Mərkəzi Bankın cəhdlərinin əksinə olaraq bank kredit faizləri artır

Tarix: 09.10.2014 / 02:50
Bölmə: İqtisadiyyat

Kreditlərin ölkə üzrə orta faizi ilin əvvəli ilə müqayisədə 0,18 faiz artaraq 14,13 faizdən 14,31 faizə yüksəlib. Azərbaycan Mərkəzi Bankının cəhdlərinə baxmayaraq, ölkədə kredit dərəcələrinin artımı davam edir. Bu dövrdə ölkənin əksər iqtisadi rayonlarında da kredit faizləri yüksəlib. Faiz dərəcələrinin ən yüksək artımı Yuxarı Qarabağ (5,1%) və Kəlbəcər-Laçın iqtisadi rayonlarında (3,5%) baş verib.
Enmə yalnız Bakı şəhəri, Naxçıvan və Quba-Xaçmaz iqtisadi rayonunda baş verib.
İqtisadi rayonlar üzrə kredit faizləri artımı ilin əvvəlindən sentyabrın 1-dək aşağıdaki kimidir:
Azərbaycan Respublikasında ilin əvvəlində kredit faizləri 14,2%, sentyabrın 1-də 14,3% olub. Müvafiq olaraq Bakı şəhəri 13,3% 13,0%, Abşeron iqtisadi rayonu, 18,3%, 18,7%, Aran iqtisadi rayonu 19,9%, 21,1%, Dağlıq Şirvan iqtisadi rayonu 22,0%, 23,6%, Gəncə-Qazax iqtisadi rayonu 20,7%, 21,5%, Quba-Xaçmaz iqtisadi rayonu 21,0%, 20,6%, Lənkəran iqtisadi rayonu 21,6%, 23,7%, Şəki-Zaqatala iqtisadi rayonu 19,8%, 20,5%, Yuxarı Qarabağ iqtisadi rayonu 15,0%, 20,1%, Kəlbəcər-Laçın iqtisadi rayonu, 21,8%, 25,3%, Naxçıvan iqtisadi rayonu 14,4%, 13,0% olub.
Nəzərə alsaq ki, zaman-zaman Mərkəzi Bankın rəhbərliyi kredit faizlərinin aşağı salınması ilə bağlı banklara tövsiyələr verib, o cümlədən ölkədə problemli kreditlərin çəkisi artmaqda davam edir, o zaman kredit faizləri niyə artır?
Sözügedən məsələni şərh edən iqtisadçı-ekspert Samir Əliyev artımı bir neçə amillə əlaqələndirir: "Faiz artımı fiziki şəxslərə verilən kreditlərin hesabına olub. Fiziki şəxslərin aldığı kreditlərin orta faiz dərəcəsi 17,75 faizdən 18,29 faizə qalxıb. Hüquqi şəxslərin kredit faizləri isə 11,52 faizdən 10,96 faizə düşüb. Artım xarici valyuta ilə verilən kreditlərdə də müşahidə edilib. Ölkə üzrə kredit qoyuluşunun artım tempində azalma var. 2014-cü ilin 8 ayında kredit qoyuluşu 12,2 faiz artıb. 2013-cü ildə bu göstərici 18,1 faiz, 2012-ci ildə isə 12,3 faiz olmuşdu. Ümumən son üç ildə aşağı artım tempi müşahidə edilir. İkinci səbəb regionlarda kreditlərin bahalaşmasıdır. Banklar regionlara maksimum ehtiyatlı yanaşma tətbiq edir. Bunun nəticəsidir ki, paytaxtda kredit faizləri azaldığı halda regionlarda artır, bu isə ümumi kredit faizlərinə təsir göstərir. Üçüncü səbəb MB-nin sərt tədbirləri nəticəsində bankların maliyyə vəziyyətinin pisləşməsi ilə əlaqədardır. Artıq zərərlə işləyən bankların sayı artıb. Hər beş bankdan biri zərərlə işləyir. İstehlak kreditləşməsi bazarında şərtlər ağırlaşdırılıb. Digər tərəfdən, problemli kreditlərin artması bankları daha ehtiyatlı davranmağa sövq edir.
Yəni reallıq odur ki, bank faizlərinin azalması istiqamətində atılan addımlar hələ ki, bəhrəsini vermir. Bu il də ciddi azalma gözlənmir. Gələn il zəif banklar bazarı tərk etdikdən sonra bəzi bankların müştəri kontingentinin artması hesabına faizlərdə azalma ola bilər. Ancaq ciddi azalmadan söhbət gedə bilməz. Xüsusilə də dünya bazarında neftin ucuzlaşması kredit faizlərini yüksək səviyyədə saxlayacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...