Avropa Oyunlarının məşəlinin simvolikası diqqət çəkdi

Tarix: 27.04.2015 / 03:45
Bölmə: Sosial

Təranə Xudabaxşiyeva: "Avropa Oyunlarının məşəlində Azərbaycanın sərvətlərinin təsvirindən istifadə bizi dünyaya daha yaxşı tanıdacaq"

Nəriman Sadıqoğlu: "Avropa Oyunları ilə bağlı hazırlanan məşəl Azərbaycan dövlətinin atributudur"

Dünən "Bakı-2015"in məşəli Odlar Yurdu Azərbaycanın qədim və müqəddəs "Atəşgah" Od Məbədində alovlandırılıb. Mərasimə Avropa Olimpiya Komitəsinin prezidenti Patrik Hikki də qatılıb.
Məşəl tanınmış idmançıların müşayiəti ilə Azərbaycanın bütün regionlarından keçərək Avropa Oyunlarının açılış mərasimi ərəfəsində Bakıya gətiriləcək.
Qeyd edək ki, Avropa Oyunlarının məşəli iyunun 12-də Bakı Olimpiya Stadionunda təşkil olunacaq açılış mərasimində alovlandırılacaq.
Xatırladaq ki, ilk Avropa Oyunlarının məşəl və çırağını "Sidney-2000", "Afina-2004" Olimpiya Oyunları və "Doha-2006" Asiya Oyunlarının məşəlini tərtib edən şirkət hazırlayıb.
"Bakı-2015"in məşəl və çırağını YARAT-ın bədii rəhbərliyi ilə Sebastian Berqne dizayn edib. Gənclər və idman naziri Azad Rəhimovun mediaya verdiyi açıqlamaya görə, dizayner məşəlin hazırlanmasında Azərbaycanın ənənəvi metalişləmə sənətindən bəhrələnib. Beləliklə, məşəl milli-mənəvi varlığımızı tərənnüm edən daha bir vasitəyə çevriləcək.
Nazirin sözlərinə görə, məşəl səyahətində 150 yaradıcı komanda, 132 nəqliyyat vasitəsi iştirak edəcək: "Məşəl iyunun 7-də Bakıya qayıdacaq və Oyunların açılış gününə qədər paytaxtda maraqlı tədbirlər keçiriləcək. Onların sırasına 8 iyun tarixində İdman arenaları günü, 9 iyunda İçərişəhər günü, 10 iyunda İncəsənət və memarlıq günü, 11 iyunda isə məşəl proqramının son günü olaraq keçiriləcək tədbirlər daxildir".
Məşəlin daşınacağı marşrut boyunca keçiriləcək tədbirlərə minlərlə insanın qatılacağı gözlənir. Məşəl proqramı çərçivəsində 15 bölgədə Alov festivalı təşkil olunacaq ki, burada rəsmi şəxslərin, incəsənət ulduzlarının və tanınmış idmançıların iştirakı nəzərdə tutulub.
Ölkə boyunca 60 rayona səyahət edərək oyunların ruhunu yayacaq və insanların qəlblərini isidəcək alov 47 gün sonra, iyunun 12-də təşkil olunacaq açılış mərasiminədək təxminən 5500 km məsafə qət edəcək.
Özünəməxsusluğu ilə fərqlənəcək bu səyahət Azərbaycanın tarixi, təbii imkanları, idman və mədəni sahədəki uğurlarını nümayiş etdirəcək.
Məlumat üçün bildirək ki, 660 sm hündürlüyü olan məşəlin gövdəsi "Bakı-2015" brendində yer alan nar ağacını xatırladır. Alovu qoruyan mis başlıq da nar formasındadır - onun 50 dənəsi Oyunlarda iştirak edən ölkələrin sayını təmsil edir.
Alov hər məntəqədə məşəl və Oyunların brendindən götürülmüş, nar ağacı motivləri əsasında Azərbaycanın milli-mədəni dəyərlərini əks etdirərək hazırlanmış neftlə yanan çıraqlara ötürüləcək.
Taekvando üzrə milli hakim və idman jurnalisti Təranə Xudabaxşiyeva "Bakı-Xəbər"ə açıqlamasında bildirdi ki,
Avropa Oyunları Azərbaycan idmanı və dünya idmanı tarixində xüsusi yer tutacaq: "Azərbaycanda keçirilən Avropa Oyunlarının məşəlində Azərbaycanın sərvətlərinin təsvirindən istifadə bizi dünyaya daha yaxşı tanıdacaq. Şəxsən mən məşəli və çırağı çox bəyəndim. İnşallah, bu oyunlarda ev sahibi olmaqla yanaşı, qələbələrimizlə də tarixə düşərik. Hamımıza uğurlar".
Əməkdar məşqçi Nəriman Sadıqoğlu "Bakı-Xəbər"ə açıqlamasında qeyd etdi ki, Avropa Oyunları ilə bağlı hazırlanan məşəl Azərbaycan dövlətinin atributudur: "Bu simvolda Odlar Yurdu Azərbaycan təsvir olunur".
Həmsöhbətimiz onu da əlavə etdi ki, səyahət zamanı ümumilikdə 1000-dən çox məşəlçi iştirak edəcək: "Məşəl yer üstündə avtobus, funikulyor, velosiped, yer altında Bakı metrosu, suda qayıq, havada isə təyyarələr tərəfindən daşınacaq". Məşqçi bildirdi ki, Olimpiya Oyunlarının açılış simvolu məşəldir: "Olimpiya oyunları hansı ölkədə keçirilirsə, məşəl də o ölkənin milli adət-ənənəsinə uyğun olaraq tərtib olunur. Bəllidir ki, Azərbaycan Odlar diyarıdır. Torpağımız neftlə zəngindir. Məşəlin hündürlüyünün 660 sm ölçüsündə olması Azərbaycanın qüdrətli dövlət olmasından xəbər verir".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...