Dövlət dərmanların qiymətinin tənzimlənməsində mühüm addım atdı

Tarix: 27.04.2015 / 03:16
Bölmə: Sosial

Adil Qeybulla: "Bu ilk növbədə əhali üçün faydalı bir addımdır"

"İstehsalı şübhə doğuran, üçüncü ölkələrdən gələn və bir-birini..."

Son vaxtlar əhalini ən çox narahat edən məsələlərdən biri də dərmanların apteklərdə fərqli qiymətlərə satılmasıdır. Artıq Nazirlər Kabineti dərmanların qiymətinin tənzimlənməsi ilə bağlı müvafiq qərar verib. Nazirlər Kabineti "Qiymətləri (tarifləri) dövlət tərəfindən tənzimlənən malların (işlərin, xidmətlərin) Siyahısı"nda dəyişiklik edib.
Belə ki, Milli Məclis tərəfindən 16 dekabr 2014-cü ildə "Dərman Vasitələri Haqqında" Qanuna dəyişikliklər edilib və dəyişiklik dövlət qeydiyyatına alınmış dərman vasitələrinin qiymətlərinin tənzimlənməsi və həmin qiymətlərə nəzarətin həyata keçirilməsi qaydasının müvafiq icra hakimiyyəti orqanı tərəfindən təsdiq edilməsini nəzərdə tutub.
"Dərman Vasitələri Haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2015-ci il 18 mart tarixli Fərmanına əsasən, Tarif (qiymət) Şurasına qanuna uyğun olaraq dövlət qeydiyyatına alınmış dərman vasitələrinin qiymətlərinin tənzimlənməsini üç ay müddətində təmin etmə tapşırılıb.
Bir sözlə, NK-nın bu qərarından sonra Tarif Şurası dərman vasitələrinin ekspertiza xidmətləri, dövlət qeydiyyatına alınmış dərman vasitələrinin qiymətlərini tənzimləmək üçün müvafiq qərar qəbul edə biləcək.
Ümumilikdə ekspertlər bunu necə dəyərləndirir?
Məsələyə münasibət bildirən tibb elmləri doktoru, professor Adil Qeybullanın sözlərinə görə, bu bəzi apteklərin bazardan çıxmasına səbəb ola bilər. Onun fikrincə, dərmanlarla bağlı vahid qiymət sisteminin tətbiqi düzgün addımdır: "Etiraf etmək lazımdır ki, Azərbaycana keyfiyyət parametrləri müəmmalı olan dərmanlar daxil olur. İstehsalı şübhə doğuran, üçüncü ölkələrdən gələn və bir-birini təkrarlayan dərmanlar həddən artıq çoxdur. Bu səbəbdən də dərman bazarına ciddi şəkildə nəzarət olunmalıdır. Bu ilk növbədə əhali üçün faydalı bir addımdır. Çünki eyni dərmanı müxtəlif apteklərdə müxtəlif qiymətlərdə görən insanlar bunun hansının münasib olduğunu aydınlaşdıra bilmirdi.
Ölkəyə çox sayda dərman preparatının daxil olması da narahatlıq doğurur. Bir çox hallarda eyni tərkibli dərmanlar fərqli adlarla gətirilir. Burada əhalinin deyil, dərman firmalarının maraqları qorunur. Azərbaycanda dərman bazarı bədnam durumda olduğundan, saxta malların olması şübhəsi də var idi.
Bir neçə şirkət dərman sektorunu monopoliyaya alaraq öz nüfuz dairəsində saxlayır: özlərinin tabeliyində olan apteklərə dərmanları ucuz qiymətə verir, başqalarına baha. Dərmanlara vahid qiymət siyasətinin uğurlu alınması üçün ən əsas şərt bütün apteklərin bazadan dərmanları eyni qiymətə almasını təmin etməkdir. Belədə qiymətin üzərinə ancaq ƏDV əlavə edilmiş olacaq. Bu olacaqsa, proses gözlənilən nəticəni verəcək, əks halda yenə də əvvəlki vəziyyət qala bilər".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...