NATO-Rusiya qarşıdurmasının ağırlıq mərkəzi Ukrayna - Belarus sərhədinə keçir...

Tarix: 04.06.2016 / 01:45
Bölmə: Dünya

MDB məkanı üçün hazırda ciddi təhdid mənbəyinə çevrilən məqamlardan biri də Rusiya ilə Qərb arasında ziddiyyətlərin tədricən hərbi müstəviyə keçməsidir. Belə bir vaxtda isə bəlli olub ki, Rusiya hərbi komandanlığı Belarus və Ukrayna ilə sərhədində yeni böyük zərbə potensialına malik olan hərbi bazalar yerləşdirir. Ukrayna Moskvanın bu addımı NATO-ya qarşı atdığını bildirib. Artıq Yekaterinburqdan Rusiyanın Bryansk vilayətinin Klints bölgəsinə xüsusi dəstələr göndərilib.

Qeyd edək ki, Klints həm Belarus, həm də Ukrayna sərhədində yerləşir.

Rusiyalı hərbi ekspert Pavel Felqenhauer isə bildirir ki, Belarus sərhədində Rusiya qoşunlarının sayının artırılması ölkənin müdafiəsinin gücləndirilməsi ilə əlaqədar deyil. Onun sözlərinə görə, bu fəaliyyətin əsas məqsədi Belarus vasitəsilə ediləcək hücumdur: "Bu, Krım ssenarisinin Belarusda təkrarlanması da deyil. Bu tamam ayrı şeydir. O, Belarusdan keçilərək edilən hücum əməliyyatları üçün lazımdır. Bu, daha çox, Qərb cəbhəsinin güclənməsi ilə əlaqədardır. Yəni Belarusdan keçərək Polşa və Litvaya ediləcək hücum üçün yaradılan imkandır. Ciddi konflikt zamanı Kalininqrada gedəcək dəhlizə ehtiyac yaranacaq. Bu isə oraya ən qısa yoldur. Yəni qoşunlar NATO ilə gərginlik olacağı təqdirdə yaxınlıqda saxlanmalıdır. NATO ilə Rusiya arasında hərbi konfliktin olmayacağını heç kim deyə bilməz. Hər iki tərəf buna hazırlaşır".

Digər rusiyalı ekspert Sergey İvanov da diqqətə çatdırır ki, Rusiya Ukrayna ilə sərhədə hərbi texnika cəlb etməkdə davam edir. Sübut olaraq sosial şəbəkələrdə fotoşəkil paylaşan ekspert hərbi texnikanın Voronej vilayətinin Kantemirovka kəndində yerləşdirildiyini deyib. Qeyd edək ki, Ukrayna prezidenti Pyotr Poroşenko hələ ötən ilin yayında Müstəqillik Günü ilə bağlı Kiyevin mərkəzində keçirilən tədbirdə Donbas-Rusiya-Ukrayna sərhədində 50 mindən artıq rus hərbçisinin olduğunu bildirib. Dövlət başçısı qeyd edib ki, işğal edilmiş ərazilərdə 40 mindən çox rus hərbçisi var və onlardan 9 mini ali hərbi təhsillidir. Poroşenko Donbas hövzəsindəki əməliyyatlara birbaşa olaraq həmin zabitlər tərəfindən rəhbərlik edildiyini deyib. Onun sözlərinə görə, düşmən Ukraynanın içərilərinə birbaşa hərbi müdaxilə ideyasından imtina etməyib.

