Azərbaycanlı həkim 60 ilin hekayəsini danışır

Tarix: 30.04.2015 / 02:42
Bölmə: Sosial

«Hər dəfə anam sağalanda...»

Əliniyaz Məmmədov: «Həkimlik peşəsi istedad tələb edir»

Mayın 2-də akademik M.Topçubaşov adına Elmi Cərrahiyyə Mərkəzinin həkimi, tibb elmləri doktoru, professor, ali dərəcəli cərrah - qastroenteroloq Əliniyaz Məmmədovun 60 yaşı tamam olur. Onlarla xəstənin dərdinə şəfa qılan həkimlə elə işlədiyi məkanda - Elmi Cərrahiyyə Mərkəzində görüşdük.

Görüşümüzün də səbəbi bəlli idi - professorun yubileyidir, 60 yaşı tamam olur. Özünün də dediyi kimi, 60 il ərzində uğurları da olub, çətinlikləri də...

Əliniyaz müəllim 1955-ci ildə Masallı rayonunda anadan olub. 1972-ci ildə Tibb Universitetinin müalicə-profilaktika fakültəsinə daxil olub, cərrah ixtisası üzrə oranı bitirib. 1979-cu ildən 1985-ci ilə kimi Cəlilabad Rayon Mərkəzi Xəstəxanasında cərrah işləyib. 1985-ci ildə Tibb Universitetinin cərrahiyyə üzrə kursuna, daha sonra Tibb Universitetində aspiranturaya qəbul olub. 1989-cu ildə namizədlik dissertasiyasını müdafiə edib və Tibb Universitetində işə başlayıb. Sinif yoldaşları arasında elmlə məşğul olan yalnız odur. Elə tanınmışı da...

Professorun sözlərinə görə, 1992-ci ildə İran İslam Respublikasından ona iş təklifi gəlib və o razılaşıb.

«1993-cü ildə Bakıya qayıtdım. 6 il Respublika Klinik Xəstəxanasında çalışmalı oldum.Bundan sonra isə Mustafa bəy Topçubaşov adına Elmi Cərrahiyyə Mərkəzində işə başladım. 2005-ci ildə Moskvada doktorluq işi müdafiə etdim və həmin diplom Azərbaycanda Ali Attestasiya Komissiyası tərəfindən təsdiq olundu. 2005-ci ildən həm Azərbaycanın, həm də Rusiyanın tibb elmləri doktoruyam. Hətta Odlar Yurdu Universitetində Tibb fakültəsinin yaradılmasına kömək etmişəm, həmin ali məktəbin «Cərrahi xəstəliklər» kafedrasının müdiri olmuşam. Hazırda Əziz Əliyev adına Həkimləri Təkmilləşdirmə İnstitutunda dərs deyirəm».

Ə. Məmmədov 60 illik həyatından razıdır. Deyir, bu həyata görə Allaha şükür edir.

«60 ildə düşünürsən, keçmişi vərəqləyirsən. Bu illərdə uğurlar da, nailiyyətlər də var. Düşünürəm ki, daha çox iş görmək olardı. Allahdan yenə də razıyam. Həmişə nəzəri üzərimdə olub. Çox yaxşı ailəm olub - ziyalı olublar. Rayonda sayılıb-seçilən nəsil olmuşuq».

Daha sonra həkimlə 60 illik yubileyinə hazırlıq işləri ilə bağlı danışırıq. Onun sözlərinə görə, «yubiley keçirmək» ideyası Elmi Cərrahiyyə Mərkəzinin rəhbəri, akademik Böyükkişi Ağayevə məxsusdur. Professorun 60 illik yubileyi ilə bağlı bir çox tədbirlər keçiriləcək. «Həm institut səviyyəsində, həm də digər səviyyələrdə. Payızda yubileyimə həsr olunmuş elmi-praktik konfrans olacaq. Bu konfransda başqa ölkələrdən də nümayəndələr iştirak edəcək» deyə, yubilyar əlavə edib.

