Yaxın bir ildə Rusiya-NATO nüvə müharibəsi proqnozu...

Tarix: 01.06.2016 / 02:30
Bölmə: Dünya

"Bu, bəşəriyyətin birdəfəlik məhvi anlamına gələ bilər"

Ramin Məmmədov: "NATO-nun nüvə müharibəsilə təhdid etdiyi ölkə sıradan biri deyil"

Britaniyanın Rusiya üzrə məşhur politoloqu və mütəxəssisi, Kent Universitetinin professoru Riçard Sakva "The Conversation" üçün yazdığı məqaləsində bildirib ki, Qərb oyanmalı və vəziyyəti Rusiya ilə müharibəyə qədər çatdırmamalıdır.

Politoloq qeyd edib ki, Qərb Rusiya ilə hərbi münaqişəyə hərəkət etdiyini dərk etmir. Sakvanın sözlərinə görə, baxmayaraq ki, Avropa Birliyi sülh layihəsi olmalıdır, amma hansısa səbəblərdən Avropanı əhatələyən Ukrayna, Moldova, həmçinin Şimali Afrika və Şərqi Aralıq dənizi ölkələri atəş altındadır.

"Əslində potensial münaqişə ocaqlarından hansında hadisələrin birbaşa qarşıdurmaya keçə biləcəyini demək mümkün deyil", - Sakva şikayətlənir.

O, NATO-nun Rumıniyada bu yaxınlarda hava hücumundan müdafiə bazasını açmasını və ABŞ hərbi gəmilərinin Rusiya sərhədlərindən bir neçə kilometr uzaqlıqda, Baltik və Qara dənizlərdə nümayişkaranə şəkildə keçirdiyi təlimləri xatırladır. Politoloq bildirir ki, Rusiya hərbi ittifaqın bu addımlarını öz təhlükəsizliyinə birbaşa təhdid kimi qəbul edir, cavab olaraq Kalininqrad və ya Krımda nüvə döyüş başlıqlarını yerləşdirməyə hazırlaşdığını göstərir.

Bundan başqa, Rusiya bu il "Prometey" S-500 zenit-raket kompleksini sınaqdan keçirəcək. Kompleks qitələrarası ballistik raketləri, hipersəsli qanadlı raketləri və təyyarələri məhv etməyə qadirdir.

Bəzi Qərb analitikləri hesab edir ki, Rusiya-NATO müharibəsi qaçılmazdır. Sakva Britaniya generalı Aleksander Riçard Şireffin "2017: Rusiya ilə müharibə" kitabına istinad edir. General bu kitabda iddia edir ki, Rusiya Krıma quru dəhlizi açmaq üçün Şərqi Ukraynanı tutacaq, həmçinin Baltikyanı ölkələrə hücum edəcək.

Britaniya analitiki qeyd edir ki, bu cür ağılsız fantaziyalar NATO nümayəndələrinin düşüncəsində möhkəm kök salıb. O, həmçinin, 2016-cı ilin fevralında BBC-də göstərilən filmi xatırladır. Filmdə Rusiyanın Latviyaya hücumunun hipotetik ssenarisi işlənmişdi. Sakvanın fikrincə, Rusiyanın təcavüzü haqqında fikirlər vəziyyəti yalnız ağırlaşdırır.

Riçard Sakva Rusiyanın dünyada nüvə silahının ən böyük arsenalına malik super dövlət olduğunu xatırladıb və bildirib ki, bu arsenal Qərb silahlı qüvvələri üçün sadəcə əlçatmazdır.

"Sanksiyaların sonsuz uzadılması və günah keçisinin axtarışı hətta ən kiçik hadisəni asanlıqla nəzarətdən çıxara bilər. Bizim nəslimiz hər şeyi etməlidir ki, bu heç vaxt baş verməsin", - Sakva yekunlaşdırır.

"EAdaily"yə istinadən xəbərə görə, texnikadan əlavə, Estoniya, Latviya və Litvaya min nəfərə yaxın hərbçi yerləşdirilməsi də planlaşdırılır. Məsələnin konkret həllini isə NATO-nun iyulda baş tutacaq Varşava Sammitində tapacağı xəbər verilir. Nəşrin xəbərində o da bildirilir ki, Alyans eyni zamanda Şərqi Avropada tank və digər texnikaların anbarını yerləşdirməyi düşünür.

Qeyd edək ki, Estoniyanın baş naziri Taavi Rıyvas mayın 27-də bəyan edib ki, Rusiyanın təhdid edilməsi "yeni normallıq" olmalıdır. Baş nazirin fikrincə, Baltikyanı ölkələrin hər birinə Alyansın minimum bir batalyonu yerləşdirilməlidir. Ondan iki gün öncə isə Rusiya XİN başçısı Sergey Lavrov ölkəsinin sərhədləri yaxınlığında NATO-nun möhkəmlənməsinə laqeyd qalmayacaqlarını bəyan edib.

