Qızların fiziki əməkdən kənar düşməsinin yaratdığı dəhşətli fəsadlar...

Tarix: 30.09.2014 / 11:51
Bölmə: İqtisadiyyat

Ana olmaq, Tanrı tərəfindən bu ada layiq görülmək böyük səadətdir. Ancaq təəssüf ki, qadınlarımızın bir qismi ana olmaq məsələsində ciddi çətinliklərlə üzləşir. O da acınacaqlıdır ki, bu hal kütləviləşib. Əvvəllər min qadından birinin bu problemi vardısa, indi on nəfərdən biri uşaqsızlıqdan əziyyət çəkir. Qadınlarımızın ana ola bilməməsinin səbəbini tibbdə müxtəlif hallarla, xəstəliklərlə izah edirlər.
Təsəvvür edin ki, əksəriyyətin də problemi bir-birinə bənzəyir. Bundan başqa, sonsuzluq da baş alıb gedir. Bu gün "sonsuzluq" diaqnozu ilə yaşayan nə qədər gənc qadın var. Bir tərəfdən analıq yaşının azalması, bir tərəfdən də qızların gec ailə həyatı qurması bu çətinliyi daha da dərinləşdirir. Əlbəttə, Azərbaycan qızlarının-gənc xanımların ana ola bilməməsi məsələsi həm tibbi, həm də sosial-mənəvi baxımdan uzun illərdir müzakirə edilir. Bir tərəfdən bunun səbəbini psixoloji vəziyyətlə, başqa bir tərəfdən xəstəliklərlə izah edirlər. Ancaq nədənsə bu məsələdə əsas rol oynaya biləcək məqamlardan biri unudulur. Bəzi ekspertlərə görə, bu problemin geniş yayılması səbəbindən biri qızların fiziki əməkdən uzaq düşməsidir. Belə ki, gənc qızlar, qadınlar keçən dövrlərdə fiziki əməklə çox məşğul olurdu. Fiziki əmək də gənclərin bütün bədən əzələlərini hərəkətə gətirir, onları passivləşməyə qoymurdu. Bilirik ki, qızlar kənd yerlərində fiziki əməklə daha geniş şəkildə məşğul olurdu. Bu da onların bədən əzələlərinin möhkəmlənməsinə, bədənlərində müqavimətin artmasına, orqanizmlərində tarazlığın yaranmasına səbəb olurdu. Adicə ev işlərinin görülməsi, əldə paltar yuyulması, hərəkət qızların fiziki sağlamlığını şərtləndirən amillərdən biridir. İndi evlərin çoxunda qızların fiziki əməklə məşğul olması mümkünsüzdür. Çünki evdə hər şey avtomatladır, paltaryuyan da, qabyuyan da, tozsoran da avtomatdır. Qızlar günlərini daha çox kompyuter qarşısında keçirir, bu da onlarda ətalət yaradır.
Qızların erkən yaşdan kütləvi idmana cəlb olunması da onların fiziki sağlamlığına müsbət təsir edirdi. Nəzərə alsaq ki, illər əvvəl qızların idmanın müxtəlif sahələrinə marağı vardı. Həndibol, voleybol kimi oyunlarla məşğul olan qızlar daha az zədə alır və fiziki müqavimətini daha etibarlı şəkildə gücləndirirdi. Azərbaycan idman ölkəsidir, amma orta ümumtəhsil məktəblərində idman dərslərinin keçilməsinə elə də ciddi fikir verilmir. Məktəblərin çoxunda bu dərsin adı var, özü isə, demək olar ki, yoxdur. Məktəblərdə səhər idmanı təlimi ümumiyyətlə yığışdırılıb. Bu da olmalıdır. Qızların idmana marağına gəlincə, deyə bilərəm ki, idmana gedən qızlar var, amma onlar da çox zaman daha ağır idman növlərinə maraq göstərir, bu da əksər vaxtlarda onların zədələnməsinə səbəb olur və ana olmalarının qarşısına sədd çəkir. İdmanda zədə alan qızlar var ki, ailə qurduqdan sonra ana ola bilmir, olsalar da bu, uzun müalicə prosesindən sonra mümkün olur. Əlbəttə, qızlar idmanla məşğul olmalıdır, amma elə idman növü seçməlidirlər ki, bu onların gələcəyini təhlükə altında qoymasın.
Bəzi sosioloq və psixoloqlar bildirir ki, gələcək qızları analığa hazırlamaq üçün böyük işlər görülməlidir. Çünki qızların analıq üçün yetişməsi vacibdir. Onların müəyyən yaşdan sonra fiziki əməyə cəlb olunması, idmana getməsi fiziki cəhətdən inkişafa səbəb ola bilər. Sağlam gənc qadın isə dünyaya sağlam körpə gətirə bilər. Ümumiyyətlə, qızların ərə getməmişdən əvvəl fiziki əməklə məşğul olmaması təbii doğuş məsələsini də çətinləşdirir. Fiziki cəhətdən qızların müqavimətinin zəif olması, əzələlərin, belə deyək, passivləşməsi nəticəsində qadınlarda çanaq genişlənmir və nəticədə təbii doğuş baş vermir. Bu səbəbdən də qeysəriyyə kəsiyi ilə doğuş keçirən qadınların sayı artır. Qızların fiziki əməklə məşğul olmaması yalnız hamiləlik problemini dərinləşdirmir, eyni zamanda təbii doğuşu da bir çox hallarda əngəlləyir.
Gördüyünüz kimi, fiziki cəhətdən tamamilə güclü olmamaq, müqavimətin zəifliyi bu kimi problemlərin meydana gəlməsinə səbəb olur. Odur ki, qızlar sağlamlıq naminə, gələcəkdə ana olmağın, körpəsini təbii yolla dünyaya gətirməyin gözəlliyini yaşamaq üçün mütləq fiziki əməklə, sağlamlığa yönəldən idmanla məşğul olsunlar...

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...