Dollar rublu əzdikcə Rusiya Azərbaycanın puluna daha səylə boylanır

Tarix: 01.10.2014 / 02:50
Bölmə: İqtisadiyyat

Şimal qonşumuzla Qərb arasında iqtisadi müstəvidə də yaranan gərginlik getdikcə artır və proseslərin bundan sonra daha sərt səpkidə inkişaf edəcəyi heç bir şübhə doğurmur. Bu fonda isə məlum olub ki, qərb təərfindən Rusiyaya qarşı yeni sanksiyalar tətbiq oluna bilər. Belə ki, Qərb ölkələri Minsk danışıqlarına əməl etməyəcəyi təqdirdə Moskvanı yeni sanksiyalarla hədələyib.
Minsk razılaşmasına əsasən, Rusiya Ukrayna sərhədindən öz ordu və qüvvələrini geri çəkməli, burada təhlükəsizliyi təmin etməli, eləcə də müqavimət qüvvələri tərəfindən saxlanan əsirlərin hamısını azadlığa buraxmalıdır. Lakin Ukraynanın şərqində vəziyyətin yenidən gərginləşməsi və hərbi əməliyyatların keçirilməsi, cavab tədbiri kimi, Qərbin sanksiyalarının növbəti paketinin işə düşə biləcəyini istisna etmir. Belə vəziyyət isə Rusiya iqtisadiyyatına daha ciddi təsir edə bilər. Əslində, Moskvada qeyd olunan ssenarilərə hazırlıq görülür.
Bu günlərdə baş nazir Dmitri Medvedyevin keçirdiyi iclasda qeyd olunub ki, hökumət hazırda ölkə iqtisadiyyatının müxtəlif inkişaf ssenariləri üzərində işləyir. Bir neçə ssenari nəzərdən keçirilib və bura optimist ssenaridən tutmuş "total neqativ"ə kimi ssenarilər daxildir. "Total neqativ" ssenariyə görə, iqtisadiyyat 10%-dək düşə, dollar 48 rubladək möhkəmlənə, neftin bir barrelinin qiyməti isə 80 dollara düşə bilər. Məhz belə bir vaxtda dolların Rusiyada yenidən sürətlə bahalaşması müşahidə olunur. Artıq Rusiya Mərkəzi Bankı 39,38 rubla qədər qalxan dollara müdaxilə edə biləcəklərini açıqlayıb. Son məlumata görə, dollar sərbəst bazarda 11 qəpik qalxaraq 39,38 rubl, avro isə 18 qəpiklik yüksəlişlə 49,8 rubl olub. Ölkənin 55%-i dollar, 45%-i avrodan ibarət olan valyuta səbəti isə 14 qəpik artımla 44 rubl olub. Dollar Rusiya Mərkəzi Bankının ötən həftə üçün müəyyən etdiyi 0,3%-lik bahalaşma limitini də keçib. Yaranmış durumda Dünya Bankı da Rusiya iqtisadiyyatı ilə bağlı proqnozlarını mənfiyə doğru çəkib. Bank, konkret geosiyasi risqlər qalacağı halda, Rusiya Federasiyasını uzun tənəzzül gözlədiyini açıqlayıb. Qurum ölkənin ümumi daxili məhsulunun (ÜDM) artım proqnozunu 0,5 faizə endirib. Dünya Bankı bəyan edib ki, 2015-2016-cı illərdə Rusiya iqtisadiyyatında artımın sürəti zəif olacaq. "Fitch" agentliyinin qiymətləndirməsinə görə isə, sanksiyaların təsiri altında Rusiyanın Mərkəzi Bankının qızıl-valyuta ehtiyatı bu ilin sonuna 450 milyard, 2015-ci ilin sonuna isə 400 milyard dollara düşə bilər
Rusiyanın Azərbaycanın ən böyük iqtisadi tərəfdaşlarından biri olduğunu nəzərə alsaq, baş verən proseslərin Azərbaycana təsirləri qaçılmaz sayılır. Əslində, Rusiyada baş verənlər, Azərbaycan kimi, bütün MDB ölkələrinə təsirsiz ötüşmür. İqtisadçı-ekspert Samir Əliyev qeyd edir ki, Rusiyada inflyasiya təzyiqi getdikcə artır: "İqtisadi İnkişaf Nazirliyi 2014-cü il üzrə orta illik inflyasiya səviyyəsini 6,5%-dən 7,4%-ə qaldırmağa məcbur olub. Dünya Bankı hətta 8% həddində proqnozlaşdırıb. Proses belə davam edərsə, vəziyyət daha da pisləşəcək". Onun sözlərinə görə, Rusiyada iqtisadi vəziyyətin pisləşməsi Azərbaycana da neqativ təsir göstərir: "İndiki vəziyyətdə tələsmədən addım atmaq lazımdır. Hazırkı məqam Rusiyaya investisiya yatırmaq üçün əlverişsiz zamandır, çünki risqlər çoxdur. Buna görə də indiki mərhələdə Neft Fondunun vəsaitlərinin Rusiyaya yönəlməsinə imkan vermək olmaz".