Ə. Məmmədovun həkim olmaq istəyinin də maraqlı tarixçəsi var. Həkim deyir ki, orta məktəbdə oxuyanda anası xroniki xəstəlikdən əziyyət çəkirmiş. «Ona görə də tez-tez həkimə müraciət edirdik. Anam hər dəfə sağalanda isə evimizdə toy-bayram olurdu. Mənim bu peşəyə rəğbətim o vaxt yarandı . Bu istəyimə valideynlərimin, eyni zamanda, qardaşımın çox böyük təsiri oldu.

Əliniyaz müəllimin dörd övladından ikisi həkimdir. Biri stomatoloq, digəri isə cərrah-mamoloqdur. Onların həkim olmağında ataları da rol oynayıb. «Mən təklifim etdim, onlar da qəbul etdilər. Sonradan əldə etdikləri nailiyyətləri isə özləri qazanıblar» - deyə həkim əlavə edir.

«İstərdinizmi, nəvələrinizdən kimsə sizin yolunuzla getsin və həkim olsun» sualını professor belə cavablandırdı: «Həkimlik peşəsi istedad tələb edir. Kiməsə deyə bilmərəm ki, həkim ol. Hər adam bəstəkar, jurnalist olmadığı kimi, həkim də ola bilməz. Çünki bu, xüsusi qabiliyyət tələb edir. Əgər bu sahəni seçsələr, xeyir-dua verərəm».

Əliniyaz həkim ailə qurduğu xanımla Cəlilabadda tanış olub. Özünün dediyi kimi, Cəlilabad rayonunda işləyəndə tale üzünə gülüb. «Həmin rayonda bir xanımla tanış oldum və ailə qurdum. Qismətimdən çox razıyam. Rəna xanım mənim üçün təkcə həyat yoldaşı olmayıb, həm də həyatın bütün mərhələlərində yol yoldaşım, məsləhət verənim, sirdaşım olub. 4 övladımız var, 3 qızım, bir oğlum. Qızlarım ailəlidir. Oğlum isə hazırda ali təhsil alır. Onlarsız həyat mənasızdır. Övladlarımın ağıllı və dünyagörüşlü bir insan kimi böyümələrinə görə Rəna xanıma minnətdaram».

Həkimlə söhbət edib, səhiyyənin bugünkü durumundan, xəstəliklərdən danışmamaq mümkün deyil. Söhbətimiz zamanı bəlli oldu ki, son vaxtlar onkoloji, ürək, mədə-bağırsaq, qara ciyər və hepatit xəstəliklərinin sayında artım var, daha doğrusu, bu xəstəliklərlə bağlı müraciət edənlər çoxdur. Ə. Məmmədov bunun səbəblərini də izah edir: «Bunun əsas səbəbi də insanların öz sağlamlığına diqqətsiz yanaşmasıdır. Təbii qidalara üstünlük vermək lazımdı. Süni, GMO məhsulların mətbəximizə daxil olması kifayət qədər problem yaradır, orqanizminə mənfi təsir göstərir».

Müsahibimiz bildirdi ki, bu gün səhiyyə sektoru ciddi nəzarət altındadır, uğurlarımız da az deyil: «Bunun nəticəsidir ki, Neftçilər Xəstəxanasında qara ciyər köçürmə mərkəzi açılıb. 100-ə qədər qara ciyər köçürmə əməliyyatı aparılıb».

- Son olaraq, özünüzlə bağlı arzularınızı və həkim olaraq oxucularımıza tövsiyələrinizi bilmək istərdik...

- Arzularım çoxdur. Övladlarıma həmişə deyirəm ki, ölkəyə, xalqımıza həmişə sadiq olsunlar. Nəvələrim də layiqli övlad olsunlar. Hər birinə can sağlığı arzu edirəm. Ölkəmizin uğurlarına görə dövlət başçısına təşəkkür edirəm. Oxuculara isə tövsiyəm odur ki, sağlamlıqlarını qorusunlar. Daha çox kitab oxusunlar. Kitab oxumaq ömrü uzadır. Nə qədər çox kitab oxusan, dünyagörüşün də artar.

Lent.az

Anar Məcidzadə

Şəhla Şahin

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...