Piyada keçid qaydaları dəyişdirilir

Tarix: 23.04.2015 / 02:47
Bölmə: Sosial

İlqar Hüseynli: "Yaxşı haldır ki, təhsil, səhiyyə, iri ticarət müəssisələrinin yaxınlığında piyada keçidlərinin inşa olunması əlavələrdə öz əksini tapıb"

"Piyadalar bəzən yolu tez keçməkdən ötrü keçiddən istifadə etmir"

Azərbaycanda piyada keçidləri yeni qaydalar əsasında tikiləcək. Milli Məclisdən mətbuata verilən məlumata görə, bununla bağlı parlamentdə "Yol hərəkəti haqqında" Qanunda dəyişiklik edilməsi nəzərdə tutulur.
Qanuna 9-1-ci maddənin əlavə edilməsini nəzərdə tutan qanun layihəsində "Piyada keçidləri arasında məsafə və yerüstü və ya yeraltı keçidlərin tikilməsi" adlanan əlavəyə əsasən, avtomobil yollarında piyada keçidləri təhsil, səhiyyə, iri ticarət (xidmət, istehsalat) müəssisələrinin, nəqliyyatın dayanacaq məntəqələrinin, idman, istirahət və turizm obyektlərinin və insanların kütləvi toplaşdığı digər obyektlərin yaxınlığında olmalıdır. Piyada zolağında hərəkətin işıqforla nizamlanması vacib olan hallar müvafiq icra hakimiyyəti orqanı tərəfindən müəyyən edilir.
Qanun layihəsində göstərilir ki, avtomagistralların yaşayış məntəqələrindən keçən hissələrində yerüstü və ya yeraltı keçidlər arasında məsafə 400-800 metr, digər avtomobil yollarının yaşayış məntəqələrindən keçən hissəsində isə piyada keçidləri arasında məsafə 150-300 metr (yolayrıcları arasında daha az məsafə olduğu hallar istisna olmaqla) olmalıdır.
Maddənin 3-cü hissəsində göstərilir ki, avtomagistrallarda yerüstü və ya yeraltı keçidlər yuxarıda göstərilənlər nəzərə alınmaqla, digər avtomobil yollarında - nəqliyyat vasitələrinin hərəkət şiddəti 300 avtomobil/saatdan, piyadaların hərəkət şiddəti 3000 adam/saatdan və yolun hərəkət hissəsinin eni 14 metrdən çox olduqda tikilməlidir.
Avtomobil yollarında yerüstü və yeraltı keçidlərin tikilməsi vacib olan digər hallar müvafiq icra hakimiyyəti tərəfindən müəyyən ediləcək. Qeyd edək ki, adıçəkilən qanun layihəsi Milli Məclisin aprelin 28-də keçiriləcək plenar iclasında müzakirəyə çıxarılacaq.
Bütövlükdə, piyada keçidləri ilə bağlı yeniliklər qəbul olunacaqsa, bu, piyada vurulması ilə nəticələnən avtoqəzaların azalmasında nə kimi rol oynayacaq?
Məsələyə münasibət bildirən ekspert İlqar Hüseynlinin sözlərinə görə, bu olduqca əhəmiyyətli təklifdir: "Məsələ ondadır ki, hər il orta hesabla 400 nəfər piyada vurulması ilə nəticələnən avtoqəzada dünyasını dəyişir. Bu da Azərbaycan kimi ölkə üçün olduqca böyük rəqəmdir. Problem ondadır ki, əsasən şəhərətrafı bir sıra yaşayış məntəqələrində piyadalar üçün keçidlər yoxdur. Yaxud da görürsən keçidi elə yerdə inşa ediblər ki, oradan piyadalar o qədər də istifadə etmir. Bax bu cür problemlər var. Qəsəbələrarası elə yollar var ki, orada nəinki piyada keçidi, heç piyadalar üçün xüsusi işarələnmiş zolaqlar da yoxdur. O üzdən yaxşı haldır ki, təhsil, səhiyyə, iri ticarət müəssisələrinin yaxınlığında piyada keçidlərinin inşa olunması əlavələrdə öz əksini tapıb. Bu çox mühüm qərardır. Ümumiyyətlə, piyada keçidlərinin tikilməsi ilə bağlı prosedurların sadələşdirilməsinə ciddi ehtiyac var. Bəzən prosedurun mürəkkəbliyi üzündən müvafiq qurumlar operativ olaraq işə baxmır. Bütün bunlarla yanaşı, piyadaların özlərindən də çox şey asılıdır. Yəni təkcə keçid tikməklə iş bitmir. Piyadalar bəzən yolu tez keçməkdən ötrü keçiddən istifadə etmir. Nəticədə qəza baş verir. Dəfələrlə buna görə yol polisi əməkdaşları piyadaları cərimə etsələr də, belə hallar azalmır. Məsələnin bu tərəfini də nəzərə almaq lazımdır və maarifləndirmə işləri artırılmalıdır".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...