Baltik dənizində Rusiya və ABŞ arasında hərbi gərginliyin dərəcəsi qalxdı...

Tarix: 19.04.2016 / 01:49
Bölmə: Dünya

Son günlərdə Baltik dənizində Rusiya və ABŞ arasında hərbi müstəvidə baş verən insidentlərin sayı sürətlə artır. Artıq belə fikirlər də səslənir ki, hadisələrin gedişi tərəflərin bir-birinə qarşı hərbi əməliyyatlara başlamasını tezləşdirə bilər. Bu arada Pentaqon məlumat yayıb ki, Baltik dənizində Rusiyanın döyüş təyyarələri kəşfiyyat uçuşu həyata keçirən ABŞ təyyarəsinə aqressiv münasibət göstərib. Məlumatda deyilir ki, ABŞ təyyarəsi Rusiyanın hava ərazisinə daxil olmayıb.

Ancaq Rusiyanın döyüş təyyarələri nizamsız və aqressiv şəkildə Amerika ordusuna aid təyyarənin 15 metrliyinə qədər yaxınlaşıb. Amerika rəsmiləri baş verənlərin təhlükəli olduğunu bildirib.

Xatırladaq ki, bir neçə gün əvvəl də Rusiyanın Baltik donanmasının "Su-24M/MR" bombardmançı-kəşfiyyatçıları Amerikanın "Donald Cook" eskadra minadaşıyanı ətrafında dövrə vurub. Ağ Evin nümayəndəsi Coş Ernest Vaşinqtonda brifinq zamanı bəyan edib ki, ABŞ aministrasiyası Rusiya qırıcılarının Baltik dənizində Amerikanın eskadra minadaşıyanı "Donald Cook" ətrafında dövrə vurmalarından xəbərdardır və bunu hərbi davranış qaydalarına müvafiq hesab etmir: "Bu, beynəlxalq su və hava məkanında bir-birinə yaxın məsafədə yerləşən hərbi qüvvələrin peşəkar normalarına müvafiq deyil". Daha öncə ABŞ silahlı qüvvələrinin Avropa komandanlığı Rusiyanın qeyri-peşəkar və təhlükə doğuran hava manevrlərinə dair dərin narahatlığını bildirdiyi ilə bağlı bəyanat vermişdi: "Bu əməliyyat lazım olmadığı halda ölkələr arasında gərginliyi artıra və insanların yaralanması və ölümü ilə bitən hadisələrin meydana gəlməsinə gətirib çıxara bilər". Dövlət katibi Con Kerri isə deyib ki, ABŞ hərbçiləri Baltik dənizindəki hərbi gəmilərdən birinə çox yaxın uçan rus təyyarələrini vurmaq hüququna malik olsa da, bunu etməyib: "Bu düşüncəsizlikdir. Bu təxribatdır. Bu qorxuludur. Həm də hərbi əməliyyatların aparılma qaydalarına görə onlar səmada vurula bilərdi". O əlavə edib ki, ABŞ açıq dənizdə kiməsə hədə-qorxu gəlmək istəmir və bu cür təhlükəli jestlə bağlı Rusiyaya mesaj göndərilib. Lakin bütün bunlardan sonra Rusiyanın döyüş təyyarələrinin kəşfiyyat uçuşu həyata keçirən ABŞ təyyarəsinə aqressiv münasibəti tərəflərin uzlaşmasını ciddi sual altına alır. İsveçin müdafiə naziri Mixael Bayden isə hesab edir ki, baş verənlər fonunda Baltik dənizində ABŞ ilə Rusiya və beləliklə, Rusiya ilə NATO arasında müharibə başlaya bilər. Onun sözlərinə görə, bölgədə NATO və Rusiya hərbi gücünü artırmaq istiqamətində sürətli addımlar atmaqdadır: "Buna görə də bölgədə NATO-Rusiya müharibəsi gözləniləndir. Bu, bölgə ölkələri ilə yanaşı, İsveçə də təsir edəcək. Müharibə Rusiyanın təşviqedici addımlarına görə başlaya bilər. Son dövrlər Baltik dənizi üzərində uçuşlar edən Rusiya təyyarələri İsveçə qarşı təhlükəli manevrlər edirlər. Bunu qəbul etmək çətindir. Niyə belə etdiklərini də anlaya bilmirik".

