Orta məktəb fənlərinin ixtisar edilməsi planı birmənalı qarşılanmır

Tarix: 30.04.2015 / 03:29
Bölmə: Sosial

Etibar Əliyev: «12 illik təhsil sisteminə keçid mərhələli şəkildə həyata keçirilməlidir»

Rafiq İsmayıl: «Tədris olunan fənlərin sayının azaldılmasının müsbət tərəfi odur ki, şagirdlər çox yüklənməyəcək»

Məhərrəm Zülfüqarlı: «Tədris olunan fənlərin sayının azaldılmasının tərəfdarı deyiləm»

Xəbər verildiyi kimi, Azərbaycanda məktəb fənləri azaldıla bilər. Məlum olduğu kimi, Azərbaycanda 12 illik təhsilə keçidlə bağlı müzakirələr gedir. Bu sistemə keçidlə bağlı tədris olunan fənlərin sayının azaldılması müzakirə olunur.

Azərbaycan Təhsil Problemləri İnstitutunda 12 illik təhsil sisteminə keçidlə bağlı aparılan müzakirələrdə fənlərin birləşdirilməsi təklif olunur. Hazırda Azərbaycanın orta ümumtəhsil məktəblərində ümumi orta təhsil səviyyəsi üzrə tədris olunan fənlərin sayı 17-dir. Təklif olunur ki, burada da fənlərin bir neçəsi birləşsin, onların sayı 13-ə endirilsin.

Tam orta təhsil səviyyəsi üzrə tədris olunan fənlərin sayı isə 14-dən 9-a endiriləcək. Təmayüllər üzrə istiqamətlərdə isə humanitar, texniki, təbiət elmləri və digər istiqamətlər üzrə fənlərin sayının azaldılması da təkliflər arasındadır.

İnstitutun direktor müavini Ənvər Abbasov media nümayəndələrinə açıqlamasında bildirib ki, dünyada prioritet istiqamət odur ki, təhsil yükü yüngülləşsin: «Eyni zamanda, uşaqlarda maraq oyatsın, onların marağına uyğun və inteqral olunsun. Bu isə o deməkdir ki, fənlər əlaqələnməlidir».

12 illik təhsil sisteminə keçidi dünya standartlarına uyğun hesab edən təhsil eksperti Etibar Əliyev bu işin mərhələli şəkildə həyata keçirilməli olduğunu dilə gətirdi. Onun sözlərinə görə, 12 illik təhsil sisteminə keçid təhsilin keyfiyyətinə öz müsbət təsirini göstərəcək: «Tam orta ümumtəhsil məktəblərinin ikiillik pilləsində bu fənlərin inteqral tədrisi nəzərdə tutulur: istər humanitar, istərsə də təbiət elmləri fənləri. Amma 12 illik təhsil sisteminə keçid müəyyən vaxt tələb edir».

Təhsil eksperti Rafiq İsmayıl bildirdi ki, dərslərin sayının azalması tədris ilinin artması ilə bağlıdır: «Əslində fənlərin sayı azalmır. Bəzi fənlərin tədrisi növbəti il davam edəcəyi üçün keçirilən dərslərin sayı azalır. Tədris ilinin 1 il artırılması müsbət ideyadır. Çünki şagirdlər bu müddət ərzində daha yaxşı bilik əldə edəcək. Düşünürəm ki, belə olan halda heç bir uşaq repetitor yanına getməyəcək. Həmin illər ərzində uşaqlar müəllimlər tərəfindən onlara aşılanan biliyi daha mükəmməl şəkildə qavrayacaq. Tədris olunan fənlərin sayının azaldılmasının müsbət tərəfi odur ki, şagirdlər çox yüklənməyəcək».

Digər təhsil eksperti Məhərrəm Zülfüqarlı isə tədris olunan fənlərin sayının azaldılmasının tərəfdarı olmadığını dilə gətirdi.

M.Zülfüqarlının sözlərinə görə, 12 illik təhsil sisteminə keçid ideyası beynəlxalq təcrübədən irəli gəlir: «Avropa ölkələrində təhsil müddəti 12 ildir.

Nəzərə çatdırım ki, xarici ölkələrdə tətbiq olunan Boloniya sistemi Azəbaycanda da tətbiq olundu. Amma istənilən nəticə əldə olunmadı. Bu səbəbdən də düşünürəm ki, tədrisin 12 illə əvəz olunması və tədris olunan fənlərin sayının azaldılmasına ehtiyac yoxdur».

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...