Avroittifaq Ermənistanın 15 milyon avro iştahasını ciddi bir əsasla söndürdü...

Tarix: 18.05.2016 / 02:38
Bölmə: Dünya

Günel Fərhadqızı: "Avropa Birliyinin Ermənistana bu pulun verilməsindən imtina etməsi doğru qərardır"
"Ermənistanda mövcud iqtisadi, siyasi və sosial durum ölkə əhalisi arasında ciddi narazılığa səbəb olacaq"
Avropa Birliyi (AB) ölkələri Ermənistana əvvəlcədən razılaşdırılmış 15 milyon avronu verməkdən imtina edib. AB təmsilçiləri razılaşmanın pozulmasını Ermənistanda "korrupsiyaya qarşı real mübarizənin olmaması" ilə əsaslandırsa da, ölkə rəhbərliyinin təmsilçiləri Avropanın bu addımının Qarabağ münaqişəsi ilə əlaqəli olduğunu bildirir.
Avropa ölkələrinin bu qərarını AB-nin Ermənistandakı səfiri Pyotr Svitalski dünən İrəvanda korrupsiya və vətəndaşın ictimai-siyasi həyatda iştirakı ilə bağlı keçirilmiş "Hökumət-vətəndaş cəmiyyəti" forumu çərçivəsində elan edib: "Biz əminik ki, Ermənistan vətəndaşları da hökumətdən real fəaliyyət və nəticələr gözləyir. Biz hakimiyyət üçün vəsait ayırdıq, onlar hələ paylanmayıb və istifadə edilməyib. Bundan əlavə, əgər biz konkret addımlar görməsək, həmin pullar son ünvana çatmayacaq".
Avropalı diplomat Ermənistan baş naziri Ovik Abramyanın Ermənistan iqtisadiyyatında inhisarçılığın rolunun güclənməsi barədə etdiyi çıxışı xatırladıb. Mayın 12-də hökumət iclasında çıxış edən Ermənistan baş naziri dördgünlük aprel döyüşlərinin ölkənin problemlərini ortaya çıxardığını bildirib. Ovik Abramyan həmin problemlər sırasında korrupsiyaya qarşı mübarizənin yetərincə olmamasını, ordunun çağdaş tələblərə cavab verməməsini və s. bildirib, Pyotr Svitalski də Ermənistanda korrupsiyaya qarşı mübarizənin yetərincə olmamasını göstərmək üçün baş nazirin bu çıxışına istinad edib.
Lakin Ermənistan rəsmiləri Pyotr Svitalskinin əsas kimi göstərdiyi bu arqumentlə razılaşmır. Elə Ovik Abramyanın rəhbərliyi ilə ötən il yaradılmış korrupsiya ilə mübarizə şurasının adının açıqlanmasını istəməyən üzvü Rusiyanın "Kolokol Rossii" portalına bildirib ki, Avropa Birliyinin kreditdən imtinasının kökündə Ermənistan parlamentində Dağlıq Qarabağın "müstəqilliyi"nin tanınması məsələsinin qaldırılması, həmçinin Ermənistan silahlı qüvvələrinin Qarabağ münaqişəsində iştirakı durur. Yəni Avropa Birliyi Ermənistanın bu addımlarına qarşı çıxır.
Maraqlıdır ki, həmin tədbirdə korrupsiyaya qarşı mübarizə üzrə beynəlxalq "Transparency İnternational" təşkilatının nümayəndəsi Varujan Oktanyan da çıxış edərək aprel döyüşlərindən danışıb: "Əgər belə davam edəcəksə, bu, dövlət müstəqilliyinin itirilməsi ilə nəticələnəcək. Aprel müharibəsi bunu göstərdi".
Bütün bunlar göstərir ki, hətta Azərbaycanla soyuq münasibətləri olan beynəlxalq təşkilatlar Ermənistanın Dağlıq Qarabağda apardığı işğalçı siyasətə qarşı çıxır. Bu mövqe aprel döyüşləri günlərində Ermənistan prezidenti Serj Sarkisyanı qəbul etmiş Almaniya kansleri Angela Merkel tərəfindən də səsləndirilib. Merkel münaqişənin Azərbaycanın ərazi bütövlüyü çərçivəsində nizamlanmasının vacib olduğunu bildirib.
Ermənistanla bağlı qəbul edilən qərar barədə ekspertlər nə düşünür?
İqtisadçı Günel Fərhadqızı qəzetimizə açıqlamasında bildirdi ki, bu doğru və zamanında verilmiş qərardır: "Ermənistan nəinki korrupsiyalaşmış ölkədir, həm də terrorizmin maliyyələşdirilməsi sahəsində də öndə gedən ölkələrdəndir. Bu ölkədə korrupsiyadan əlavə maliyyə cinayətkarlığı və "çirkli pullar"ın yuyulması halları son zamanlar artıb. Bu baxımdan Qərb tərəfindən verilməsi nəzərdə tutulan və ya veriləcək vəsaitin təyinatı və məqsədi üzrə xərclənib-xərclənməməsi məsələsi gündəmə gələcək, bu zaman ayrılacaq və köçürüləcək vəsaitin cinayətkarlıq və terrorizm üçün sərf edilməməsinə nəzarət də gücləndirilməlidir. Nəzərə alsaq ki, aprel ayında Dağlıq Qarabağ ərazisində baş verən müharibə Ermənistan iqtisadiyyatına güclü mənfi təsir göstərib, ölkənin büdcəsində xərclər növbədənkənar olaraq artıb, ölkə risqi, likvidlik risqi, ölkənin nüfuz risqi və ölkənin idarəedicilərinin sağlam olmayan qərar və çıxışlarına görə idarəetmə və nəzarət risqi, iqtisadi risqlər, digər maliyyə və qeyri-maliyyə risqləri var, onda Avropa Birliyinin Ermənistana bu pulun verilməsindən imtina etməsi doğru qərardır. İndiki zamanda Ermənistan bu pula silah ala, atom elektrik stansiyasında işlərini davam etdirə, kütləvi qırğın silahı hazırlaya, terrorizmi dəstəkləyə bilər. Ona görə də vəsaitin onlara verilməməsini ölkəmizin bir uğuru kimi qiymətləndirmək olar.
Düşünürəm ki, Ermənistanda mövcud iqtisadi, siyasi və sosial durum ölkə əhalisi arasında ciddi narazılığa səbəb olacaq".
Məhəmmədəli QƏRİBLİ