Onu da qeyd edək ki, Ukrayna hadisələri fonunda Baltikyanı ölkələrdə hərbi büdcənin artırılması istiqamətində çağırışlar edilir. Ukraynadan sonra Rusiyanın növbəti hədəflərindən birinin Baltikyanı ölkələr olacağı barədə narahatlıq ifadə olunur. Rusiya Dövlət Dumasının deputatı İlya Ponomaryov da bu günlərdə iddia etmişdi ki, Baltikyanı ölkələr Rusiyanın təcavüzkar xarici siyasətinin növbəti hədəfi ola bilər. Ponomaryov vurğulayıb ki, "hibrid müharibə" başlanacağı halda Rusiya diqqəti bu ölkələrdəki rusdilli əhaliyə yönəldəcək. Bu baxımdan deputat qeyd edib ki, Baltikyanı ölkələrdə belə əhali mövcuddur.

Bu durumda NATO Baltikyanı ölkələrə, həmçinin Şərqi Avropa və Cənubi Avropa dövlətlərinə Rusiyanın genişmiqyaslı müdaxiləsindən ehtiyat edir. Bununla əlaqədar olaraq Estoniya, Latviya, Litva, Polşa, Rumıniya və Bolqarıstanda NATO-nun əlavə hərbi bölmələrinin yerləşdirilməsi planlaşdırılır. ABŞ Müdafiə Nazirliyi isə 2016-cı ildə Avropada güclərin genişləndirilməsinə 3,4 milyard dollar xərcləməyi planlaşdırır. Amerika məmurlarının sözlərinə görə, Avropada orduya ayrılan maliyyənin artırılması ABŞ-ın NATO-dakı partnyorlarına sədaqətinin nümayişi üçün nəzərdə tutulub.

Bu arada isə Estoniya ordusu ABŞ-dan "Javelin" tank əleyhinə raket kompleksləri alıb. Döyüş sursatlarının dəyəri 33 milyon dollar təşkil edir və çatdırılma ABŞ tərəfindən maliyyələşdirilib. Estoniyaya verilən "Javelin Block-1" tipli raketlər "Javelin"in əvvəlki modelləri ilə müqayisədə ən böyük sürətə və dağıdıcı gücə malikdir. İddialara görə, bu və digər addımlarla Rusiyanın mümkün hücumuna hazırlıq görülür.

Tahir TAĞIYEV

DİGƏR XƏBƏRLƏR

Tarix: 26.09.2026 / 16:17

Pezeşkian İranın 60 faiz zənginləşdirilmiş uranı yenidən "qarışdırmağa" hazır olduğunu bildirdi...

Tarix: 26.09.2026 / 15:56

Tramp Zelenskiyə Moskvaya get demədi, rədd cavabı da almadı...

Tarix: 26.09.2026 / 08:50

Tramp CNN jurnalistlərini yenə “bortdan kənarda” qoydu - məhkəmə qərarına rəğmən…

Tarix: 25.09.2026 / 23:11

Türkiyə Səudiyyə-Husi savaşına qoşulacaq? – Ərdoğan “məcbur deyilik” dedi, ancaq…

Tarix: 25.09.2026 / 14:25

Rusiya Kiyevdə Ali Ədliyyə Şurasının binasını vurdu… - FOTO

Tarix: 25.09.2026 / 13:45

Ukraynanın dron zərbələri Rusiyanın daha bir neft zavodunu iflic etdi…

Tarix: 25.09.2026 / 13:32

Vaşinqton Ukrayna-ABŞ-Rusiya danışıqlarının BƏƏ-də keçirilməsini təklif etdi…

Tarix: 25.09.2026 / 10:38

Xəzərdə itkin düşən daha iki qazax hərbçinin meyiti tapıldı...

Tarix: 24.09.2026 / 23:37

İran qonşu ölkələrdəki hava limanlarını bağlamaqla hədələdi - ABŞ-a qoşulsalar...

Tarix: 24.09.2026 / 17:40

Peskov növbəti dəfə Ermənistana çağırış etdi - AİB və Aİ ilə bağlı qərarınızı verin…

Tarix: 24.09.2026 / 14:14

Xəzər dənizində təlim zamanı 9 Qazaxıstan hərbçisi həlak oldu

Tarix: 24.09.2026 / 14:09

Ukrayna Aİ-nin sanksiya siyahısına Usmanov və Fridmanın yerinə başqa iki rus oliqarxın salınmasını təklif etdi - Lisin və Potanin…

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.09.2026 / 18:37

1500 il alban patriarxlığının iqamətgahı olmuş yerləri ermənilər necə mənimsəyə bilər?!...

Tarix: 24.09.2026 / 16:09

Azərbaycan mədən sənayesini yenidən qurur - qızıl, mis, dəmir...

Tarix: 24.09.2026 / 15:15

İrəvana gedən azərbaycanlı ekspertlər düşmən hesab edildi.... Fakt...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır