Xanım Merkelin Ermənistanda Irəvanın 2800 il tarixi oldugunu söyləməsi bir tarixi yanlışlıq olsa da, hörmətli kansler üçün qəbahət sayılmaqdan çox-çox qabaq Avropadakı, xüsusən də Almaniyadakı diaspor fəallarımızın qəbahəti sayılmalıdır.
Bu sözləri baki-xeber.com-a Aydın Quliyev deyib. A.Quliyevin sözlərinə görə, xanım Merkelin Irəvan səfəri kontekstində bizə xoş gəlməyən bəzi nüanslar olsa da, səfər proqramının başqa iki dövlətin maraqları çərcivəsində tərtib edildiyini gərək unutmayaq. Ancaq hörmətli kanslerin Irəvan səfəri kontekstində bəzi məsələlərə öncədən korreksiyalar etmek cəhdləri olsaydı, çox yaxşı olardi. Bu cəhdləri isə, hər şeydən əvvəl bizim Almaniyada cəmləşmiş müəyyən diaspor fəalları göstərməli idilər. Halbuki, onlar Merkeli Azərbaycana təzyiqlər göstərməyə cağirmaqla təəssüf doğuran fəaliyyətdə bulundular. Xırda siyasi ambisiyaları bir kənara qoyaraq böyük dövlətçilik mövqeyi tutmaq şansını əldən verdiler. Siyasi ambisiyalarını radikal şəkildə Berlində gündəmə gətirərək piketler keçirən bir qrup mühacirimiz bu yanlışlıq üçün tarix qarşısında sonsuz məsuliyyət daşıyır. Ən narahatlıq doğuran məlumatlardan biri odur ki, həmin piketçilərin arasında radikal dinçi mühacirlərin olduğu deyilir. Merkelin səfəri öncəsi Berlində piket keçirən bizim soydaş-mühacirlərimiz "Azərbaycan insan haqlarını pozduğu üçün ona təzyiqlər göstərin" kimi müraciətlərin yerinə desəydilər ki, "hörmətli kansler, tarixdə heç bir erməni genosidi baş verməyib, əsl genosid həmin ermenilərin 26 il əvvəl Xocalıda törətdikləri vəhşilikdir"və s., bunlar milli mənafe nöqteyi-nəzərindən daha böyük effekt verərdi. Və ya ölkəni qaralayan cürbəcür siyasi hərəkətlərin əvəzində səfərqabagı bir alman qəzetində xanim Merkelə müraciət etsəydilər ki, indiki Ermənistan da, onun paytaxtı Irəvan da qədim Azərbaycan torpaqlarıdı, Irəvanın şəhər kimi əsasi cəmi 600 il əvvəl Azərbaycanın məşhur Səfəvilər sülaləsi tərəfindən qoyulub, bəlkə də bütün bunları oxuyandan sonra xanım Merkel Irəvanın guya 2800 il yaşı olduğu barədə saxta erməni tarixşünaslığına istinad etməzdi. Elə Berlinin özündə xanım Merkelə Xocalını genosid aktı kimi tanımaq xahişi edilsəydi, bəlkə də Irəvanda uydurma 1915-ci il olayları barədə belə alovlu ifadələr işlətməzdi. Təəssüf ki, Berlində yaşayan soydaşlarımızın fəal bir zümrəsi bunları etməyin əvəzində əslində ermənilərin işinə yarayan cağırış və piketlər təşkil etdilər. Indi nə bilək ki, həmin piketləri təşkil edənlərin radikal dindarlarla, onları idarə edən məlum islam ölkəsi ile, Azərbaycanın mühüm qaz layihələrinə qarşı düşmənçilik edən "no TAP" kimi hərəkatçılarla, antiazərbaycan fəaliyyəti göstərən beynəlxalq lobbi mərkəzləri ilə bağlılıqları yoxdur?! Vətənpərvərlik bağlı olduğun ölkənin dövlət mənafelərini bütün məqamlarda üstün tutmağı bacarmaqdır, həmin dövlətdə hakimiyyətdə olanları qaralamaq yox.
Aydın Quliyev onu da bildirdi ki, bu deyilənlər tək Almaniyada yox, bütün Avropa ölkələrində yaşayan və Azərbaycana münasibətdə eyni yanlış siyasi davranışları nümayiş etdirən muhacirlərimizin bəlli bir qrupuna aiddir.
Baki-xeber.com
