Bakıda təcili tibbi yardım maşınlarının daha çevik hərəkət üsulları barədə müzakirə açılır...

Tarix: 01.05.2015 / 02:32
Bölmə: Sosial

Azər Mehtiyev: «Şəhərdə bəzi yollar var ki, təcili tibbi yardım maşınlarının istiqaməti müəyyənləşdirilməli...»

«Bakıda elə yollar var ki, olduqca dardır»

Təcili tibbi yardım maşınlarının yollarda tıxaca düşməsi və bu səbəbdən də vaxtında çağırış yerinə çata bilməməsi neçə illərdir Bakının əsas problemlərindən biridir. Dəfələrlə bu məsələ gündəmə gətirilib.

Ümumilikdə, təcili yardım maşınları və onların şəhər yollarında hərəkətinin tənzimlənməsi tək yol hərəkəti qaydalarına nəzarət edən polislərdən yox, hər bir vətəndaşdan asılıdır.

Məlumat üçün bildirək ki, tıxac problemləri olan böyük şəhərlərdə - Moskvada, Nyu-Yorkda, Parisdə təcili tibbi yardım maşinlarının, o cümlədən, fövqəladə və digər operativ xidmətlərin maşınlarının həyəcan siqnalı eşidilən kimi mütləq qaydada orta xətt boyu ilə yol boşaldılır.

Bu kömək sayəsində tibbi, fövqəladə və ya texniki yardıma tələsən maşınlar orta zolaq ilə maneəsiz olaraq yüksək sürətlə hərəkət edə bilirlər. Bununla da insanların həyatının xilasında, fəlakətlərin nəticələrinin aradan qaldırılmasında sivil insanlar, sürücülər vətəndaşlıq borcunu yerinə yetirmiş olur. Lakin Bakıda təəssüf ki, belə deyil. Bizdə təcili tibbi yardım maşınlarının problemləri əsasən paytaxtda yaranır. Çünki Bakı həddən artıq çox yüklənib, istər insan, istərsə də avtomobil-texnika baxımından. İndi Bakının mərkəzi küçələrində hərəkət etmək piyadalar üçün çətinləşib, o ki qaldı harasa yetişməyə çalışan təcili tibbi yardım maşınları. Bu problemlərin başlıcası sürücülərin təcili tibbi yardım maşınlarına yol verməməsindən qaynaqlanır.

Maraqlıdır, təcili tibbi yardım maşınlarının iş vaxtı maneəsiz hərəkətini təmin etmək üçün hansı işlər görülməlidir?

İqtisadçı-ekspert Azər Mehtiyevin fikrincə, bir çox ölkələrdə xüsusi sürətli hərəkət etməli olan avtomobillər üçün yolun ayrıca hərəkət xətti olur: «Bu maşınlar həmin xətt ilə hərəkət edərkən digər maşınlar yoldan çəkilir. Elə ölkələr var ki, orada bu yol sırf sürətli hərəkət etməli olan avtomobillərin hərəkəti üçün istifadə olunur. Digər avtomobillərin bu yoldan istifadəsi qadağan olunur. Təbii ki, burada söhbət insan taleyinin həll olunmasından gedir. Buna çəkilən xərclər hər zaman özünü doğruldur. Ancaq Bakı şəhəri üzrə bu cür yollar nəzərdə tutulmur. Şəhərdə bəzi yollar var ki, təcili tibbi yardım maşınlarının istiqaməti müəyyənləşdirilməli və hərəkətin təyin edilməsi zəruridir. Bu bir qədər mürəkkəb prosesdir. Bu gün insanlar təcili tibbi yardım maşını çağırışa gedən zaman yolları boşaltmalı olduğu halda, bunu etmirlər. Bu məsələnin həlli üçün dövlət səviyyəsində ciddi addımların atılmasına ehtiyac var. Təbii ki, ilk növbədə yolların qurulmasına və bu yolla avtomobillərin hərəkətinin təmin edilməsinə ehtiyac var. Bunların mürəkkəblikləri də var. Bakıda elə yollar var ki, olduqca dardır. Bu yollarda isə xüsusi-əlavə hərəkət zolağının yaradılması mürəkkəblik doğurur. Bu zaman Bakı şəhərində avtomobillərin azaldılması istiqamətində addımlar atıla bilər. Məsələn, kiçik və böyük avtobusların yerinə tramvayların tətbiq edilməsi və yaxud ayrı-ayrı ölkələrdə ikinci, göylə gedən, xüsusi tramvay, metro xətləri salınır».

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...