış büdcəyə malik olması üçün xam neftin qiyməti 100 dollardan xeyli yüksək olmalıdır: "Heç şübhəsiz, Azərbaycan üçün bu göstərici keçərlidir. Neftin orta qiymətinin 100 dolları üstələdiyi axır ilyarımda hasil edilən hər barrel xam neft hesabı ilə Azərbaycan Neft Fondu və dövlət büdcəsinə birlikdə 60 milyon manatdan çox vəsait daxil olub. Ən kobud hesablamalara görə, xam neftin dünya qiymətlərinin 60-70 dollar intervalında qərarlaşması neft hesabına icmal büdcə gəlirlərimizin azı 3 milyard manat, 70-80 dollar intervalında qərarlaşması isə 2-2.5 milyard manatadək azalması deməkdir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...