18/07/2019 09:27
728 x 90

Paşinyan sülh danışıqları ilə bağlı növbəti təxribatçı fikirlər söylədi, həm də telemüsahibədə...

Məhəmməd Əsədullazadə: “Paşinyanın bu çıxışı danışıqlardan yayınmaq və Ermənistanın işğalçı siyasətini gizlətmək məqsədi daşıyır”

img

“Hesab edirəm ki, bu yanaşmanın ortaya qoyulması sülh imkanlarını və danışıqları mənasız məcraya yönəldir”

“Qarabağın azərbaycanlı icması artıq Dağlıq Qarabağ münaqişəsinin nizamlanması prosesində iştirak edir”. Bu fikirləri Ermənistanın Baş naziri Nikol Paşinyan "Şant" telekanalına müsahibəsində bildirib. O, telekanala müsahibəsində bununla bağlı bir sıra təxribatçı fikirlər səsləndirib: “Mən həmişə demişəm ki, Ermənistan adından danışıqlar apara bilərəm, "Dağlıq Qarabağ Respublikası"nın adından danışıqlar apara bilmərəm. Çünki mən nə oranın "prezidenti"yəm, nə də Qarabağ xalqı tərəfindən seçilmişəm. Qarabağı onun seçdiyi şəxs təmsil etməlidir". Qarabağın azərbaycanlı icmasına gəldikdə isə, Paşinyan qeyd edib ki, onu artıq danışıqlar prosesində Azərbaycan prezidenti təmsil edir: “Onların hamısı istisnasız Azərbaycan vətəndaşlarıdır. Onlar seçkilərdə iştirak edirlər. Bu gün onlar artıq danışıqlar masasında təmsil olunublar, çünki İlham Əliyevi prezident seçməklə onu danışıqlar prosesində səlahiyyətləndiriblər”. Qeyd edək ki, daha əvvəl ATƏT-in Minsk Qrupunun həmsədr ölkələri regiona səfərləri zamanı mayın 30-u Qarabağın azərbaycanlı icmasının sədri ilə görüşüblər. Göründüyü kimi, Paşinyanın bu yöndə təxribatları səngimək bilmir. O, separatçı qurumun danışıqlarda tərəf olmasını istəyirdi, amma alınmadı. Ancaq buna baxmayaraq, yenə də bu fikirlərdən əl çəkməyərək növbəti təxribatçı açıqlamalarla çıxış edir. Bu baxımdan Paşinyanın Qarabağ danışıqları ilə bağlı son təxribatçı fikirlərini ekspertlər necə dəyərləndirir?

Məsələyə münasibət bildirən politoloq Məhəmməd Əsədullazadənin sözlərinə görə, bütün bunlar onu göstərir ki, Paşinyan münaqişənin həllində kompromislərdə maraqlı deyil: “Ermənistanın Baş naziri Nikol Paşinyanın apardığı siyasət ölkəsini müharibə fəlakətinə sürəkləyir. O çox gözəl bilir ki, Qarabağdakı azərbaycanlı və erməni icması Azərbaycan rəhbərliyinə tabe olmalıdır. Burada işğal faktoru var. Yəni Ermənistan Azərbaycan ərazilərini işğal edərək, orada separatçı qurum yaradıb. Paşinyanın bu çıxışı danışıqlardan yayınmaq və Ermənistanın işğalçı siyasətini gizlətmək məqsədi daşıyır. Hesab edirəm ki, bu yanaşmanın ortaya qoyulması sülh imkanlarını və danışıqları mənasız məcraya yönəldir. Paşinyan, görünür, Qarabağdakı separatçılardan qorxur və münaqişənin həllində vasitəçilikdən yayınmağa çalışır. Hesab edirəm ki, Azərbaycanın qəti mövqeyi razılaşdırılmış yenilənmiş Madrid prinsipləri üzrə danışıqların aparılmasına gətirməlidir. Ümumiyyətlə, görünən odur ki, Paşinyan danışıqlara hazır deyil. Çünki danışıqlar sülh prosesinə gətirməli, işğal faktoru aradan qalxmalıdır. Amma milliyyətçi və şovinist olan inqilab hakimiyyyətinin nümayəndələri bunda maraqlı deyil. Onun bu kimi qeyri-adekvat açıqlamaları davam edəcək. Rəsmi Bakı üç ay ərzində mövqeyini konkretləşdirməli, Minsk Qrupu həmsədrləri ilə məsələnin təcili həllini qabartmalıdır. Belə olmadıqda hərbi təzyiq vasitələrinə keçəcəyini bəyan etməlidir. Paşinyan çox ikiüzlü və regionda qeyri-stabil hökumət rəhbəridir”.

Vidadi ORDAHALLI

Son xəbərlər