Öz növbəsində, Avropadakı NATO qoşunlarının ali baş komandanı Riçard Şireff bəyan edib ki, bir il ərzində Rusiya ilə nüvə müharibəsi başlaya bilər. Britaniyalı general əmindir ki, Moskva öz aqressiyasını Baltikyanı ölkələrə daşımaqda qərarlıdır.

NATO-nun Rusiyaya ünvanlanan nüvə təhdidi nəyə hesablana bilər?

Ekspert Ramin Məmmədov qəzetimizə açıqlamasında bildirdi ki, bu psixoloji hücumdan başqa bir şey deyil: "NATO-nun nüvə müharibəsilə təhdid etdiyi ölkə sıradan biri deyil. Həmin nüvə başlıqlarına malik olan ən böyük dövlətlərdən biridir. Sadəcə, NATO görür ki, Rusiyanın heç bir vasitə ilə qarşısını almaq mümkün olmadı. Həmçinin Rusiya NATO-nun Şərqə doğru genişlənməsi planına qarşı çıxır və ciddi müqavimət göstərir. Ukraynada baş verənlər məhz bu qəbildən olan hadisə idi. Rusiya NATO-ya açıq mesaj verdi ki, onun ətrafı ilə zarafat etmək olmaz. Hazırda Baltikyanı ölkələrin təhlükəsizliyinin qorunması adı ilə NATO Rusiya ilə sərhədə özünə lazım olan silahları yerləşdirmək istəyir. Təbii ki, Rusiya buna maneçilik törətmək istəyir. Bu səbəbdən də əsəblər tarıma çəkilib. NATO bilir ki, Rusiyanı nüvə təhdidilə qorxutmaq mümkün deyil. Ümumiyyətlə hansısa tərəfin buna gedəcəyi də inandırıcı görünmür. Sadəcə tərəflər bir-birilə bağlı psixoloji üstünlük əldə etməyə çalışır. Nüvə müharibəsinə heç kim getməz. Bu, bəşəriyyətin birdəfəlik məhvi anlamına gələ bilər".

Məhəmmədəli QƏRİBLİ

DİGƏR XƏBƏRLƏR

Tarix: 26.09.2026 / 16:17

Pezeşkian İranın 60 faiz zənginləşdirilmiş uranı yenidən "qarışdırmağa" hazır olduğunu bildirdi...

Tarix: 26.09.2026 / 15:56

Tramp Zelenskiyə Moskvaya get demədi, rədd cavabı da almadı...

Tarix: 26.09.2026 / 08:50

Tramp CNN jurnalistlərini yenə “bortdan kənarda” qoydu - məhkəmə qərarına rəğmən…

Tarix: 25.09.2026 / 23:11

Türkiyə Səudiyyə-Husi savaşına qoşulacaq? – Ərdoğan “məcbur deyilik” dedi, ancaq…

Tarix: 25.09.2026 / 14:25

Rusiya Kiyevdə Ali Ədliyyə Şurasının binasını vurdu… - FOTO

Tarix: 25.09.2026 / 13:45

Ukraynanın dron zərbələri Rusiyanın daha bir neft zavodunu iflic etdi…

Tarix: 25.09.2026 / 13:32

Vaşinqton Ukrayna-ABŞ-Rusiya danışıqlarının BƏƏ-də keçirilməsini təklif etdi…

Tarix: 25.09.2026 / 10:38

Xəzərdə itkin düşən daha iki qazax hərbçinin meyiti tapıldı...

Tarix: 24.09.2026 / 23:37

İran qonşu ölkələrdəki hava limanlarını bağlamaqla hədələdi - ABŞ-a qoşulsalar...

Tarix: 24.09.2026 / 17:40

Peskov növbəti dəfə Ermənistana çağırış etdi - AİB və Aİ ilə bağlı qərarınızı verin…

Tarix: 24.09.2026 / 14:14

Xəzər dənizində təlim zamanı 9 Qazaxıstan hərbçisi həlak oldu

Tarix: 24.09.2026 / 14:09

Ukrayna Aİ-nin sanksiya siyahısına Usmanov və Fridmanın yerinə başqa iki rus oliqarxın salınmasını təklif etdi - Lisin və Potanin…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.09.2026 / 18:37

1500 il alban patriarxlığının iqamətgahı olmuş yerləri ermənilər necə mənimsəyə bilər?!...

Tarix: 24.09.2026 / 16:09

Azərbaycan mədən sənayesini yenidən qurur - qızıl, mis, dəmir...

Tarix: 24.09.2026 / 15:15

İrəvana gedən azərbaycanlı ekspertlər düşmən hesab edildi.... Fakt...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır