24/07/2019 05:10
728 x 90

Səttar Möhbalıyev AHİK-də Türkiyə həmkarlar ittifaqlarının nümayəndə heyəti ilə görüş keçirdi… - FOTO

img

Aprelin 22-də Azərbaycan Həmkarlar İttifaqları Konfederasiyasında “Kənd-Qida-İŞ” Həmkarlar İttifaqı Federasiyasının dəvətilə Bakıda səfərdə olan Türkiyə Cumhuriyyətinin “Şeker-İŞ” Həmkarlar İttifaqının nümayəndə heyətnin AHİK-in sədri, millət vəkili Səttar Möhbalıyevlə görüşü keçirilib.

Qonaqları salamlayan AHİK sədri onlara Azərbaycan həmkarlar ittifaqlarının fəaliyyəti haqqında məlumat verib. Bildirib ki, bu gün Azərbaycan Həmkarlar İttifaqları Konfederasiyası öz sıralarında 1 milyon 500 min həmkarlar ittifaqı üzvünü birləşdirir. Hər ay ittifaq üzvlərinin sayının artırılması üçün mütəmadi olaraq işlər aparılır .Yeni həmkarlar ittifaqı komitələri yaradılır. Buna misal olaraq deyib ki, bu yaxınlarda Gömrük işçilərinin həmkarlar ittifaqı komitəsi yaradılıb. Həmin təşkilatda həmkarlar ittifaqı yaradılması üçün uzun müddət  iş aparılııb. Hal-hazırda yeni yaradılan həmkarlar ittifaqının 7 minə yaxın üzvü vardır. S.Möhbalıyev qeyd edib ki, fəaliyyətimizin əsas istiqamətlərindən biri də özəl və transmilli sektorda həmkarlar ittifaqı təşkilatlarının yaradılmasıdır. Bu yolda bir sıra məhdudiyyətlər və əngəllər olsa da məqsədimizə nail ola bilirik. Buna misal olaraq bir faktı nəzərinizə çatdırmaq istəyirəm: ölkəmizdə metal istehsalı ilə məşğul olan transmilli şirkət fəaliyyət göstərir. Həmin şirkətdə 2 minə yaxın işçi çalışır. Rəhbəri isə əcnəbi vətəndaşdır. Biz həmin şirkətdə həmkarlar ittifaqı təşkilatı yaratmaq istəyirdik. İşəgötürən isə hər vasitə ilə buna əngəl törədərək işçilərin bu məsələyə etiraz etdiklərini bildirirdi. Müəyyən müddət keçəndən sonra müəssisə rəhbəri bizimlə əlaqə yaradıb görüşmək istədiyini bildirdi. Görüş zamanı o, etiraf etdi ki, həmkarlar ittifaqı təşkilatı yaradılması məsələsinə özü maneçilik törədirmiş və rəhbərlik etdiyi şirkətdə təşkilatın təsis edilməsini təklif etdi. Yəni, fəaliyyətimizdə belə hallara rast gəlmək olur.

S.Möhbalıyev AHİK-in dövlət orqanları ilə işgüzar münasibətlərinin olduğunu diqqətə çatdıraraq bildirib ki, Azərbaycan Respublikasının Nazirlər Kabineti, Azərbaycan Həmkarlar İttifaqları Konfederasiyası və Sahibkarlar (İşəgötürənlər) Təşkilatları Milli Konfederasiyası arasında hər 2 ildən bir Baş Kollektiv Saziş imzalanır. Cəmiyyətin bütün sahələrini özündə ehtiva edən bu Saziş uzun müzakirələrdən sonra hazırlanır və dediyim kimi, Ölkənin Baş Naziri, AHİK və Sahibkarların Milli Konfederasiyası tərəfindən imzalanır. Daha sonra isə, bütün sahə həmkarlar ittifaqları Baş Kollektiv Sazişin müddəalarını rəhbər tutaraq işəgötürənlərlə Kollektiv Sazişlər bağlayırlar.

Son zamanlarda ölkə Prezidenti tərəfindən həyati əhəmiyyətli sərəncamların imzalanmasını qonaqların nəzərinə çatdıran AHİK sədri bu sərəncamların verilməsi nəticəsində işləyən əhalinin əməkhaqqlarının artırılmasını, sosial müavinətlərin səviyyəsininn yüksəldilməsini, yeni müavinətlərin təyin edilməsini, pensiyaların, tələbə təqaüdlərinin artırılmasını və ümumilikdə insanların sosial rifahının yüksəldilməsini qeyd edərək bu istiqamətində xeyli işlər görüldüyünü diqqətə çatdırıb. O eyni zamanda qeyd edib ki, 2015-ci ildə xarici valyutanın dəyərinin yüksəlməsi nəticəsində bir qrup əhalinin kredit borclarında yaranan problemlərin həlli və onlara dəymiş zərərin dövlət tərəfindən ödənilməsi üçün mühüm sərəncamın verilməsini xüsusi vurğulayıb.

S.Möhbalıyev Azərbaycan-Türkiyə əlaqələrinin inkişafı sahəsində böyük ölçüdə işlər görüldüyünü, hər iki ölkəyə qarşılıqlı sərmayələrin qoyulması ilə iqtisadiyyatın yüksələn xəttlə inkişaf etdiyini qeyd edib.

AHİK sədri Azərbaycanın Qarabağ problemi ilə bağlı qardaş Türkiyənin dəstəyinin xalqımızın hər zaman şahidi olduğunu bildirib. Türkiyə hökumətinin və xalqının bu taleyüklü məsələdə daim yanımızda olduğunu məmnunluq hissi ilə diqqətə çatdırıb.

Nümayəndə heyətinin başçısı, Türkiyənin “Şeker-İŞ” həmkarlar ittifaqının prezidenti İsa Gök cavab çıxışında ölkəmizdə xoş qarşılandıqları, Azərbaycan həmkarlar ittifaqlarının fəaliyyəti ilə yaxından tanış olmaları üçün onlara hər cür şərait yaradıldığı üçün AHİK rəhbərliyinə nümayəndə heyəti adında dərin təşəkkürünü bildirib. Qonaq Azərbaycana 20 il bundan öncə səfər etdiyini, ötən illər ərzində ölkəmizin böyük bir inkişaf yolu keçdiyinin şahidi olmasını, heyranlığını dərin məmnunluq hissi ilə dilə gətirib. Buna görə xalqımızı təbrik edib.

Görüşdə hər iki ölkənin həmkarlar ittifaqları arasında əməkdaşlığın daha da genişləndirilməsi, əlaqələrin möhkəmləndirilməsi və qarşılıqlı maraq doğuran digər məsələlərin müzakirəsi də yer alıb.

Son xəbərlər