Bağlanacağı deyilən banklar hələ də əhalidən depozit yığmaqda davam edir

Tarix: 30.09.2014 / 03:38
Bölmə: İqtisadiyyat

2014-cü ilin sonuna az zaman qalıb. Məlumdur ki, Mərkəzi Bank cari ilin sonuna kimi banklara nizamnamə kapitalını 50 milyon manata çatdırmağı tapşırıb. Göstərilən vaxtın yaxınlaşmasına baxmayaraq, bəzi banklar həmin nizamnamə kapitalını toplamaqda çətinlik çəkir.
Hətta yayılan məlumatlara görə, bir sıra banklar həmin nizamnamə kapitalının heç yarı hissəsini də toplamayıb. Belə olan halda həmin banklar ya bağlanacaq, ya da birləşdiriləcək. Ekspertlər nizamnamə kapitalanı toplamaqda çətinlik çəkən bankların bağlanma ehtimalının yüksək olduğunu düşünür.
Bağlanma ehtimalı olan banklar, hər şeyə rəğmən, yenə də müştərilərdən əmanət qəbulunu həyata keçirir.
Taleyi sual altında olan bankın depozit qəbul etməsi düzgündürmü? Elə bu sualla iqtisadçılara müraciət etdik.
İqtisadçı-ekspert Rəşad Həsənov hesab edir ki, hər bir bankın əmanət qəbulu həyata keçirmək hüququ var: "Mərkəzi Bankın belə bir tələbi yoxdur ki, hansısa bank verilən vaxta kimi qoyulmuş tələbə cavab vermirsə, əmanət qəbul etməsin. Nizamnamə kapitalı ilə bağlı tələbin yerinə yetirilməsinə 3 ay qalıb. Hər bir bankın hüququ var ki, əmanət qəbul etsin. Əmanət qəbulu o vaxt dayandırılar ki, yanvarın 1-də bankın məcmu kapitalı 50 milyondan aşağı olsun. Bundan sonra həmin bankın taleyi barədə qərar qəbul olunur. Ya bank bazarı tərk edir, ya bank olmayan kredit təşkilatına çevrilir, ya da əvvəldən razılşama yolu ilə başqa bankla birləşir".
Həmsöhbətimiz onu da əlavə etdi ki, bank bağlanarsa, əmanətləri müştərilərə Əmanətlərin Sığortalanması Fondu qaytaracaq, lakin o da müəyyən miqdara qədər: "Mərkəzi Bankın həyata keçirdiyi islahatlar elə məhz bankların sayının azaldılmasına hesablanıb. İndiki şəraitin nəticəsi olaraq ölkədə bank sektorunda 25-30 arası bank fəaliyyət göstərəcək. Bundan ən çox zərəri isə müştərilər çəkəcək. Belə ki, bank sektorunda rəqabət bir qədər də çətinləşdiriləcək".
İqtisadçının sözlərinə görə, bankların birləşdirilməsi haqqında müxtəlif fikirlər səslənir. Bankların birləşdirilməsinə qarşı çıxanlar da var, razı olanlar da: "Amma mən düşünürəm ki, hazırkı şəraitdə bankların birləşdirilməsi düzgün addım olar. Nəzərə alsaq ki, bankların bir qismi ziyanla işləyir, onda bu banklar ya birləşdirilməlidir, ya da müflis olmalıdır. Həmin bankların müflis olması indiki halda bank sektoru üçün arzuolunan deyil. Bankların sayının azalması, bankların birləşdirilməsi prosesi uğurla baş verərsə, eyni zamanda, bu süni şəkildə deyil, bankların öz istəyi ilə həyata keçirilərsə, bu sektora çox müsbət təsir edəcək. Bankların birləşdirilməsi təklif edilən kredit faizlərinin də aşağı düşməsinə gətirib çıxara bilər. Sadəcə olaraq bu birləşmə heç bir halda inzibati metodlarla həyata keçirilməməlidir. Lakin banklar özləri hələ də birləşmək istiqamətində hansısa təşəbbüs göstərmirlər".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...