Belə vəziyyətdə NATO da boş dayanmır. Polşa müdafiə naziri Antoni Maciereviz bildirir ki, NATO Litva, Latviya, Estoniya və Polşaya 4 min hərbçi yerləşdirəcək: "NATO Polşa və Baltikyanı ölkələrdə toplam olaraq 4 min hərbçi yerləşdirəcək. Bu taborlar NATO-nun Şərq qanadında daimi olaraq qalacaq. ABŞ, İngiltərə və Almaniya Şərqi Avropa ölkələrini dəstəkləməkdə davam edəcək. NATO-nun sammitindən sonra bölgəyə 8 min hərbçinin yerləşdiriləcəyi güman edilir". Ümumilikdə, müəyyən müddətdir ki, NATO və Rusiya arasında gərgin münasibətlər hökm sürür. NATO Rusiya ilə Suriya, Ukrayna və digər münaqişə zonalarında üz-üzə gəlir. Bu səbəbdən tərəflər öz mövqelərini bu yerlərdə gücləndirməyə davam edir. Həmçinin, Rusiya və NATO bir-biri ilə silahlanma yarışına girib. Bir müddət əvvəl Rusiyanın müdafiə naziri Sergey Şoyqu bildirib ki, rəsmi Moskva NATO-nun sərhədlərinə yaxınlaşmasına qarşı 3 yeni hərbi diviziya yaratmağı planlaşdırır. Yeni bölüklərin ikisi Rusiyanın Qərb sərhədlərində, biri isə Cənub sərhədlərində qurulacaq. Hərbi bölüklərin bu ilin sonuna kimi yaradılması nəzərdə tutulur. Bölüklərin hər birində 10 min əsgər olacaq və bölüklər avtomatik silahlarla təchiz olunacaq.

Buna cavab olaraq NATO-nun baş katibi Yens Stoltenberq təşkilatın Şərq sərhədlərində batalyonların yerləşdirilməsini təklif edib. Həmçinin, NATO və Rusiya arasında silahlanma rəqabəti gedir. Bir müddət əvvəl Rusiya Kalininqrad vilayətində hərbi qüvvələrini artırıb, orada "İsgəndər-M" operativ-taktiki raketləri və S-400 zenit-raket kompleksləri yerləşdirib. Belə vəziyyətdə NATO rəsmiləri Rusiyaya qarşı kəskin münasibətləri ilə diqqət çəkir. Təşkilatın müttəfiq qüvvələri baş komandiri, general Kurtis Skaparrotti hətta Rusiyaya müharibə xəbərdarlığı edib. O deyib ki, Rusiya təcavüzkar siyasətini davam etdirəcəyi təqdirdə NATO bu ölkəyə qarşı müharibə elan edəcək. Həmçinin, NATO-nun Avropa birləşmiş qüvvələrinin sabiq baş hərbi komandanı, general Filip Bridlav aprelin əvvəlində mətbuata açıqlamasında deyib ki, Putin sərhədi keçərsə, qarşısında bir ölkəni deyil, NATO-nu görəcək.

Tahir TAĞIYEV

DİGƏR XƏBƏRLƏR

Tarix: 11.11.2026 / 16:55

Rusiya və Ukrayna Əbu-Dabidə genişmiqyaslı əsir mübadiləsi barədə razılığa gəldi...

Tarix: 11.11.2026 / 16:45

“KTMT Ermənistanın bu addımına reaksiya verəcək” - Peskov

Tarix: 11.11.2026 / 14:50

Əbu-Dabidə Rusiya, ABŞ və Ukrayna arasında üçtərəfli danışıqlar başa çatdı...

Tarix: 11.11.2026 / 13:53

Bolqarıstanda Lyayenə qarşı etiraz - Avrokomissiya rəhbərinin kortejinə yumurta atıldı

Tarix: 11.11.2026 / 13:19

Dublində Baydenə hücum - keçmiş prezidentə süd paketləri atdılar...

Tarix: 11.11.2026 / 10:29

ABŞ-ın Maliyyə maziri İran təhdidinə görə evindən hərbi bazaya köçdü...

Tarix: 11.11.2026 / 10:07

Ukrayna Rusiyanın Baltik dənizindəki ən böyük limanına hücum etdi...

Tarix: 11.11.2026 / 09:37

Respublikaçılar Pentaqonun rəhbərini impiçment cəhdinin qarşısını aldı – ancaq Demokratlar dayanmayacaq...

Tarix: 11.11.2026 / 08:52

Tramp demokratları Heqsetə qarşı impiçment cəhdlərinə son qoymağa çağırdı

Tarix: 10.11.2026 / 21:22

Ərəb millət vəkilləri İsrailin dövlət himni səsləndirilərkən Knesset zalını tərk etdilər - Mənsur Abbas xaric…

Tarix: 10.11.2026 / 21:02

Fransa supermarketlərində soyuducuları “qaynama dərəcəsinə” çatdıranların kimliyi bəlli oldu - iranlı haker qrupu…

Tarix: 10.11.2026 / 19:43

Fransada daha yaxşı təhsil şəraiti tələb edən şagirdlər məktəbləri mühasirəyə aldılar...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...