Aqrar bazarımız iki motivli bahalaşma təhlükəsi qarşısında...

Tarix: 02.10.2014 / 03:40
Bölmə: İqtisadiyyat

Şimal qonşumuzla Qərb ölkələri arasında ticarət sahəsində yaşanan qarşıdurma getdikcə dərinləşir. Belə vəziyyət isə Rusiyanın digər ölkələrdən, o cümlədən Azərbaycandan daha çox məhsul almasını şərtləndirməkdədir. Real vəziyyətin təhlili bu durumun hələ yaxın perspektivdə dəyişmə ehtimalının olmadığını üzə çıxarır.
Artıq Avropa Birliyi (AB) Rusiyaya qarşı sanksiyaları qüvvədə saxlamağı qərara alıb. Buna səbəb kimi təşkilatda o göstərilir ki, Ukraynadakı sülh sazişi hələlik tam olaraq effektiv deyil. Bu səbəbdən sanksiyalar davam edir. Belə vəziyyətdə isə, qeyd olunduğu kimi, Rusiyaya müxtəlif ölkələrdən, o cümlədən Azərbaycandan ərzaq ixracı artır.
Araşdırmalar göstərir ki, Rusiyanın Qərb ölkələrindən bəzi ərzaq və kənd təsərrüfatı məhsullarının idxalını dayandırması şimal qonşumuzun bazarlarında Azərbaycan məhsullarına, xüsusilə də tərəvəzə tələbi artırıb. Düzdür, embarqoya qədər də Azərbaycan Rusiyaya tərəvəz məhsulları satıb. Lakin indi Rusiya Avropa və digər ölkələrdən eyni növ məhsulların idxalını dayandırdığından, Azərbaycanda istehsal edilən tərəvəzə daha çox ehtiyac duymağa başlayıb. Hazırda Rusiyanın əsas istəyi Azərbaycanın daha çox tərəvəz məhsulu istehsal etməsi və yerli tələbatdan artıq olan məhsulun Rusiyaya göndərilməsidir.
Xatırladaq ki, bu günlərdə Moskva meri Sergey Sobyanin Bakıya səfəri zamanı Azərbaycan hökuməti ilə 48 sənəddən ibarət razılaşma paketi imzalayıb. Razılaşma paketi Azərbaycan məhsullarını Rusiya paytaxtına tədarük edəcək konkret şirkətlər arasında bağlanıb. Mer açıq şəkildə bəyan edib ki, son illər ticarət dövriyyəsinin 3 dəfə artmasına baxmayaraq, Moskva bazarlarında Azərbaycan məhsullarının tələbatını nəzərə alsaq, bunu yenidən dəfələrlə artırmaq olar. Beləliklə, Rusiyaya sanksiyaların tətbiqindən və Federasiyanın özünün də Avropadan gətirilən mallardan imtina etməsindən sonra Azərbaycana maraq artıb. Rusiya hökuməti bazarlarında yaranan gərginliyi, qıtlığı, eyni zamanda bahalaşmanı qarşılamaq üçün Azərbaycandan gələn mallara heç bir məhdudiyyət qoymur. Bunadək süni əngəllərlə üzləşən, sərhəd-gömrük məntəqələrində günlərlə növblərdə dayanan meyvə-tərəvəz daşıyan yük maşınları indi heç bir maneəsiz Rusiya bazarlarına ayaq açır. İndi Azərbaycan məhsullarının keyfiyyət göstəricisi, ekoloji cəhətdən təmiz olması barədə də etiraflar çoxalır.
Görünən odur ki, Rusiyaya ərzaq mallarının ixracı artacaq. Lakin artıq bilindiyi kimi, bu hal bazarlarda bahalaşmaya yol açıb. İndi isə payız fəslinin başlanması fonunda bazarlarda daha böyük həcmdə bahalaşma müşahidə oluna bilər. Çünki adətən, ilin bu fəslində mövsümi meyvə və tərəvəzin azalması ilə bazarlarda bahalaşma yaşanırdı. Artıq bu bahalaşmanı Rusiya amili daha çox tətikləyir. Eyni zamanda ətin qiymətində də artım gözlənir. Çünki Azərbaycan Qərbin sanksiyalarına cavab olaraq xaricdən ərzaq məhsulları almağı dayandırmış Rusiya ilə bu ölkəyə ət və quş əti məhsulları ixrac etmək barədə razılaşma əldə edib. Ona görə də Azərbaycanda meyvə-tərəvəzin dalınca ət və ət məhsullarının da qiymətinin sıçrayışlı şəkildə artacağı gözlənir. İqtisadçı-ekspertlər bundan çıxış edərək Azərbaycanın yerli bazarında ət məhsullarının, o cümlədən quş ətinin qiymətinin artacağı barədə proqnozlar verir. Hesab olunur ki, Azərbaycan başqa ölkələrə ət satmağa başlasa, bu onsuz da baha olan ətin qiymətini bir qədər də qaldıracaq. Bu fonda hesab edilir ki, hökumət zəruri tədbirlər görməsə, ilin sonunadək nəinki təkcə ət və ət məhsulları, ümumiyyətlə, digər ərzaq məhsulları da bahalaşmaqda davam edəcək. Belə fikirlər də səslənir ki, Azərbaycandan Rusiyaya ət və ət məhsullarının ixracı yerli ət bazarında məhsul qıtlığı yarada bilər. Rusiyanın öz daxili istehsalı isə ölkənin hələlik ətlə tam təminatına imkan vermir. Məsələn, Rusiyanın ən böyük ət məhsulları istehlakçısı Çerkizovo Qrupu Moskva bölgəsini gündə 4500 ton toyuq əti ilə təmin edir. Lakin bu, tələbatı ödəmək üçün kifayət etmir. Qeyd edək ki, Rusiya indiyə qədər Birləşmiş Ştatların ən böyük donmuş toyuq məhsulları alan müştərisi idi. Bu mallara qadağa qoyulması isə vəziyyəti dəyişib.
Düzdür, Çerkizovo Qrupunun sözçüsü Yuri Çerçenko deyir ki, tezliklə məhsullarını iki qat artıracaq və ABŞ istehsalçılarını əvəzləməyə hazır olacaqlar: "Məncə, idxala sanksiyalar tətbiq edilməsi bizim üçün yaxşıdır.
Bu, Rusiyanın öz kənd təsərrüfatını inkişaf etdirməsi üçün bir təkandır". Lakin istənilən halda, Rusiya hələ bu sahədə idxaldan asılıdır. Qeyd edək ki, Kreml Qərb sanksiyalarına qarşı Ümumdünya Ticarət Təşkilatında məhkəmə işi qaldıracağını da bildirir. Maraqlısı isə odur ki, 2012-ci ildə Rusiyanın Ümumdünya Ticarət Təşkilatına üzvlüyü Rusiya ilə Amerika arasında ABŞ-dan alınan toyuq məhsullarına qadağanın qaldırılmasına dair əldə edilən razılıqdan sonra ABŞ-ın dəstəyini qazanmışdı. Lakin indi vəziyyət dəyişib. Moskva, həm də cavab tədbiri kimi, digər ölkələrdən ərzaq məhsullarının alışını artırır və bu sıraya Azərbaycan da aiddir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...