Dövlət Departamenti ABŞ Prezidenti Donald Trampın Yaxın Şərqə səfəri ərəfəsində Birləşmiş Ərəb Əmirliklərinə (BƏƏ) təxminən 1,4 milyard dollar dəyərində silah satışına icazə verib. ABŞ Dövlət Departamentinin rəsmi açıqlamasında deyilir ki, BƏƏ 1,32 milyard dollara “6 CH-47F Chinook” helikopteri, həmçinin təxmini dəyəri 130 milyon dollar olan F-16 qırıcıları üçün ehtiyat hissələri almaq istəyir.
Dövlət Departamenti BƏƏ-yə təklif olunan satışlarla bağlı tələb olunan sənədləri ABŞ Konqresinə təqdim etdiyini və bu sənədlərin “vacib regional tərəfdaşın təhlükəsizliyini gücləndirməyə kömək etməklə ABŞ-ın xarici siyasətini və milli təhlükəsizliyini dəstəkləyəcəyini” bildirib. ABŞ Prezidenti mayın 13-dən 16-dək Səudiyyə Ərəbistanı, Qətər və BƏƏ-yə səfər etməyi planlaşdırır.
Mətləb Salahov
