“İnsan Hüquqları və Qanunçuluğun Müdafiəsi” İctimai Birliyi Azərbaycan Respublikasının Prezidenti Yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Regionların sosial-iqtisadi inkişafında qadın sahibkarlığının rolunun artırılmasına dair müzakirələrin təşkili” adlı layihə həyata keçirib.
Layihə 5 ay müddətində həyata keçirilib. Layihənin məqsədi regionlarda yaşayan qadınların liderlik bacarıqlarının inkişaf etdirilməsi, sahibkarlıq fəaliyyəti sahəsində maarifləndirilməsi yolu ilə onların regionların sosial-iqtisadi həyatında rollarının artırılmasına köməklik etmək olub. Layihə çərçivəsində Masallı, Astara və Abşeron (Mehdiabad k-d) rayonlarında seminarlar keçirilib.
Tədbirlərdə regionda yaşayan , sahibkarlıq fəaliyyəti olan və yeni sahibkar olmaq istəyən qadınlar, bələdiyyə üzvləri , icra, QHT və KİV nümayəndələri iştirak edib.
Seminarlar 2 mövzu üzrə aparılıb. Liderlik və sahibkarlıq.
Tədbirlərin keçirildiyi rayonlar
6 sentyabr 2019-cu il - Abşeron rayonu Mehdiabad kəndində keçirilən tədbirə sahibkarlarla yanaşı bələdiyyə və təhsil işçiləri qatılıblar. Tədbiri layihə rəhbəri Səltənət Qocamanlı açıb.
Ekspert, hüquq müdafiəçisi Novella Cəfəroğlu qadın sahibkarlığın inkişafı ilə bağlı görülməsi zəruri olan işlər barədə danışıb. Tədbirin təlimçisi Nabat Qəniyeva tədbir iştirakçılarını video slayd vasitəsilə bilgiləndirib.
26 sentyabr 2019-cu il - Şamaxı şəhərində keçirilən tədbirdə gənc sahibkarlarla yanaşı, müxtəlif təbəqəni əhatə edən qadınlar da iştirak ediblər. Tədbiri Şamaxı rayon İcra Hakimiyyətinin Humanitar şöbəsinin rəhbəri Pərvin Hacıyeva açıb. Sonra layihənin təşkilatçılarından olan Nabat Qəniyeva donor və layihə haqda məlumat verib.
Ardınca iştirakçılara qadın sahibkarlığın inkişafı üçün vacib olan amillər, real durum və perspektivlər barədə video görüntülər vasitəsilə geniş məlumat verilib.
Qadınlar Vergi Məcəlləsində edilən son dəyişikliklər barədə məlumatlandırılıblar. Müzakirələrlə bağlı keçirilən tədbirdə iştirakçıların çoxsaylı sualları cavablandırılıb.
30 avqust 2019-cu il - Masallı rayonunda yerləşən eyniadlı otelin akt zalında növbəti tədbir keçirilib. Tədbirdə müxtəlif sahibkarlıq fəaliyyətilə məşğul olan qadınlar iştirak ediblər. Tədbirə bələdiyyə üzvləri də qatılıblar. Tədbiri layihənin rəhbəri Səltənət Qocamanlı açaraq ölkədə qadın sahibkarlığın inkişafına mane olan amillər, problemlər və onların həlli yolları barədə geniş çıxış edib.
Layihənin eksperti, hüquq müdafiəçisi Novella Cəfərova iştirakçılara mövzu ilə bağlı bilgilər verməklə yanaşı , onları maraqlandıran sualları cavablandırıb. Tədbirin təlimçisi Nabat Qəniyeva iştirakçıları müvafiq mövzular üzrə məlumatlandırıb.
31 avqust 2019-cu il - Astara rayonunda Şindan otelinin akt zalında keçirilən tədbirdə təçrübəli sahibkarlarla yanaşı sahibkarlığa yeni başlayan və yaxın gələcəkdə bu sahə ilə məşğul olmaq arzusunda olan qadınlar da iştirak edib. Eyni zamanda bələdiyyə sədrləri və üzvləri də tədbirə qatılıblar.
Tədbiri layihənin rəhbəri Səltənət xanım Qocamanlı açdı. Tanışlıqdan sonra tədbirdə ictimai əsaslarla ekspert olan hüquq müdafiəçisi Novella Cəfərova iştirakçılara mövzu ilə bağlı bilgilər verməklə yanaşı , onları maraqlandıran suallara cavab verib. Tədbirin təlimçisi Nabat Qəniyeva iştirakçıları sahibkarlığa aid mövzular üzrə bilgiləndirib.
Tədbirin sonunda S. Qocamanlı və N. Cəfərova iştirakçılara öz tövsiyyələrini verdilər.Onlar qadınları güclü olmağa , bələdiyyə seşkilərində fəal iştirak etməyə , rayonun iqtisadi həyatında aktiv iştiraka səslədilər.
Sonda iştirakçılar qiymətləndirmə üçün anket sorğu vərəqələrini doldurdular.
