17/08/2019 15:42
728 x 90

“MilliÖn” aparatları “Bakı Kart” üçün ödənişlərində vətəndaşlara fırıldaq gəlir

“Müştəri şikayətində haqlıdırsa, məbləğ ona geri ödənilir”

img

Metro və bəzi avtobusların ödənişi "Bakı Kart" vasitəsilə həyata keçirilir. İnsanlar karta ödəniş yükləmək üçün ya metro stansiyalarında olan terminallardan, ya da şəhərin müxtəlif ərazisində quraşdırılan “MilliÖn” aparatının xidmətindən istifadə edirlər. Ancaq şəhərin müxtəlif ərazilərində quraşdırılan “MilliÖn” terminallarından “Bakı Kart”a hər zaman gedişhaqqı yükləmək mümkün olmur. Belə ki, şəhərin bəzi ərazilərində qurulan "Bakı Kart" terminallarında tez-tez problemlər yaranır.

Bəzən sərnişinlər “Bakı Kart”a ödəniş edərkən balansın artırılmaması problemi ilə üzləşirlər. Ya məbləğ karta yüklənmir, ya da aparatın qəbul etdiyi qəpik sistemdə görünmür. Bu da sərnişinləri ciddi şəkildə narahat edir.

  • “MilliÖn” - Ülviyyə Əfəndiyeva: “Problemlərin bir çoxu sərnişinlərin ödəniş təlimatını düzgün icra etməməsi səbəbindən yaranır”

 “MilliÖn” aparatından “Bakı Kart”a ödənişin nə səbəbdən mümkün olmadığını öyrənmək üçün “MilliÖn” şəbəkəsinə müraciət etdik. “MilliÖn” şəbəkəsinin İctimaiyyətlə Əlaqələr və Müştəri Xidmətləri bölümünün rəhbəri Ülviyyə Əfəndiyeva qeyd etdi ki, yaranan çətinliklər müştərinin müraciəti əsasında dərhal araşdırılır: “Nəzərə almaq lazımdır ki, ölkə üzrə 3000-ə yaxın ödəmə terminalı mövcuddur. Ödəmə terminalları quraşdırılarkən sakinlərin ən çox və tez-tez istifadə etdiyi məkanlar və s. xüsusi kriteriyalar nəzərə alınır. Ödəmə terminallarının quraşdırılacağı ərazilərdə təhlükəsizlik müşahidə kameraları olmalıdır. Vətəndaşlar  ödəmə terminallarının yerləşdiyi ərazilər barədə məlumat almaq istəsələr, “Qaynar xətt”lə əlaqə saxlaya bilərlər”.

Həmsöhbətimiz onu da vurğuladı ki, problemlərin bir çoxu sərnişinlərin ödəniş təlimatını düzgün icra etməməsi səbəbindən yaranır: “Bəzən sərnişinlər istifadəyə yararsız halda olan kağız əskinasları və ya qəpik pulları terminala daxil etməyə çalışırlar. Ona görə də aparatlar həmin pulu qəbul etmir. Bütün hallarda, yaranan vəziyyətlə bağlı vətəndaşların şirkətin müştəri xidməti ilə əlaqə saxlaması tövsiyə olunur. “Qaynar xətt”ə müraciət edən hər bir şəxsə dəstək olunur. Öncəliklə ödənişin həyata keçirilib-keçirilməməsi yoxlanılır və müştəriyə məlumat verilir. Terminallar adətən müşahidə kameralarının olduğu yerlərdə quraşdırıldığından, mübahisəli məsələlərin həlli üçün bu görüntülərdən də lazım gəlsə istifadə olunur. Müştəri şikayətində haqlıdırsa, məbləğ ona geri ödənilir”.  

Günel CƏLİLOVA

Son xəbərlər