ABŞ prezidenti Barak Obama Dallasda etiraz aksiyası zamanı polislərin qətlini pisləyib. O bunu nifrətamiz hücum adlandırıb.
İnsident zamanı 5 polis snayperlə öldürülüb, 1 mülki şəxs də daxil olmaqla 7 nəfər yaralanıb.
Obama Dallas merinə Amerika xalqı adından başsağlığı verib və şəhərə yardım vəd edib.
Dinc aksiyanı müşaiyət edən polislərə hücum iyulun 7-i, axşam saatlarında baş verib.
Dallasın polis rəisi hücumun snayperlə pusqudan edildiyini və əvvəlcədən yaxşıca planlaşdırıldığını deyir.
3 şübhəlinin həbs edildiyi, birinin isə öldürüldüyü bildirilir. Kütləvi informasiya vasitələrinin məlumatına görə, o polisə müqavimət göstərib. Hadisə yerində partlayış izi aşkar edilməyib.
