22/10/2019 16:32
728 x 90

ABŞ demokratlarından növbəti həmlə... Tramp əleyhinə ifadə verəcək ikinci agentin olduğu iddia edildi

img

ABŞ-da impiçment prosedurunun başladılmasına səbəb olan Mərkəzi Kəşfiyyat İdarəsi (MKİ) agentindən sonra, ikinci bir kəşfiyyat işçisinin də prezident Donald Tramp əleyhinə ifadə verəcəyi iddia edilir.

Baki-xeber.com xarici mediaya istinadən xəbər verir ki, ABC kanalına açıqlama verən vəkil Mark Zaid, ikinci kəşfiyyat işçisinin ABŞ lideri haqqında ifadə verəcəyini söyləyib.

Iki gün əvvəl isə “The New York Times” qəzeti iki etibarlı mənbəyindən aldığı informasiya əsasında məlumat yayıb ki, potensial informatorun əlində ABŞ prezidentinin xarici ölkələrin dövlət başçıları ilə söhbətində onlara təzyiq göstərməsi barədə daha dəqiq faktlar var. Həmin agent artıq ABŞ Kəşfiyyat orqanlarının baş müfəttişi Maykl Atkinson tərəfindən dindirilib.

Qəzet Donald Tramp barədə ilk şikayət ərzisəsini yazan şəxsin söylədiklərinin mötəbərliliyinin möhkəmlənməsi baxımından yeni sənədin olduqca vacib olduğunu bildirib. İkinci əməkdaş bunun üçün bir neçə iri rütbəli məmurdan konfidensial informasiya aldığını deyib.

Trampı sıxışdıran ilk məlumatlı şəxsin kimliyi hələlik bəlli deyil, amma Amerika mediası bu şəxsin MKİ agenti olduğunu yazır.

Əvvəllər Ağ Evdə işləyən agent avqustun 12-də yazdığı şikayət ərizəsində ABŞ prezidentinin vəzifəsindən sui-istifadə etdiyini, Ağ Ev rəsmilərinin də Trampın Ukrayna prezidenti ilə görüşünü ört-basdır etmək üçün qanun pozuntularına yol verdiyini iddia edib.

Sözügedən ərizənin ardından, əvvəllər bir çox “fırtınaların”  qarşısını alan ABŞ lideri Trampa qarşı ilk dəfə rəsmi impiçment prosesi başladılıb.

Qeyd edək ki, Zelenski ilə Trampın 2019-cu ilin iyulunda keçirdiyi telefon danışığı impiçment üçün əsas hesab edilir. Məktuba görə, Donald Tramp sabiq vitse-prezident və ABŞ prezidentliyinə demokrat namizəd Co Baydenin oğlu ilə bağlı araşdırılma aparılmasını tələb etdii iddia edilir. Tramp böyük qalmaqala səbəb olan telefon danışığı zamanı işlətdiyi ifadələri əvvəl rədd etsə də sonradan əks hücuma keçib qəbul etdi.

Son xəbərlər