Azərbaycan "Maarifçi Qadınlar" İctimai Birliyi dövlət qeydiyyatına alındığı 2013-cü ildən etibarən təhsili millətin bu günü, sabahı, ümumiyyətlə gələcəyi hesab edərək ardıcıl layihələr həyata keçirir.
Birliyin təhsil sahəsində hər il həyata keçirdiyi layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən maliyyələşir.
2019-cu ildə "Maarifçi Qadınlar" İctimai Birliyi "Türkiyədə yaşayan, Azərbaycan vətəndaşı olan əməkçi miqrantların təhsildən kənarda qalan məktəbyaşlı uşaqlarının təhsilə cəlb edilməsi" adlı layihənin qalibi olub.
Layihə ilə bağlı "Qüvvət elmdədir, başqa cür keç kəs heç kəsə üstünlük eyləyə bilməz" adlı ilk tədbir də bu ilin 25 may tarixində Sultanqazidə yaşayan vətəndaşlarımız üçün keçirilib. Tədbirdə 30-dan artıq vətəndaşımız iştirak edib.
İkinci tədbir mayın 26-daQaradəniz məhəlləsində yaşayan vətəndaşlarımız üçün keçirilib. Onların bir qrupu (30 nəfərdən artıq) saat 15:00-da toplantıya qatılıb, digər 30 nəfərdən artıq bir qrup isə iş saatları ilə əlaqədar olaraq saat 17:00-da toplaşıb. 26 mayda 60-a yaxın Azərbaycan vətəndaşı aidiyyəti üzrə maarifləndirilib.
Layihə ilə əlaqəli üçüncü toplantı 01 iyun 2019-cu il tarixdə Bayrampaşa bələdiyyəsinin toplantı salonunda keçirilib. Tədbirdə əsasən Bayrampaşa mərkəz və Qartaltəpədə yaşayan 100-ə yaxın vətəndaşımız iştirak edib.
Keçirilən tədbirlərin hər birində məqsəd Vətəndən ayrı düşmüş, qardaş Türkiyə Cumhuriyyətində əmək fəaliyyəti ilə məşğul olan vətəndaşlarımızın təhsil almaq imkanından məhrum olmuş məktəb yaşlı uşaqlarını təhsilə cəlb etmək idi.
Layihə rəhbəri, " Maarifçi Qadınlar" İctimai Birliyinin sədri Şərqiyyə Məmmədova hər üç tədbirdə soydaşlarımıza çağırış edib: "Ən dəyərli varlığımız olan, Vətənimzin və millətimizin gələcəyi hesab etdiyimiz balalarımızın təhsilə cəlb edilməsi üçün hər bizimiz axtarışda olaq, birlikdə onların qaranlıq həyatına işıq verək." O əlavə edib ki, əvvəlki illərdə olduğu kimi, məktəb yaşlı uşaqlarımızın təhsilə cəlb edilməsi üçün soydaşlarımızdan ibarət təşəbbüs qrupları yaradılıb. Ş.Məmmədova da bildirib ki, millətimizin, dövlətimizin gələcəyi, qurucuları olan məktəbyaşlı uşaqları təhsilə cəlb etmək üçün, təkcə layihə çərçivəsində deyil, il boyu fəaliyyətlərini davam etdirirlər və bu fəaliyyət nəticəsində 500-ə yaxın soydaşımız təhsilə cəlb edilib, davamlı olaraq da cəlb edilməkdədir.
Namiq QULİYEV
.jpg)
