Rusiya Azərbaycandan daha çox məhsul almaq iddialarını ortaya qoydu

Tarix: 03.10.2014 / 02:36
Bölmə: İqtisadiyyat

Qərb sanksiyalarından ciddi əziyyət çəkən şimal qonuşumuz Azərbaycanla iqtisadi sahədə münasibətlərini daha da dərinləşdirmək niyyətindədir. Hər halda, Rusiya rəsmiləri tərəfindən səslənən fikirlər, mediada yer alan məlumatlar, ekspert rəyləri də bunu göstərir. Yaramış durumla bağlı Rusiyanın "Nezavisimaya qazeta" nəşri yazır ki, iki ölkə arasında bir çox sferada əməkdaşlıq davam edir və dərinləşir.
Qəzet onu da vurğulayır ki, indiki sanksiya müharibəsində Bakı Moskvaya çox lazımdır. Hazırda Rusiya iqtisadi-ticarət orbitinə Azərbaycanın cəlb edilməsinə daha çox çalışır. Nəşr onu da qeyd edir ki, Azərbaycanın Avrasiya İttifaqı məkanı ilə əməkdaşlığı təbii olaraq baş verəcək. Lakin o da etiraf edilir ki, Bakı Avrasiya İqtisadi İttifaqına qoşulmaq istəmir. Bunun da bir çox səbəbləri var: "Lakin ittifaqın əsas qüvvəsi olan Rusiya ilə ikitərəfli əməkdaşlıq gələcəkdə Avrasiya məkanında Azərbaycanın rolunu artıracaq".
Rusiya İctimai palatasının beynəlxalq komissiyasının sədr müavini Sergey Markov da iki ölkə arasında münasibətlərin genişlənməsində maraqlı tərəf olduqlarını bəyan edir. O bildirir ki, Rusiya Azərbaycandan kənd təsərrüfatı məhsullarının idxalını 80 faiz artıra bilər. Onun sözlərinə görə, bu mərhələdə Rusiya bazarlarına Azərbaycan kənd təsərrüfatı məhsullarının giriş infrastrukturunun yaradılması haqqında müzakirələr aparılmalıdır. Markov, ehtiyac olduğu halda, topdansatış çatdırmaları və onların təminatı üçün Rusiyada Azərbaycan loqistik mərkəzlərinin yaradılmasının lazım olduğunu bildirib: "Avropa Birliyi ölkələrinin kobud səhvləri ona gətirib çıxaracaq ki, azad olmuş sektorlar başqa istehsalçılar tərəfindən ələ keçiriləcək. Bu isə AB ölkələri üçün çıxılmaz vəziyyət yaradacaq". Bütün bunlar o deməkdir ki, şimal qonşumuz ölkəmizdən daha çox məhsul almağı düşünür və bunun üçün lazım olan bütün addımları atır. Xatırladaq ki, hazırda Azərbaycandan Rusiyaya daha çox kənd təsərrüfatı məhsulları satılır. Bu isə həmin məhsuların bahalaşmasına rəvac verib. Lakin ölkə rəsmiləri bahalaşmanı başqa səbəblərdə görür. Məsələn, kənd təsərrüfatı naziri Heydər Əsədov bildirir ki, Azərbaycandan Rusiyaya kənd təsərrüfatı mallarının ixrac həcminin artımı ölkəmizdə heç bir qıtlığa və ya qiymət artımına gətirib çıxarmır. Onun sözlərinə görə, Azərbaycanda kənd təsərrüfatı məhsullarının Rusiya bazarlarına tədarükünün artması ilə əlaqədar həmin məhsulların çatışmazlığı müşahidə olunmur. Heydər Əsədova görə, əksinə, ölkədə kənd təsərrüfatı məhsullarının bolluğu müşahidə olunur: "Kənd Təsərrüfatı Nazirliyi ölkənin regionlarında əlavə yarmarkaların yaradılması üçün şirkətlərlə danışıqlar aparır, çünki istehsal edilən məhsulları mövcud yarmarkalarda yerləşdirə bilmir". H.Əsədov onu da əlavə edib ki, Azərbaycan və Rusiya birgə müəssisələrin yaradılması, logistik mərkəzlərin tikilməsi üzrə intensiv danışıqlar aparır, həmçinin ölkədə kənd təsərrüfatı məhsullarının yetişdirilməsi məqsədi ilə icarə məsələsi müzakirə olunur: "Lakin hələ bu məsələlər üzrə yekun qərar qəbul olunmayıb". Bahalaşanın səbəblərini isə nazir belə izah edir ki, kənd təsərrüfatı məhsullarının istehsalı zamanı istifadə olunan istehsalat vasitələri və gübrələrin qiymətləri hər il artır və onlar arasında qiymət bərabərsizliyinin olmaması üçün qiymət artımı qaçılmazdır: "İndiki halda kənd təsərrüfatı məhsulları istehsalçılarının maraqlarını və qiymət artımına təsir edən dünya iqtisadiyyatındakı tendensiyaları da nəzərə almaq lazımdır. Buna görə də daxili bazarda mövcud qiymət artımını məqbul hesab edirəm".
Hazırda Azərbaycan və Rusiya birgə müəssisələrinin yaradılması, logistik mərkəzlərin tikilməsi fonunda ölkəmizdən Rusiyaya daha çox məhsul göndəriləcək və bu da, əksər ekspertlərə görə, daxili qiymətlərə təsirsiz ötüşməyəcək. Moskva iqtisadiyyatın digər sahələri üzrə də əməkdaşlıqda xüsusilə maraqlıdır. Məlum olduğu kimi, Rusiya və Azərbaycan arasında investisiyaların müdafiəsi haqqında hökumətlərarası razılaşma imzalanıb. Razılaşma prezidentlərin Həştərxan görüşünün danışıqlarının nəticəsinə görə baş tutub. Maraqlıdır ki, bununla bağlı sənəd son 14 il boyunca Moskva və Bakı arasında işlənirdi. Lakin sanksiyaların tətbiqindən sonra Moskva əməkdaşlığı genişləndirmək istiqamətində işə başladı və razılaşmanı imzaladı. Əsas məqsəd isə odur ki, Azərbaycan Rusiyaya daha çox sərmayə qoysun.
Bundan başqa, yük daşımalarının həcmini artırmaq üçün Rusiya prezidenti Vladimir Putin Xəzər dənizi ətrafında dəmir yolu dairəsi layihəsinin həyata keçirilməsini gündəmə gətirib. Layihə Xəzər dənizinin əsas limanlarının birləşdirilməsini nəzərdə tutur. Bu, yüklərin daşınması zamanı vaxt itkisinin və artıq məsrəflərin qarşısını ala bilər. Putin hesab edir ki, sözügedən layihə Xəzəryanı ölkələrin iqtisadiyyatlarının rəqabət qabiliyyətliliyinə müsbət təsir göstərəcək. Bu layihə reallaşacağı təqdirdə, həm Azərbaycandan, həm də ölkəmizdən keçməklə digər sahilyanı ölkələrdən Rusiyaya daşımaların həcmi artacaq.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...