Alman-Amerika müdafiə şirkəti Auterion və onun Ukrayna tərəfdaşı Bavariyanın Münhen bölgəsində Ukrayna ordusu üçün hücum dronlarının kütləvi istehsalına başlayıb. Almaniyanın Ukraynaya yardımının bir hissəsi olaraq, şirkət iki model pilotsuz uçuş aparatı istehsal edəcək: biri orta mənzilli, digəri isə 1500 kilometrə qədər uzun mənzilli.
Zavod Almaniya hökumətinin sifarişi çərçivəsində 5000-dən çox döyüş dronunun istehsalını planlaşdırır. Ümumi dəyərin təxminən 300 milyon avro olduğu təxmin edilir. Sifarişin 2027-ci ilin ortalarına qədər tamamlanması gözlənilir. İlk partiya artıq istehsal olunub.
Birgə müəssisə 2026-cı ilin fevral ayında yaradılıb. Onun adı və dəqiq yeri, eləcə də istehsal edilən dronların adları açıqlanmayıb. Münhen zavodundan əlavə, istehsal Almaniyanın şərqindəki başqa bir müəssisədə də planlaşdırılır.
DPA mənbələri iddia edir ki, dronlar süni intellektlə təchiz olunacaq və bu intellekt elektron müharibə avadanlığı olduqda belə, dronu hədəfə doğru istiqamətləndirəcək.
Tahir TAĞIYEV
