Azərbaycan iqtisadiyyatında yenilik - sənaye məhəllələri...

Tarix: 10.10.2014 / 03:01
Bölmə: İqtisadiyyat

Oktyabrın 8-də Prezident İlham Əliyev sənaye məhəllələrinin yaradılması və fəaliyyətinin təşkili haqqında fərman imzalayıb. Sözügedən fərmanla bunlar müəyyən edilir:
- sənaye məhəlləsi - sahibkarlıq fəaliyyətinin həyata keçirilməsi üçün zəruri infrastruktura malik olan, kiçik və orta sahibkarlar tərəfindən məhsul istehsalı və xidmət göstərilməsi üçün istifadə edilən ərazidir;
- sənaye məhəllələrinin yaradılması haqqında qərarı İqtisadiyyat və Sənaye Nazirliyinin təklifi əsasında Azərbaycan Respublikasının Prezidenti qəbul edir;
- sənaye məhəllələrinin yaradılması və fəaliyyəti ilə bağlı müvafiq ərazilərin yararlı vəziyyətə gətirilməsi, xarici və daxili infrastrukturun (elektrik və istilik enerjisi, qaz, su, kanalizasiya, rabitə, nəqliyyat, yanğından mühafizə obyektlərinin, inzibati və digər təyinatlı obyektlərin) qurulması və sənaye məhəllələrində sahibkarlıq fəaliyyətinin səmərəli təşkili ilə bağlı müvafiq tədbirləri İqtisadiyyat və Sənaye Nazirliyi həyata keçirir;
- sənaye məhəllələrinin fəaliyyətinin təşkili və tənzimlənməsi "Azərbaycan İnvestisiya Şirkəti" Açıq Səhmdar Cəmiyyətinə həvalə edilir.
Nazirlər Kabineti İqtisadiyyat və Sənaye Nazirliyi ilə birlikdə üç ay müddətində sənaye məhəllələri haqqında nümunəvi əsasnamənin layihəsini hazırlayıb təsdiq etməlidir.
İqtisadiyyat və Sənaye Nazirliyinə sənaye məhəllələrinin fəaliyyətinin təşkili, tənzimlənməsi və həyata keçirilməsi, məhəllələrin iştirakçılarının fəaliyyətinin dəstəklənməsi (məsləhət, treninq, peşə hazırlığı xidmətlərinin, güzəştli kreditlər verilməsi və səmərəli fəaliyyət üçün digər xidmətlərin göstərilməsi), habelə məsləhətçilərin cəlb edilməsi ilə bağlı zəruri tədbirlər görmək həvalə olunur.
Bütövlükdə ekspertlərin sənaye məhəllələrinin yaradılmasına münasibəti necədir? Bunun iqtisadi əhəmiyyətini necə dəyərləndirirlər?
Sözügedən məsələni şərh edən iqtisadçı-ekspert Vüqar Bayramov buna müsbət yanaşır. Onun fikrincə, burada söhbət sənaye şəhərciklərinin, məhəllələrinin yaradılmasından gedir: "Sənaye məhəllələri sənaye sektorunun inkişaf etdirilməsi ilə yanaşı, eyni zamanda, həmin regiona investisiyanın cəlb edilməsi məqsədi ilə güzəştlərin tətbiq edilməsidir. Sənaye məhəllələri adətən sənaye şəhərciklərini və ya onlardan nisbətən kiçik ərazini əhatə edir. Konkret olaraq burada həm yerli, həm xarici investorlara güzəştlərin müəyyənləşdirilməsi nəzərdə tutulur. Məqsəd ondan ibarətdir ki, sözügedən ərazilərə investisiya yatırmaq mümkün olsun. Bu da həmin ərazilərdə yeni iş yerlərinin yaradılması baxımından əhəmiyyətlidir. Güzəştlər daxilində sənaye müəssisələri öz fəaliyyətini rahat həyata keçirə biləcək. Əsas məqsəd yeni iş yerlərinin yaradılması olunduğu üçün bunun işsizliyin daha çox müşahidə olduğu bölgələrdə yaradılması məqsədəuyğundur. O baxımdan bir istiqamət məcburi köçkünlərin məskunlaşdığı ərazilərdə belə məhəllələrin yaradılmasına nail olmaqdır. Digər tərəfdən, Bakıya nisbətən yaxın və zəif inkişaf etmiş regionlarda belə məhəllələrin yaradılması hədəfdir. Söhbət mövzusu sənaye məhəlləsi olduğu üçün burada ixtisaslı kadrlara ehtiyac var. Məcburi köçkünlərin də bir qismi məhz Bakı ətrafında məskunlaşıb. Ona görə də Bakı ətrafında da sənaye məhəllələrinin yaradılması mümkündür. O zaman artıq Bakıda olan ixtisaslı kadrları da bura cəlb etmək mümkün olacaq. O baxımdan bu, müsbət addımdır. Eyni zamanda bu, işsizliyin nisbətən çox olduğu yerlərdə məşğulluğun artmasına səbəb olacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...