22/10/2019 15:58
728 x 90

Demokratlar qalmaqallı telefon danışığının açılmasından sonra istefa vermiş ABŞ-ın Ukraynadakı səfirini ifadəyə çağırdı

img

ABŞ prezidenti Donald Trampla bağlı impiçment araşdırması aparan Nümayəndələr Palatasının üç komitəsinin üzvləri bu yaxınlarda istefa verən ABŞ-ın Ukraynadakı sabiq səfiri Kört Volkerla bağlı qapılar arxasında görüş keçirəcəklər.

Baki-xeber.com “Amerikanın səsi”nə istinadən xəbər verir ki, onların Volkerə iyulun 25-də Trampla prezident Vladimir Zelenski arasında keçirilən telefon danışığı, Volkerin telefon danışığından sonra atdığı addımlar və Trampın şəxsi vəkili Rudi Culianinin Trampın Zelenskidən ABŞ-ın sabiq vitse-prezidenti Co Baydenlə bağlı təhqiqat aparmaq istəyi ilə əlaqələli atdığı addımlar barədə suallar verəcəyi gözlənilir.

Volker şikayət ictimaiyyətə açıqlanandan bir gün sonra istefa verib. O, Culiani ilə Zelenski arasında görüşün təşkilinə yardım edib. Dövlət Departamenti bildirib ki, Volker Zelenskinin müşavirinin tələbi üzərinə onunla Culiani arasında əlaqə yaradıb.

Qeyd edək ki, şikayət nəticəsində Nümayəndələr Palatasındakı Demokratlar rəsmi olaraq impiçment araşdırmasına başlayıb. Şikayətdə bildirilib ki, Trampın Zelenski ilə telefon danışığından sonra Volker və ABŞ-ın Avropa İttifaqındakı nümayəndəsi Qordon Sondland Ukrayna prezidenti və digər siyasi xadimlərlə görüşüb.

Şikayəti irəli sürən şəxs deyib ki, ABŞ rəsmilərinin o görüşlərdə aldığı qeydlərdə “Volker və Sondlandın Ukrayna rəhbərliyinə president Zelenskiyə irəli sürdüyü tələblərin necə yerinə yetirilməli olduğuna dair məsləhət verdikləri” bildirilir.

Şikayəti irəli sürən şəxs bildirilib ki, ABŞ rəsmilərindən “onların Culianinin Ukrayna rəsmiləri ilə əlaqə qurmaq və Trampdan onlara, onlardan Trampa ismarıc çatdırmaq üçün milli təhlükəsizliklə bağlı qərar vermə prosesindən yan keçməsindən dərin narahatlıq hissi keçirdiklərini” eşidib.

“Dövlət Departamentinin rəsmiləri, o cümlədən Volker və Sondland ABŞ-ın milli təhlükəsizliyinə hər hansı təhlükənin qarşısını almaq məqəsdilə Culiani ilə danışıb” - şikayətdə bildirilib.

Son xəbərlər