Xatırladaq ki, bir neçə gün öncə Rusiyanın VTB bankının rəhbəri Andrey Kostin bildirdi ki, rus banklarına Azərbaycandan maliyyə resursları cəlb edilə bilər. Ekspertlərə görə, xaricdən maliyyə resursları cəlb etmək üçün hazırda Rusiya bütün imkanlardan yararlanır. Təhlilçilər bu məqsədlə Rusiyanın Azərbaycana doğru boylanmasının gözlənilən olduğunu deyir. Çünki iqtisadi sanksiyaların tətbiqindən sonra xaricdən pul cəlb edə bilməyən Rusiya maliyyə institutlarının və şirkətlərinin həm də Azərbaycana üz tutacağı gözlənilən idi. Bu məsələdə Azərbaycan və Qazaxıstanın adı çəkilir. Hər iki ölkə təsadüfən seçilməyib. Çünki hər iki ölkənin kifayət qədər sərbəst neft pulu var. Lakin qeyd olunduğu kimi, indiki halda Azərbaycanın ehtiyatlı siyasət yürütməsi vacib sayılır. Digər iqtisadçı-ekspert Vüqar Bayramov isə bildirir ki, Rusiya bankları bəzi transferlər həyata keçirdikləri üçün qonşu ölkələrin, eyni zamanda, Azərbaycanın bank xidmətlərindən istifadə etmək niyyətindədir. Lakin onun fikrincə, Azərbaycanın kommersiya bankları üçün indiki məqamda Rusiyanın bank sektoruna daxil olmaq, hətta gəlirli olsa belə, arzuolunan deyil. Çünki Rusiyaya tətbiq olunan sanksiyaların onlarla əməliyyatlar aparan banklara da yönəldilməsi güman olunur. İran təcrübəsində bu müşahidə olunub. İran bankları ilə əməkdaşlıq edən banklara Qərb ölkələri sanksiyalar tətbiq edirdi. Ona görə də, indiki halda Rusiya bankları ilə əməkdaşlıq etmək məsləhət deyil.
Ekspertlərə görə, sanksiyalar qaldıqca, Rusiyanın bank sahəsində ziyanla işləyən bankların sayının artması müşahidə olunacaq. Bu səbəbdən daha çox Rusiya bankının maliyyə yardımı üçün ölkəmizə müraciət edəcəyi istisna deyil. Hələlik isə Qərb-Rusiya münasibətlərinin yaxın vaxtlarda düzələcəyinə, Putinin Ukrayna siyasətinə dəyişiklik edəcəyinə ümidlər azdır. Kiyevin təklif etdiyi xüsusi statusla razılaşmayan Donetsk və Luqansk separatçıları "müstəqillikdən" danışır, bu isə Ukrayna böhranının davam etməsi fonunda Rusiyaya qarşı saknsiyaların genişlənəcəyini və bu ölkə iqtisadiyyatının geriləyəcəyini göstərir. Bütün bunlar isə, qeyd olunduğu kimi, Azərbaycana da təsirsiz ötüşməyəcək.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...