DİGƏR XƏBƏRLƏR

Tarix: 26.09.2026 / 16:17

Pezeşkian İranın 60 faiz zənginləşdirilmiş uranı yenidən "qarışdırmağa" hazır olduğunu bildirdi...

Tarix: 26.09.2026 / 15:56

Tramp Zelenskiyə Moskvaya get demədi, rədd cavabı da almadı...

Tarix: 26.09.2026 / 08:50

Tramp CNN jurnalistlərini yenə “bortdan kənarda” qoydu - məhkəmə qərarına rəğmən…

Tarix: 25.09.2026 / 23:11

Türkiyə Səudiyyə-Husi savaşına qoşulacaq? – Ərdoğan “məcbur deyilik” dedi, ancaq…

Tarix: 25.09.2026 / 14:25

Rusiya Kiyevdə Ali Ədliyyə Şurasının binasını vurdu… - FOTO

Tarix: 25.09.2026 / 13:45

Ukraynanın dron zərbələri Rusiyanın daha bir neft zavodunu iflic etdi…

Tarix: 25.09.2026 / 13:32

Vaşinqton Ukrayna-ABŞ-Rusiya danışıqlarının BƏƏ-də keçirilməsini təklif etdi…

Tarix: 25.09.2026 / 10:38

Xəzərdə itkin düşən daha iki qazax hərbçinin meyiti tapıldı...

Tarix: 24.09.2026 / 23:37

İran qonşu ölkələrdəki hava limanlarını bağlamaqla hədələdi - ABŞ-a qoşulsalar...

Tarix: 24.09.2026 / 17:40

Peskov növbəti dəfə Ermənistana çağırış etdi - AİB və Aİ ilə bağlı qərarınızı verin…

Tarix: 24.09.2026 / 14:14

Xəzər dənizində təlim zamanı 9 Qazaxıstan hərbçisi həlak oldu

Tarix: 24.09.2026 / 14:09

Ukrayna Aİ-nin sanksiya siyahısına Usmanov və Fridmanın yerinə başqa iki rus oliqarxın salınmasını təklif etdi - Lisin və Potanin…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.09.2026 / 18:37

1500 il alban patriarxlığının iqamətgahı olmuş yerləri ermənilər necə mənimsəyə bilər?!...

Tarix: 24.09.2026 / 16:09

Azərbaycan mədən sənayesini yenidən qurur - qızıl, mis, dəmir...

Tarix: 24.09.2026 / 15:15

İrəvana gedən azərbaycanlı ekspertlər düşmən hesab edildi.... Fakt...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır