ABŞ-ın Orlando şəhər rəsmiləri gey klubunda 49 nəfərin ölümünə səbəb olan hücumla bağlı əlavə məlumatlar verib. Omar Mateen adlı silahlı bazar ertəsi səhəri klubda atəş açaraq 53 nəfəri yaralayıb. Bu, ABŞ tarixində ən böyük kütləvi hücumdur.
Polis rəsmisi Con Mina bildirib ki, Mateeni iş saatında olmayan polis zərərsizləşdirməyə çalışıb.
Daha sonra başqa polis müfəttişləri hadisə yerinə gəlib. Onlar Mateeni girovlarını saxladığı tualetə geri çəkilməyə məcbur edib. Bu vaxtda isə onlarla insan Pulse gecə klubundan çıxarılıb. Mateen tualetdə olarkən polislə telefonla danışıb və söhbət əsnasında özünü İslam Dövləti adlandıran qruplaşmaya əhd edib.
Bazar günü Orlando gey klubunda atəş açan Omar Mateen adlı şəxsin keçmiş arvadı onun "ruhi xəstə” olduğunu bildirib.
Özünü "İslam Dövləti” adlandıran qrup hücuma görə məsuliyyəti üzərinə götürüb, lakin İD qrupunun bu işdə nə dərəcədə iştirak etdiyi qeyri-müəyyəndir.
Mateenin işlədiyi təhlükəsizlik şirkəti onun 2 dəfə yoxlamadan keçdiyini bildirirb. Yoxlamalar 2007 və 2013-cü illərdə keçirilib və şübhəli nə isə aşkar edilməyib, G4S şirkəti bildirib. Şirkət eləcə də Mateenin xidməti tüfəng daşıdığını qeyd edib.
Sitora Yusufiy 2009-cu ildə Mateen ilə dörd ay yaşayıb. Sitora deyib ki, onun ailəsi onu Mateen ilə münasibətlərdən "xilas edib”, çünki Mateen onu fiziki zorakılığa məruz qoyub, döyüb. "O, qəzəblənəndə hər şeyə nifrət yağdırıb. O, ruhi xəstə və əsəbi olub”, Sitora deyib.
Obama: Orlando klubunda atışma "terror və nifrət aktıdır"
ABŞ prezidenti Barak Obama bazar günü Orlandoda, geylərin gece klubunda baş verən silahlı hücumu "terror və nifrət aktı" adlandırıb.
"Amerikalılar xalqımızı müdafiə etmək üçün kədərdə, qəzəb və əzmkarlıqda bir olub", o bildirib.
29 yaşlı Omar Mateen, klubda polis tərəfindən güllələnməzdən əvvəl 50 insanı qətlə yetirib və 53 nəfəri yaralayıb.
Özünü İslam Dövləti adlandıran qruplaşma bəyan edib ki, hücumun arxasında onlar dayanır, lakin onların iştirak dərəcəsi aydın deyil. Onlara bağlı olan Amaq xəbər agentliyi yazır ki, bu hadisəyə görə "İD döyüşçüsü" məsul olub. Silahlı şəxs klubda insanları girov götürəndən sonra 11 polis əməkdaşı ilə apardığı silahlı atışmada öldürülüb.
Silahlı atışma ABŞ tarixində ən dəhşətli kütləvi atışmadır. Bütün ABŞ üzərində yerli vaxtla saat 18:00-da sükut elan olunub.
Silah nəzarəti
Cənab Obama deyib ki, "onlarla günahsız insanın amansızca qətlə yetirilməsi" xatırlatmadır ki, ABŞ-da öldürücü silahı əldə etmək və insanlara atəş açmaq nə qədər asandır.
"Biz qərar verməliyik ki, bu bizim olmaq istədiyimiz ölkədirmi", silah haqqında qanunu sərtləşdirmək üçün kampaniya aparan prezident deyib.
Cənab Obama bütün federal binalarda cümə axşamı günü, gün batana qədər bayraqların yarıya qədər endirilməsinə göstəriş verib.
Bir qədər sonra Ağ Ev bəyan edib ki, cənab Obama Demokratlar partiyasından prezidentliyə namizədliyi ehtimal olunan Hillari Klintonla görüşü təxirə salıb.
Xanım Klinton deyib: "Bu bir daha bizə xatırladır ki, müharibə silahının bizim küçələrdə yeri yoxdur."
Möhkəm və ağıllı olmaq
Onun Respublikaçılardan olan rəqibi, Donald Tramp deyib ki, cənab Obama hücumu müzakirə edərkən "radikal İslam" sözünü işlətmədiyinə görə istefaya getməlidir.
"Əgər biz tezliklə möhkəm və ağıllı olmasaq, bizim heç bir ölkəmiz olmayacaq", o deyib.
Amerika-İslam Əlaqələri şurasının rəhbəri hücumdan sonra siyasətçilərin "hesab xalı" və ya "qorxunu istifadə etməməyə" çağırıb.
İD qruplaşmasına ünvanladığı birbaşa mesajında Nihad Avad deyib: "Sən bizim üçün danışma. Sən bizi təmsil etmirsən. Sən həqiqətəndən yayınmısan."
Orlando polisi deyib ki, onların əməkdaşlarından birinin həyatı bu dəbilqə sayəsində qurtarıb
Nyu-Yorkda anadan olub Florida ştatında yaşayan Əfqan əsilli ABŞ vətəndaşı olan Mateen, terrorçular siyahısında olmayıb.
Buna baxmayaraq rəsmilər müəyyən edib ki, FBİ 2013-2014-cü illərdə ondan iki dəfə ifadə alıb.
Məlum olub ki, son bir neçə gündə o, qanuni yolla bir neçə silah əldə edib.
Mateen özəl mühafizə şirkəti üçün çalışırmış. Onun işlədiyi G4S şirkəti deyib ki, o 9 il idi burda çalışırdı və işinin bir hissəsi olaraq da silah gəzdirirdi.
Şirkət açıqlamasında bildirib ki, Mateen 2007 və 2013-cü illərdə iki dəfə yoxlamadan keçib və bu zaman narahatlığa əsas olacaq səbəb olmayıb.
Onun keçmiş həyat yoldaşı Washington Post qəzetinə deyib ki, Mateen "stabil insan deyildi", kobud xasiyyəti var imiş və birgə yaşadıqları qısa müddət ərzində paltarları yumamaq kimi cuzi şeylər səbəbindən onu dəfələrlə döyürmüş.
BBC
