Rublun ucuzlaşmasının Azərbaycana daha bir zərəri üzə çıxır

Tarix: 10.10.2014 / 02:54
Bölmə: İqtisadiyyat

Qərbin Rusiyaya qarşı tətbiq etdiyi sanksiyalar hələ də şimal qonşumuzun iqtisadiyyatına ciddi zərbə vurmaqda davam edir. Qeyd edək ki, rubl Rusiya qoşunlarının Ukraynanın şərqinə daxil olması ilə bağlı bəyanatından sonra dəyərini sürətlə itirməyə başlayıb. Hazırda bu proses davam edir və demək olar ki, hər gün rublun ucuzlaşması faktı qeydə alınır.
Son məlumata görə, Rusiya rublunun dollara nisbətən məzənnəsi 1998-ci il denominasiyası dövründən sonra ilk dəfə olaraq bir dollar üçün 40 rubl göstəricisini keçib. Rusiya rublunun avroya nisbətən məzənnəsi isə 50,15 rubldək artıb. Rusiya Mərkəzi Bankının məlumatına əsasən, 55 faiz dollar və 45 faiz avrodan ibarət qoşa valyuta səbəti 0,14 rubl bahalaşaraq 44,6 rubla çatıb.
Prosesin qarşısını almaq üçün Rusiya Mərkəzi Bankı dövriyyəyə əlavə valyuta ehtiyatı buraxmalı olub. Görülmüş tədbirlər sırasında qoşa valyuta səbəti üçün "valyuta dəhlizi" 44,5 rubladək genişləndirilib. "Fitch" agentliyinin qiymətləndirməsinə görə isə, sanksiyaların təsiri altında Rusiyanın Mərkəzi Bankının qızıl-valyuta ehtiyatı bu ilin sonuna 450 milyard, 2015-ci ilin sonuna isə 400 milyard dollara düşə bilər. İqtisadçı Vladimir Osakovski məsələ ilə bağlı bildirir: "Rublun qiymətinin düşməsinə Rusiyadakı siyasi vəziyyət təsir edir. Biz hazırda rubl üçün mənfi olan hadisələrin mərkəzindəyik. Həm sanksiyalar, həm də administrativ-siyasi sferada qeyri-müəyyənlik, kapitalın hərəkətinə mümkün məhdudiyyətlər barədə şaiyələr - bunların hamısı rubla təsir edir". Ancaq o hesab edir ki, neftin qiyməti uzun müddətə və böyük fərqlə aşağı enməzsə, rublun vəziyyəti hədsiz pisləşməyəcək. Rusiya maliyyə nazirinin müavini Aleksey Moiseyev isə əhalini təşvişə düşməməyə çağırıb: "İnfilyasiya nəzarət altında olacaq və böyük hesabla, kursun necə olmasının fərqi olmayacaq". Beləliklə, Ukraynada böhran başlayandan bəri rubl dollar və avroya nisbətdə xeyli ucuzlaşmağa başlayıb. Qərbin Rusiyaya tətbiq etdiyi sanksiyalardan sonra isə rublun enməsi daha da sürətlənib.
Ölkədən maliyyə axınının davam etməsi də ciddi problemlər yaradır. Hazırda Rusiyadan kapital axını leqal və qeyri-leqal yolla həyata keçirilir. Cari il ərzində ölkədən çıxarılan pulların həcmi artıq 200 milyard dollara yaxınlaşır. Qeyri-leqal yolla da böyük pullar çıxarılır. Bu məsələdə hazırda lisenziyası geri alınmış onlarla Rusiya bankı, eləcə də Moldova və Latviya bankları iştirak edib. Lakin bu hadisədə zərərçəkən tərəf məhz Rusiyadır, çünki təkcə son 4 ildə 20 milyard dollara yaxın Rusiya kapitalı çıxarılıb. Cari il ərzində isə bu yolla çıxarılan pulların miqdarı daha çox olub. Araşdırmalardan bəlli olub ki, qanunsuz pul tranzitinin həcmi olduqca böyük olub v ölkədən dollar axınını sürətləndirib. Bütün bunlar isə, qeyd olunduğu kimi, rublun da məzənnəsinə təsirsiz ötüşmür. Araşdırmalar onu da göstərir ki, rublun ucuzlaşması Azərbaycana da getdikcə mənfi təsir edir. İiqtisadçı ekspert Samir Əliyev isə Rusiyada rublun ucuzlaşmasının burada çalışan soydaşlarımıza zərbə vurduğunu bildirib: "Rusiya Azərbaycanın əsas ticarət tərəfdaşlarından biridir. Rusiyada baş verən hadisələr istər mənfi, istərsə də müsbət mənada Azərbaycana təsir göstərir. Rusiyada Azərbaycandan olan iki milyondan çox işçi qüvvəsi var. Onlar bir ildə bank köçürmələri vasitəsilə təxminən bir milyarddan çox pul göndərirlər. Rublun il ərzində 20% ucuzlaşdığını nəzərə alsaq, göndərilən pulların azaldığını söyləyə bilərik". İqtisadçı rublun ucuzlaşmasının Azərbaycanın kənd təsərrüfatı mallarının da Rusiya bazarından sıxışdırılıb çıxarılmasına şərait yaradacağını deyib: "İkinci məsələ Neft Fondu ilə bağlıdır. Neft Fondunda bizim 500 milyon rubl pulumuz var. Rublun ucuzlaşması Neft Fondunun vəsaitlərinin ucuzlaşmasına gətirib çıxarır. Neft Fondu Rusiyanın VTB bankının səhmdarıdır. Həmin bankın səhmləri isə ucuzlaşıb. Bundan başqa, biz bilirik ki, Rusiya Qərbdən idxal olunan ərzağa qadağa qoyub. Nəticədə boşluq yaranıb və bizim fermerlər də öz məhsullarını satmaq üçün Rusiyaya üz tutublar. Lakin bu həmişə belə olmayacaq. Onların bazarına Çin və İran kimi başqa oyunçular da gələcək. Beləliklə, onların malları bizim kənd təsərrüfatı mallarımızdan ucuz olacaq. Rubl ucuz, manat isə baha olduğundan, bizim məhsulları oradan sıxışdırıb çıxaracaq".
Hələlik isə yaranmış durumda Dünya Bankı da Rusiya iqtisadiyyatı ilə bağlı proqnozlarını mənfiyə doğru çəkib.
Bank, konkret geosiyasi risqlər qalacağı halda, Rusiya Federasiyasını uzunmüddətli tənəzzül gözlədiyini açıqlayıb. Qurum ölkənin ümumi daxili məhsulunun artım proqnozunu 0,5 faizə endirib. Dünya Bankı bəyan edib ki, 2015-2016-cı illərdə Rusiya iqtisadiyyatında artımın sürəti zəif olacaq.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...