Çeçenistan Respublikasında Rusiya Federasiyasının gerbinin üzərində pravoslav xaçların rəngləndiyini göstərən videoyazı qalmaqalla nəticələnib. Hadisə Çeçenistan rəhbərinin oğlu, 17 yaşlı Adəm Kadırova Axmat-Qroznı OMON-unun 25 illiyi şərəfinə xatirə medalının təqdim edilməsi mərasimi zamanı baş verib. Bu vəziyyət sosial şəbəkələrdə qızğın müzakirələrə səbəb olub və regionda dövlət rəmzlərinə və dini kimliyə riayət olunması ilə bağlı suallar doğurub. Məlum olduğu kimi, mükafatlandırma mərasimi 2025-ci il mayın 12-də Qroznıda baş tutub. Hansı ki, mərasimdə 2023-cü ilin noyabrından Çeçenistan rəhbərinin təhlükəsizlik departamentinin rəhbəri vəzifəsini tutan Adəm Kadırov bölmənin inkişafındakı xidmətlərinə görə medal alıb. Respublika rəhbərinin dərc etdiyi kadrlarda medalın Rusiya gerbinin təsvir olunduğu, lakin ikibaşlı qartalın taclarında xaçların əks olunduğu kərpicdən tikilmiş binanın fonunda təqdim edildiyi görünür. Lenta.ru xəbər verir ki, tənqid dalğasına səbəb olan bu detalı ilk olaraq internet istifadəçiləri görüblər. Adəm Kadırovun gənc olmasına baxmayaraq, artıq mükafatlarının yetərincə siyahısı var. RBC-nin məlumatına görə, 2023-cü ilin oktyabrında o, Çeçenistan Respublikasının Qəhrəmanı adına layiq görülüb, 2024-cü ilin avqustunda isə regionun ən yüksək mükafatı olan Axmat Kadırov ordeni ilə təltif edilib. Onun meteorik karyerası 2023-cü ilin sentyabrında Quranı yandırmaqda ittiham olunan Nikita Juraveli istintaq təcridxanasında döyməsi ilə bağlı səs-küylü insidentdən sonra başlayıb. Ramzan Kadırov oğlunun cəmiyyətdə bir mənalı qarşılanmayan reaksiyaya səbəb olan hərəkətini açıq şəkildə təqdir edib.
Surxay Əliyev
