Bəzi banklar alış-veriş kartlarından faiz tutmağa son qoyur

Tarix: 01.10.2014 / 03:05
Bölmə: İqtisadiyyat

Məlumata görə, Azərbaycan Beynəlxalq Bankının İslam bankçılığı departamenti islam tələblərinə uyğun kartların sayını və dövriyyəsini artırmaq üçün yeni layihə hazırlayıb. Artıq bank faizsiz alış-verişin aparıla biləcəyi iri mağazalar şəbəkəsi quracaq. Nəticədə malın qiyməti müəyyən olunan müddətdə hissə-hissə ödəniləcək.
Bu məsələ ilə bağlı məlumat verən Azərbaycan Beynəlxalq Bankının İslam bankçılığı departamentinin rəhbəri Behnam Qurbanzadə deyib: "Biz ticarətin maliyyələşdirilməsini nəzərdə tutan "Murabaxa" kartını təklif edirik. Hazırda böyük mağazalar şəbəkəsi yaradırıq. Müştərilərimiz bu şəbəkə daxilində uzunmüddətli, faizsiz kreditlərdən bəhrələnə biləcək. Əgər malın qiyməti min manatdırsa, mal elə həmin qiymətə də alınacaq və 6-12 ay müddətində məbləğ hissə-hissə ödəniləcək. "Murabaxa" kartı islam bankçılığı tələblərinə tamamilə cavab verir və faizləri yoxdur".
Maraqlıdır, belə mağazalar şəbəkəsi digər mağaza və ticarət mərkəzlərini rəqabətdə üstələyə bilərmi? Axı burada daha sərfəli şərtlərlə satışın həyata keçirilməsindən söhbət gedir. Digər banklar da analoji addımı ata bilərmi?
Məlum məsələdir ki, bu gün bir neçə bankın öz alış-veriş kartı mövcuddur. Məsələn, "Bolkart", "Albalı", "Wordkart" və digər kartlar vasitəsilə alış-veriş etmək olur. Adlarını çəkdiyimiz alış-veriş kartlarının istifadə olunduğu dükanlarda da faizsiz ödəniş ola bilərmi?
İqtisadçı-ekspert Natiq Cəfərli hesab edir ki, faizsiz alış-verişin aparıldığı mağazalar şəbəkəsinin yaradılması digər tip satış məntəqələrinin dövriyyəsinə müəyyən qədər təsir edəcək: "İslam bankçılığı üzrə mağazalar şəbəkəsinin qurulması digər mağaza və ticarət şəbəkələrini sıradan çıxarmayacaq. Buna inanmaq da çətindir. Amma, təbii ki, bu, banklara və bütövlükdə dövriyyəyə təsir göstərəcək. Birmənalı şəkildə gözləyirik ki, məhz bu prosesə start verilməsi bütövlükdə ənənəvi xidmətlər təklif edən şəbəkələrin dövriyyəsinə mənfi təsir edəcək. Çünki bu o deməkdir ki, əslində, insanlar heç bir faiz hesablanmadan malın qiymətini ödəyəcək. Bu isə vətəndaşlar üçün daha cəlbedici olacaq. Belədə malın qiymətinə hər hansı faiz də hesablanmayacaq. Praktik olaraq bu, faizsiz kreditin verilməsidir. Vətəndaş müəyyən məbləğ kredit götürəcək və onu müəyyən müddət ərzində hər hansı bir ödəniş olmadan, hissə-hissə geri qaytaracaq. Təbii ki, bu, ümumi dövriyyəyə təsir göstərəcək. Amma hələlik islam bankçılığı üzrə mağazalar şəbəkəsinin qurulması istiqaməti üzrə ayrılan vəsaitin həcmi güman olunmur ki, böyük olsun. Hələlik layihə ilk olaraq sınaqdan keçirilir. Bir qədər sonra isə onun daha geniş miqyasda tətbiqi nəzərdə tutulur. Nəzərə almaq lazımdır ki, bütün ticarət dövriyyəsinin belə faizsiz ticarət dövriyyəsinə keçməsi praktik olaraq mümkün deyil. Bu baxımdan bəzi mağazaların faizsiz ticarət dövriyyəsinə keçərək belə satışı həyata keçirməsi ticarət mərkəzlərinin və supermarketlərin dövriyyəsinə müəyyən qədər təsir göstərəcək. Bu karta marağın artacağı proqnozlaşdırılır. Lakin digər ticarət şəbəkələri üzrə bütövlükdə dövriyyənin kəskin azalması və ciddi şəkildə aşağı düşməsi gözlənilmir". İqtisadçı qeyd etdi ki, ölkəmizdə də faizsiz alış-verişin aparıla biləcəyi mağazalar şəbəkəsinin yaradılması təqdirəlayiqdir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...