Ermənistanda səfərdə olan katoliklərin ruhani lideri Papa Francesko Serj Sarkisyanla görüşü zamanı əvvəlcədən hazırlanan mətndən kənara çıxaraq, 1915 hadisələrini "soyqırım" kimi xarakterizə edib.
Baki-xeber.com Türkiyə KİV-nə istinadıən xəbər verir ki, Papanı səfərdə müşayiət edən jurnalistlər, müəyyən şərtlərlə onlara əvvəldən paylanan Papanın çıxış mətnində "soyqırım" ifadəsinin yer almadığını bildiriblər. Sözügedən mətndə 1915-ci il hadisələri sadəcə "böyük fəlakət" kimi qeyd edilir.
Bu arada, səfərdən öncə Bakıda da Vatikan rəhbərinə ünvanlanan çağırışlar səslənib. Azərbaycan Vətəndaş Cəmiyyətinin İnkişafına Yardım Assosiasiyasının (AVCİYA) rəhbəri, millət vəkili Elxan Süleymanov Roma Papasını işğal altındakı ərazilərinin azad olunmasına dair çağırış etməyə səsləyib.
